其實香港好多人學音樂,係想要證書
唔係愛音樂。
我教過琴,啲家長上左幾堂就問我幾時可以報考試,考咩級等等。解釋過咁係對小朋友唔好,但家長係唔會聽。總之死練琴背曲都要考返嚟。十個有九個都係咁....考到8級又如何,sight reading 又唔得,聽力又差,問多少少cadence 變化又答唔出,咁嘅8級名過於實
所以基本工一定要練,要識。
中學去過英國同德國交流,人地啲中學生係可以冇考過級,佢地係睇你彈到咩曲,點樣去處理音樂,點解去練。衰啲講句,學哂8級都只係基本,如果係認真嘅話,真係有好多不足。音樂唔係用嚟考試評分,本身音樂就係藝術,點解去演繹首曲先係畢生要學嘅嘢。
亞洲社會就係咁,咩都攞嚟考試,本質係咩都搞唔清楚。