希望大家工程撚一齊出黎講講,比大家知道智能燈柱到底做到咩。
前題,反對現有智能燈柱。只係想大家知,真正既要關心唔單係枝柱,而係背後既系統。
1. 人臉/步姿 識別
大家最關心既功能,其實創科局話冇呢個功能有好大機會係真,因為枝柱應該冇足夠既computing power去做到識別,唔係唔得只係成本勁大應該唔會咁做,相反要做應該係係一個off site既server到行呢啲程式。
意思係話,燈柱可以用佢既高清鏡頭黎拍片,send返去server去做識別。而唔係係條柱到做識別。
2. RFID/身份證 讀取
今日新聞見到燈柱,暫時未見到rfid既讀取器,可能有收埋唔知,但要加呢個功能係好容易。相反,都好可能係好似佢地咁話,枝柱只係有rfid tag,比其他裝置去讀取。但記住,只要有柱,要加一啲都唔難。
3. 藍牙定位
今日見到有內地天網公司既BLE Locator,姐係藍牙定位器。藍牙既距離大概係十米,而呢個定位器姐既用途就係,只要有藍牙裝備係附近,佢就可以讀取到每個藍牙裝備既獨特地址(MAC Addr) ,同大概距離。有冇紀錄就係睇佢既電腦有冇記低,不過九成都有。
仲有其他功能,我仲搵緊,未見到,見到再講。