當你係微博search付國豪,或者有人見到既係中國人都好愛國支持共產黨,但我見到既係一個獨裁政府操控輿論既結果。
我唔係心理學家,我淨係知一樣米養百樣人,一個正常既社會,無可能所有人睇法都類似,你睇我地香港社會有黃絲有藍絲,有勇武有和理飛有冷氣軍師,我地好多唔同意見,努力係一片混亂中達到共識。
係,我地咁樣好無效率,爭完一大輪都未做到野,但我地尊重自由意志,尊重言論自由,尊重每一個人既人權。咁先係自然發展既民主社會應有既表現。
係微博上面,我睇到只有單一既風向,只有一種言論,而中國仍然好多人沉醉係呢種獨裁政府洗人民腦既英雄主義,呢個係我覺得中國政府最可怕又最成功既地方。
所以我地更加要保護好香港,呢個混亂而又自由美麗既地方。
微博cap圖
http://imgur.com/gallery/G4xWj7p