[鐵膠獨遊][長氣多字]暑假關東+四國九日現存天守+麵包超人列車之旅

文呢

留名

日日都瘋狂搭鐵 望落好似好多地方留唔到好耐

搭鐵係主菜

基本上真係無乜心情落去，唯有不定期更新
DAY5

一早起身，伊予鐵道市內線嘅JR松山駅前站，上落車嘅月台係唔同的


今次坐嘅モハ2100形電車，伊予鐵道第一款用VVVF變頻器+超低地台電車



好快到咗大街道站，同香港電車差唔多，都係路中心有個站咁樣


去老麥食個早餐先



食完過對面馬路，沿路行就到松山城纜車站，又落大雨


纜車來回乘車券連天守閣入場券，盛惠510+510YEN


同之前去天橋立觀景台一樣，有纜車同吊椅揀，點都係坐吊椅喇


吊椅有蓋的，不過落緊雨都無乜用



吊吊揈感覺唔錯


到終點，不過重要行多十分鐘先到天守閣

十二月頭會去松山
計劃去松山城、大街道同埋道後溫泉
樓主覺得松山值得留幾多日？

兩日

兩日差唔多喇

個館有d細，自己好快就走咗

我留左兩個鐘

繼續上松山城
cont.


係纜車站繼續行上去，好彩無落雨.......


換返張靚靚入場券


伊予松山城(因為日本有幾座松山城，所以通常會加埋古代令制國名去區分，例如備中松山城)，係現存12天守之一，係江戶時代由加藤嘉明(賤岳七本槍之一，亦曾經參與文祿慶長之役，到關原之戰成為東軍成員，所以先獲封伊予國建城)建築
而家見到嘅大天守係幕末重建，重有其他建築物保留到，但經歷幾次火災之後得返21座，而家僅次於京都二條城係日本第二多


同好多木地板建築一樣，都要除鞋換拖鞋入去


現存天守獨有嘅斜到痴線樓梯



可以試拎火繩鎗同武士刀，的確好聚手


天守頂層望出去，如果好天d就更好

1310搭完伊予灘物語返到松山
1610就要搭高速巴士去高知
諗緊夠唔夠時間去松山城

cont.

之後落返山再去行下，如果唔係因為幫人，唔會去呢個地方買野


大街道都有商店街，不過無乜啱我行嘅野


行過機鋪打鋪頭D，同以前個d差好遠了


行返去大街道站，見到少爺列車就有車，唔駛諗一定等



少爺列車係伊予鐵道嘅觀光列車，以蒸氣小火車做藍本，加上係夏目漱石嘅小說《少爺》提及過坐「像火柴盒般的火車」返學，就係當時伊予鐵道嘅列車，所以呢抽車就叫少爺列車
不過而家見到呢抽少爺列車已經唔係蒸氣列車，而係柴油列車，而佢而家有兩條行駛路線，古町站 - 道後溫泉站(經JR松山駅前)/松山市站前站 - 道後溫泉站
當然如果佢係蒸氣火車會更好，不過環保嘛..............


乘車券，800YEN，平常車費嘅5倍


全日本唯一軌道線(松山市內電車)同鐵道線(伊予鐵道高濱線)嘅平面交差
不過因為佢地用同一電壓，所以無影響



返到JR松山駅又上車，又係特急しおかぜ，又係8000系電車，
GREEN CAR唔錯嘅


一個鐘到伊予西條駅


駅舍，呢度亦係予讚線大部份普通列車嘅分界站，算多人用嘅....(雖然平均每日得1500人)

我相信趕唔切

1500人大站

四國嚟講算大架啦

最多人用嘅高松日均都係得萬五人鬆d

去四國鐵道館？

cont.


作為鐵膠，去得伊予西條駅9成都係去呢度..........(當然去行石槌山都得)



近車站呢邊嘅係舊d嘅北館，門口有被稱為新幹線之父嘅前國鐵總裁十河信二嘅像


門口重有窄軌(1067mm)同標準軌(1435mm)嘅比較，入得呢個post嘅都知日本嘅在來線係用窄軌，新幹線用標準軌吧


隔離就係伊予西條駅嘅月台


入場券北館同南館共通，同埋入北館要除鞋


一邊有0系新幹線用嘅菱形集電弓


隔離有JR四國8000系電車用嘅菱形集電弓



牆上重有D以前特急用嘅鐵牌同伊予西條駅以前用嘅牌

CONT.

上一層有個位畀人望伊予西條駅，順帶一提，北館係無冷氣的


DF50形柴油車，之前係津山鐵道館都見過



點會少得0系新幹線，呢抽車嘅另一邊先頭車而家送咗畀英國YORK嘅National Railway Museum


少有KEEP到當年國鐵嘅座位setting，令人懷念呀


度門都keep到咁



記得幾年前去名古屋嘅磁浮館撞正0系嘅駕駛室開放，呢度畀你任入玩到夠，當然請愛錫佢地，爛一樣無一樣架喇...........

睇黎一個鐘可以行完

cont.

重有布牌顯示機，當然已經唔work


之後行過隔離部DF50形，劏開哂任睇，來自三菱重工嘅直列八汽缸引擎


點少得入佢嘅駕駛室


重有張唔知幾時嘅貨物列車運轉士用時間表


行完北館就行過隔離嘅十河信二記念館，免費入場


特別有張英文+中文嘅簡介

講講十河信二，佢係而家嘅新居濱市出世，曾任國鐵總裁同西條市市長，而最為人所知嘅係佢力排眾議，不惜報細數去拎世界銀行嘅貸款都要用標準軌起東海道新幹線。
結果佢因為新幹線超支問題而問責下台，而日本政府見條新幹線已經起到一半，被逼要填埋條數起埋佢。
而東海道新幹線通車當日十河先生無被邀請出席通車典禮，不過日後佢被稱為「新幹線之父」，亦成為西條市第一位名譽市民。


十河先生獲授嘅勲一等瑞宝章

頂有D圖打橫咗.........
CONT.

行完十河記念館，行天橋過對面就到南館，清晰指示


南館門口放咗JR總研軌距可變第二次試驗列車GCT01，不過唔入得去


南館新過北館，最緊要南館冷氣開放


有個鐵道模型場景，不過無開到


有D四國鐵道小知識，北館都有，但HEA好多


行去車輛展示區，好遺憾無冷氣的.........
先有KIHA65形，日本現存得返佢，但好似有批送咗畀泰國同緬甸



重有係其他博物館見過嘅C57形蒸氣火車頭同DE10形柴油車


重有堆標誌介紹


其實重有D內籠相，不過無乜特別就算了，最特別係呢張，架C57入面重有D 1975年嘅煤粒係度

CONT.

同我預計中差唔多時間行完館，本身想去今治城，但發覺離車站好遠，加上開始落雨，所以放棄了，結果就直接返松山算





結果證明自己嘅決定無錯嘅，因為可以J多陣8600系嘅GREEN CAR，
靚過8000系好多，同埋每個位都有插頭，而LEG REST係電動，椅背係手動，有D奇怪



枱都有兩張


普通車有唔同配色，幾SHARP


駕駛室



去到今治轉坐1號位，又有特別嘅插頭位


車身標誌，幾靚


貫通咗之後幾有趣