Fatima
本身打算黎到先至睇下搵唔搵到人分擔下包車錢
點知由吉爾吉斯黎到塔吉克既Khorog都未見到遊客
唯有豪啲自己包車
咁就靠Guesthouse個host幫我搵司機
根據Lonely Planet上所講包車費用係依行駛距離而定
而每公里大概USD1-USD1.5(其實我唔知準唔準確
)
另加司機每日住宿USD20,自己住宿另計
我打算分兩段路包車
1.
Khorog-Fatima-Langar-Bulunkul-Murgab
2.
Murgab-Karakul-Sary Tash(吉吉)-Osh
最後覆返我第一段路要USD350
雖然我出發前預左搵唔到人夾的話會用大約HKD6000包車
但聽到呢個價真係覺得好乸利
考慮左一陣都覆返司機OK,約好第二日10點出發
由於路途遙遠,所以朝早趁有時間就去市集買定乾糧
司機唔識英文,指手劃腳話佢知去
Fatima之前想係
Garm-Chashmah溫泉停一停,諗住唔浸都去望望
一路沿住Panj River行,對岸就係阿富汗
行行下突然停左係路邊,以為差唔到多
Garm-Chashmah
原來佢急尿,行左路邊屙
我就周圍望望
話時話,由
Khorog向
Murgab出發的話有兩條線比你揀
一係行北線(梁彦宗-背遊中亞行呢條)
一係南線沿Panj River(Wakhan Corridor)
同阿富汗一河之隔
田園風光,如果唔係冇時間冇理由唔揀呢條
行行下突然醒起唔係去緊
Garm-Chashmah既咩
屌,原來個司機唔識聽唔知要停,已經過左好耐
唯有係Google打飛機
(From Google)
沿路啲樹都開始出緊黃葉
係到
Fatima之前有一個Khaakha Fortress想去睇睇
為免個司機又再飛站,不斷moon住個
Maps.me
係我督促下果然冇出事
行左上山腰已經可以一眼睇曬對岸既阿富汗
繼續上路
Fatima係山上面,由
Tuggoz村山腳上山仍然要半粒鐘
上山條路其實都幾撚恐怖
路窄而且好多碎石
不過風景足以令人分心
黎得
Fatima只有一個目的--浸溫泉
係山上面只有兩間住宿,我就揀左一間係Bathhouse附近
問左價錢,唔記得USD12定USD15一晚包埋晚餐
不過黎到已經六點,天開始黑,唯有等第二朝先浸