[小小虫][求懲罰] 我餐廳真係頂唔順了...(3)

1001 回覆
536 Like 11 Dislike
2019-12-02 17:15:00
大家好 我係小小虫 tg: seafoodpeter
本身諗住如果爆咗第二個post,就唔再開新post, 想大家一齊將注意力集中返喺場運動度。今次重點唔喺懲唔懲罰度,我有少少心聲想同大家分享。

第一樣嘢,真係非常感激大家,依10日不斷嘅懲罰,生意好咗,和到嗰幾日冇開舖蝕嘅錢之餘,絕對有望可以捐到少少錢出去。 如果唔係你地,我真係已經收咗皮,真係好感激好感激大家。我要月中先收到份report, 到時會上嚟報告過,想同大家一齊傾拎出黎捐去邊,或者用嚟做啲乜。之前keep住有人留言叫我唔好捐,留返啲錢,其實對我嚟講,唔洗執笠已經好好,有多嘅我真係好想回饋返俾場運動。

第二樣嘢想多謝返前幾日有個巴打埋單嘅時候,係張單度寫咗啲野同我哋打氣,睇到真係好窩心,我同同事貼咗係locker自己睇。好似你咁講,贏咗要一齊喺煲底相認慶祝,一定會有咁嘅一日。

11月全店免加一九折,12月份想繼續做返優惠俾連登巴絲同職員同學仔,所以希望巴絲打嚟到埋單既時候同我啲伙記講句係巴絲打做返個折頭俾你地吖(12月24,25除外) ,嚟到都不妨同我say個hi (有留意前兩日po嘅應該會認得,我一定係係廚房既,黑色衫,四眼,戴頭帛),等我同你地講返聲多謝同請你地食甜品吖。

另外想同其他黃店講,要一齊努力,做餐廳就明,一下子太多客,做唔返個節奏,質素難免難以保持,但就算俾人懲罰都要好味㗎,懲罰唔係老馮,我自己都會盡心盡力,希望你地每次嚟都係食到最好嘅嘢,唔會辜負你地,希望我可以努力捱到開新學期,繼續煮嘢俾大家食。

除咗啲出名嘅黃店之外,其實仲有好多黃到金嘅小店等大家去懲罰,大家不妨多啲發掘吓,一齊搞好黃色經濟圈,將幫襯黃店變成生活習慣

因為睇嚟緊嘅booking已經少返好多,所以12月3我就會開放返full menu出嚟俾你地食,而且得閒啲希望可以出嚟同你地傾吓計。同埋有特別嘢想食嘅話而家都可以tg我呀,基本上你要求嘅,我都應該識整嘅,希望帶到驚喜俾你地。再唔係有咩再幫手,或者想搵人傾下計都可以揾我呀。

嚟緊如果變番正常,我又抽到身,我好希望持續拍片,拍哂我知嘅廚房做法同secret出嚟,因為我未入行好鐘意煮野食嘅時候一直都好想知依啲嘢,奈何網上一直唔會有人肯公開。
同埋我想開班教人煮野食好耐好耐好耐。我觀塘有個場地同朋友仔夾份,整嚟教班同搞party,但因為我一直係餐廳未停過,平時都係朋友仔打理。如果你地唔嫌棄,我好想開返十場八場煮食班,教吓大家煮嘢食,報答你地。

第三樣,你哋幫我,我都好想幫返其他人,無論係義飯,抑或有任何野幫手,即管揾我,義不容辭。
2019-12-02 17:15:41
推呀
2019-12-02 17:16:08
P牌推
2019-12-02 17:17:36
循環消費,生生不息,飲水思源
呢啲咪黃店精神
2019-12-02 17:18:16
有啲心聲一直好想同香港人講,覺得too long didn't read既巴絲可以skip咗下面(雖然你都睇到呢度)。

致香港人
以前覺得香港人會斤斤計較,喺利益嘅前題下,少個崩都要計到盡,做咩都以利益行先,無乜同情心,依一樣係我地以前對自己嘅刻板印象。
但到呢一刻,香港人唔再係為自己嘅利益,唔再係一個個獨立嘅個體,係一個群體。就算721, 831,101等等嘅事唔係發生喺自己身上,喺屋企睇住live,望住嗰啲畫面,相信每一個人都感同身受。

喺依場運動入面,發夢出過去嘅都知道,我哋嘅守望相助,一落到去無人會問你邊度黎, 無論你咩國藉,男定女,幾多歲,全部都係手足,每個人唔怕污糟,唔怕陌生。一有嘢要幫手就會衝過去幫,主動幫人洗眼,自己嘅gear都送埋俾人,街坊行慢啲俾勇武走先,每個人都展現人性光輝。

雖然我哋有時會意見不合,會嘈交,會攰,會絕望,到樽頸位我哋會唔知點做。但我哋嘅團結,我可以講勝過任何一個國家。
我哋根本唔洗怕同藍絲鬥, 佢哋得把口同我哋唔同。我哋有用錢都買唔起既意志,點會輸俾啲剩係識嘴炮嘅藍絲?佢哋可唔可以唔收錢風雨不改去遊行?佢哋可唔可以唔顧自己嘅安危去幫人?佢哋剩係識喺屋企對住電話電腦打飛機,請問你仲有咩好怕?你體驗到香港人同心協力嘅耐力同鬥心,試問你仲有咩好怕?

我成家都深黃,我老豆年紀都大,但堅持基本上每個和理非集會都去,佢成日問我,佢幾十歲人仲可以做到啲乜,唔通叫佢上前打打殺殺咩。所以佢選擇用佢做到既嘅方式去支持場運動。

最印象深刻係嗰晚中大俾人圍得最緊要嗰晚,大家都吹雞圍魏救趙,大家都聽緊收音機、whatsapp錄音,聽住中大既慘烈情況,每個人心情都好沉重。我從來唔想迫老豆做啲咩,但到忍唔住換衫出門口嘅時候,忍住啲眼淚同老豆講,「爸爸,唔洗做到啲咩㗎,你可以嘅話出去市中心,企下又好咩都好,幫手拖住。」我上左車無幾耐,我老豆就whatsapp我,原來本來15,16既佢即刻換衫出左去,我覺得有咁嘅老豆真係好自豪。 坐緊私家車期間聽到啲錄音已經忍唔住喊,剩係想可以快啲去到。去到吐露港塞哂,去緊中大嘅人,每個人幾塞都無怨言,只求點樣可以快啲去到中大,無論幾危險香港人都唔驚。我同我啲朋友選擇徒步行過去,但去到已經遲哂大到,暫時停左火。我聽到二橋嘅手足見到啲物資講左句又係乾糧,好想食熱野,我即刻知道唔好再得個諗字,真係付諸實行。我哋成team伙記每個都好用心做依件義飯嘅事,包括黎幫手嘅連登巴打,有幫手整有幫手車,無一個人想拎光環,只係反而我要用連登名吹雞,佢哋先係無名英雄。依一個就係我哋搞食物支援嘅開始。我哋香港人做嘅野係人性使然,我哋唔會輸。

最後大家要只需要問自己一個問題,為左你出生,生活既依個香港,你能力做到啲咩就去做,就已經係最大既幫手

利申成個post都係發夢夢到,如有雷同實屬巧合。
2019-12-02 17:19:16
幾高汁 巴打啲野食

2019-12-02 17:19:56
In bb can we trust
2019-12-02 17:21:00
小小虫巴加油
2019-12-02 17:22:33
同我繼續冧檔
2019-12-02 17:23:25
留住d錢先得唔得
你頂到開返sem先捐啦
2019-12-02 17:23:56
虫仔加油!
2019-12-02 17:24:23
樓主,有樣野想實行好耐,但一直無從入手
利用黃店對街既玻璃做文宣
1) 貼紙
2)有多錢就直接放個廿幾吋mon去播片, 內容: 731831真相,警暴,人權及公民權利,將來活動宣傳,打氣宣傳片(YouTube)


希望樓主你見到!
2019-12-02 17:27:45
2019-12-02 17:46:42
幫推,星期四黎懲罰你
2019-12-02 17:49:01
2019-12-02 17:50:31
今個月番母校食飯懲罰你啦 等我
2019-12-02 17:50:32
繼續懲罰呀
大家唔好3分鐘熱度 要罰到佢好似龍門咁
2019-12-02 18:00:31
有冇vegan menu?
2019-12-02 18:22:30
2019-12-02 18:36:10
有冇聖誕大餐?
2019-12-02 18:39:00
2019-12-02 18:40:03
Push
2019-12-02 18:43:05
留名做學生
2019-12-02 18:59:29
今個月鬆動d就過黎幫襯巴打繼續加油
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞