唔好意思,呃左你地入黎。我首先重申下
不割蓆,就一撚定架喇
核爆都唔割
今日機場一事我睇到嘅唔係大家捉到幾多隻鬼,而係一個教訓。今日呢個局明顯就係有人想借捉鬼分化我地。成晚睇住熱門咁多post,有人話今晚輸晒喇民意下滑喇乜乜柒柒,和理非會覺得機場個班人痴撚左線咁;勇武個班人就會覺得唔撚係阿嘛,打鬼都唔撚得?和理非同勇武好似又準備互屌咁。如果大家再唔撚清醒啲,就真係輸鳩硬。
運動到呢個地步之所以比五年前更有效,係因為和理非同勇武互相配合。
到底點樣永不割蓆、互相配合?
我覺得兩邊都要清楚同理解對方的諗法,好似拍拖咁互相體諒
和理非:你要明白,現場氣氛同睇直播係差天共地,所以捉鬼甚至打鬼,都係合理亦都可能係你喺現場都會做嘅事
因為而家真係太多鬼喇,你未去過現場係唔知個氣氛係幾緊張,個個都好驚鬼會搞事。一來驚有鬼偷影大頭、二來最驚係有鬼煽動打人入禁區個啲。所以大家都對鬼好敏感,有可疑嘅人都好應該拎佢出黎問清問楚。至於打鬼,我覺得點到即止嘅話係合理嘅,因應情緒高昂加上現場氣氛同近日嘅不滿,個個都會想打鬼,等佢地唔敢再派咁多鬼出現。所以,唔好見人打鬼就急住開post屌人,屌人前唔該切入現場手足嘅心態先。
至於勇武:你要明白,有啲和理非屌你地只係出於擔心你地。
和理非角度永遠比較理性啲,因為多數都係唔係現場,唔會受現場氣氛影響。佢地認為點解你地明知係個局引你地出手打鬼都仲要打?佢地係擔心你地中計,甚至錯手殺人,如果真係搞出人命就會令在場嘅你地都好危險,亦令成件事再升溫。所以佢地先會急住開post叫你地唔好打,有啲仲激動得濟用錯語氣變成屌鳩你地,佢地咁樣無非都係擔心你地,而唔係急住割蓆。
其實我地而家應該做嘅
係冷靜,唔係互屌
冷靜咁諗,到底邊啲人先係鬼?
睇住直播,有啲人真係好鬼,就好似條金毛咁。
有手足打鬼打左一輪後,有人話再打就死人,岩嘅係要適可而止,唔可以打死佢。但呢個時候有人不停叫人打佢,仲好刻意都講好多野去煽動嘅野,例如「大陸仔乜都假,阿落黎偷呃拐騙就至叻,抵打啦」「個女仔比人打到冇左隻眼阿」「有手足斬到見骨阿」同最鬼嘅一句「和理非係唔會同我地割蓆㗎」,咁刻意講呢句出黎,無非都係想叫多啲人繼續打,好似真係想打到佢死為止。而最仆街嘅係,竟然現場有人連救護人員都屌,阻人急救都算,甚至出手打記者同救護,呢啲人,都幾肯定係鬼。
經過今晚大家真係唔好灰心,亦都唔好咁輕易比人分化到,革命唔係一兩個月嘅事,我地餘下仲有好多路都要靠和理非同勇武互相配合先會成功。
好1999,希望大家睇得明。