唔係話割唔割蓆，唔係話捉唔捉鬼，對家就係想我地咁樣分化，自己人打自己人。
明白有唔少手足係好憤怒，但如果做一樣嘢，只係為發洩，感情用事，對局勢甚至輿論係冇優勢嘅話，做嚟為乜野先？而家最緊要係分咁做對整體局勢有乜影響，正唔正確。當然，火球術，勇武前線，當時既情況係需要用到一定程度既武力，係必須既，因為我地要守住前線，同保護其他手足。但任何私刑，尤其係咁多cam影住，大把故仔可以俾人任砌。一張圖就夠做你。一定會令到老人家、中立派等淺黃反感，大家要注意。
大家要記住今日點解咁多人支持我地
就係因為我地爭取緊公義，係正義之師；相反黑警、林鄭滅絕人性、喪盡天良
我地呢一刻唔可以同黑警一樣濫用私刑，當我地目的達到時，就要收手！
濫用私刑只係幫自己出咗啖氣，輸咗輿論，唔輸都會比對家砌我地，咁又得到啲乜野呢？
我地想為已經犧牲左既手足報仇
但如果我地所做既令佢地既犧牲浪費左，咁我地對得住啲手足咩？
我地大大聲咁話為咗邊個邊個，咁更加唔應該將自己既感受放係第一位。為左啖氣輸左頭家 (香港) 值得咩？
我知道大家都好憤怒。但未到清算既時候，我地要忍，要頂住！
要以法律制裁黑警，係要成立獨立委員會！
記住，君子報仇十年未晚！千祈唔好壞左大事呀大家！！
任何可以比藍媒做故仔既畫面都要盡量避免，就算你冇錯都好，我地就會被佢地利用到個畫面，變成網路上既假消息，而藍既人就會見到更多假消息，而我地身邊既敵人就會越多。同樣道理，我地見到有警察抆槍，都會即刻煲大佢，即刻將嗰個畫面散出去一樣；你識得用既方法，土共都識，我地越級打怪，就更加應該注意。土共最叻係咩？係媒體，你比料佢用，就好似比子彈敵人一樣。我地只有一個優勢，就係輿論優勢，將輿論壓力施加係政府/警方身上，唔係因為情緒而放棄輿論。
割蓆，捉鬼，對家就係想我地咁樣分化，自己人打自己人
我地而家只需要分咁做對局勢有冇影響，正唔正確
只要做正確既野，我地根本唔需要怕鬼，大家互相提醒，保持冷靜
唔自制，唔克己，任由自己情緒爆發
就同黑警做既野一樣
大家要記住最後目標
各位兄弟姊妹各自爬山之餘，唔好失焦，做正確嘅野。
爭取公義，爭取五大訴求。
不割蓆！不分化！不篤灰！
為大局著想，放下自己。
放低自己個人嘅情緒私慾，做正確的事！
公義香港, 時代革新
