如果你係想根據事實理性討論既話，希望你可以詳細睇下
如果你先入為主覺得巴塞一定係黑哨巴迷最無恥既話
首先，我請大家可以睇一睇呢段片先
https://www.youtube.com/watch?v=CbiYbtaAm0M
如果呢段片你覺得無咩說服力，我地一齊去睇返呢場賽事所有關鍵位
首先第一下關鍵在於蘇亞雷斯入波，呢球係完全無問題
拉芬拿傳波果陣佢無越位
而呢球係維拉蒂自己彈後，所以根本唔存在越位。
另外一個爭議係大約七分幾鐘，尼馬係左路出波彈到Marquinhos隻手
依一球佢隻手有舉起，其實係可以俾十二碼
然後大概10分鐘左右，達斯拿左路出波，省中馬斯，但如果細心留意，所省到位置只係上臂，而佢已經成個人訓係度隻手係地下，根本唔到佢控制。如果Marquinhos果球唔吹，呢球無可能吹。
然後去到25分鐘左右，美斯罰球省中卡雲尼隻手，跟手彈落Lucas隻上臂到，如果跟返球證之前標準，唔吹都係合理。
但無論係任何精華都好，上半場仲有一個關鍵位係無咩人提
大概33分鐘，尼馬想追波然後禁區俾拉趺，呢球絕對可以係一個十二碼。
尼馬個勢係去緊但係Meunier係一手扯住左，呢個其實已經係一個明顯犯規。
大家可以睇返https://www.youtube.com/watch?v=nZUEMJYIQrw
https://streamable.com/s2faf
至於下半場一開始爭議當然係尼馬既十二碼，我個人認為係無問題
首先，尼馬一直跑緊既線路係向住個波既最快最短一條path，你要求佢因為有條友訓低阻住而無左一個最快拎到波既機會，本身已經有問題。
其次，Meunier仆街後係由向前再爬行既動作，而佢爬既路線的確係阻住左尼馬條路線，而尼馬個勢係全速去緊，唔通你要佢突然急停再扶返佢起身Say個hello再黎過?
個人認為呢球12碼係完全無任何問題
至於下半場有人話碧基手球，有睇波就知果球碧基收哂手，而且係禁區外，吹罰都唔會係12碼
至於蘇亞雷斯球插水黃牌，其實係錯判。
維拉蒂好明顯係推左蘇亞雷斯一野，就算唔判12碼都絕對唔係插水
動作可能係輕微，呀蘇事實係誇張，但的確有出手推，即使真係判12碼都無得怨。
而係卡雲尼未入波前大約58分鐘，美斯俾禁區內既維拉蒂拉衫，而美斯趺左入禁區內，呢球起碼係應該一球罰球，但球證完全無表示。
值得留意既係71分鐘，球證有一個判決，同時都係第一段片既3分40秒左右開始
蘇亞雷斯做左一個比第二球十二碼Marquinhos更輕微既動作，然後球證吹罰左蘇亞雷斯，而Marquinhos係被foul.... 呢個可能就係球證既標準...
而對PSG黎講，最關鍵係迪馬利亞果球單刀，到底馬斯有無犯規
馬斯賽後其實只係admit佢有掂到迪馬利亞，但佢話係無影響迪馬利亞
我試後嘗試睇返呢球，睇下究竟佢射波之前馬斯有無掂到佢
https://www.youtube.com/watch?v=JhYXbGO7ylc
都幾難判斷下，但平心而論呢球似係迪馬未射完波馬斯係有接觸
所以呢球係可以俾PSG十二碼，都可以紅牌，睇球證尺度同覺得馬斯係咪有意
至於最後蘇亞雷斯果球，個人認為十二碼係合理
首先，兩個係有明顯身體接觸，而Marquinhos係有明顯手部動作
而且現場唔係睇慢鏡，好多動作睇慢鏡似係好輕微，但現場電光火石間可能好明顯
而佢隻腳事實都係撞到蘇亞雷斯
https://www.facebook.com/amjad.emam.9/videos/1396811403725687/
你問蘇亞雷斯有無誇大?絕對有。但係咪無中生有? 唔係。佢的確係有俾人隻手挨一挨隻腳撞一撞。再且，Marquinhos完全無望波只想bump開蘇亞雷斯，而蘇亞雷斯果刻係食哂身位，面對龍門，如果佢唔趺係好大機會拎到個波起埋腳
蘇亞雷斯同個波既距離係遠遠近過個波同任何人既距離，包括龍門
Marquinhos係阻止左一球非常有可能既單刀波。
總結黎講，呢場波雙方真係各有得益，例如Meunier五次犯罪可以一張黃牌都無，巴塞第二球十二碼5050可以唔俾。但我見網上好多人受好多低質足球pages影響只係識跟風屌人，呢個係後真相年代，我覺得有咩立場都好，點討論都好，點都要根據事實。大陸人可以因為傳媒係咁洗腦竟然走去信97金融風暴大陸幫香港呢d世紀大謊言
同樣地呢家有幾多人真係會睇哂九十分鐘比賽而唔係睇一兩張圖就跟風?
有人可以講到呢場係世紀黑哨，我絕對唔認同。
打咁撚多字想洗底
