［喪屍/人性/有甜］- 屍•家•馬鞍山 2（逢一至六每日更新）

Chapter 126 - 來自輝哥的線索

不待 Mandy 返回，我已經穿好褲子打算離開。

我決定獨個兒解決這件事情。

雖然已經夜深，但我不想再耽誤時間，於是逕自出門，出發往保安室去。

「嘭嘭嘭嘭...」我用力地拍打著保安室的大門，務必要使裡面的人吵醒。

「喂，邊個咁鬼夜呀？唔洗訓咩？」門內傳出輝哥的叫聲。

「係我呀，今朝嚟搵你嗰個男仔呀！」我對著大門説。

「得得得... 我而家開門，你唔好再踢開度門喇...」輝哥緊張地回答著。

保安室大門打開，輝哥流露出驚慌的表情。

「得喇大佬，我而家就 log-in 部電腦比你睇...」他説著已經把電腦啟動，然後輸入所需的密碼。

為何他的態度有這麼大的改變？

我沒有空去理會，只專注地向輝哥作出指示，以收窄搜尋範圍。

搜尋目標為我和華叔他們離開單位的那時起，直至我回家前的一天多內。我們不斷快進搜索，但由於所涉的時間實在也不少，而她們出現在閉路電視前，可能只有短短數十秒的時間，這令我們找尋得十分緩慢。

一直找尋到天亮，終於在昨天下午的升降機內，發現她們的蹤影。

畫面上出現了三個人的身影，除了 Vicky 和 Carey 外，竟然出現了一熟悉的身影。

是 Karen！

我完全無法理解 Karen 出現在這理的原因，但心內又出現另外一種放下心頭大石的感覺。

那熟悉的身影、聲線、甚至氣息，也忽然被一一鈎起。

不過，Karen 為何會出現在這裏？而且我亦從來沒有透露過我的住址，她又如何得知並找到身在我家的 Vicky 和 Carey？

除非...

「係呢，點解你突然咁順攤肯 log-in 部電腦嘅？」這個是我剛才已經想問的一個問題。

「吓？乜佢冇同你講咩？」輝哥用奇怪的眼神看著我，「早知唔同你講咁多嘢住啦！蝕咗添...」他説著亦不禁拍打了自己的大腿一下。

「你講緊嘅係咪一個瘦身材，年約三十歲嘅女人？」我立刻想到 Mandy。

「哈哈，乜你識好多女咩？喂，如果係嘅話，益吓我好喎...」他興奮地説著。

「而家係我問你，你再玩嘢信唔信我殺咗你？」我揪著他的衣領問道。

「超！你夠薑咪殺咗我囉！我死咗你唔洗旨意我話比你知！」他瞪著眼和我對視著。

「得！唔講吖嘛...」我説著拿起他的右手手掌，然後「啪」的一聲，他的尾指已經被我完完全全屈到手掌背後。

「呀～～～」輝哥只有發出淒慘的叫聲。

「哈哈，點呀？仲講唔講呀？」我看著他的反應，不知怎的由心笑了出來。

他痛得眼淚直流，一時間説不出話來。我見他沒有回應，於是我便拿起他的另一隻手來。

「呀... 唔好... 救命...」不到他作出回應，他左手的尾指已經遇上和右手一樣的命運。

「呀～～～你痴 L 線㗎...」他已經痛得快要暈倒，「夠喇，求吓你停手，我講喇...」

「咁你答得我個問題未？」我向他趨前，作勢向他再次攻擊。

「係... 就係你講嗰個女人，不、不過我乜都冇做過㗎... 佢只係肯用口幫我出，我都照比你睇閉路電視啲片啦... 我... 我都已經遵守咗承諾啦，你好放過我喇喎...」輝哥忍痛答道。

我想不到 Mandy 竟然肯犧牲自己去幫助我，但想深一層，她又如何得知輝哥的所在？想她也斷不會自己一個人，冒險從家中走到保安室來吧！

我估計是輝哥找到 Mandy 的機會比較高，問題是他怎知道我的單位所在？於是我再向他問道，「咁你講，你點搵倒嗰個女人？」

「吖...」他欲言又止，「我講都得，不過你唔好再虐待我...」

「你有得揀咩？」我再次把他的右手舉起，「唔怕，你仲有八隻手指嘅時間慢慢諗...」

「我講、我講，唔好亂嚟！」輝哥深深呼了一口氣，「我係喺閉路電視見倒你暈咗喺𨋢度，所以上嚟幫你...」

「你會咁好心？你想上嚟睇吓我有冇收埋的女咋嘛？」我突然靈機一觸，「定係你一早見倒我帶住兩個女人入嚟？」

「係... 係... 我係見倒曬，仲睇倒同你一齊出去嘅女人冇返番嚟，咁我見你暈咗，咪諗住乘機上去呃蝦條囉！滿意未？」輝哥老羞成怒地答道。

「做咩啫你？咪乘機發爛咋吓！」我再次向他迫近，「咁你即係有攪個女人啦！」

「我真係冇呀！唔信你自己問吓佢喇。係... 當初我係有諗過，不過佢既然肯主動幫我，我又從來都未試過口爆過啲港女，咪應承住佢先囉... 諗住爆咗先講...」輝哥答道。

「攪完之後，正諗住嚟多鑊嗰陣，就聽倒你喺房大嗌...」輝哥瞟了我一眼後續説，「我費事比你見倒打鑊甘，咪即刻閃囉！嗱... 我有份喺𨋢抬你上床㗎，你唔好再恩將仇報呀...」

「你仲夠膽講有恩於我？」我扭著他的手説，「點解你一早知我啲朋友幾時走咗唔講，一路帶我遊花園？」

主要登場人物（4)

新增主要登場人物

Clara
29 歳
外國公司調查員？！
馬尾長髮，中等高度瘦身材，A級

華叔 （Vicky 爸爸）
55 歲
裝修工人、前飛虎教官、卧底？
中等高度，健碩身形

富仔
16 歲
酒家生還者
瘦削矮身材

鋒哥
42 歳
酒家生還者
中等鋼條形身材

Connie (Fiona 母親)
28 歲
酒家生還者
及肩長髮，高瘦身形，目測C級

Fiona (Connie 女兒)
5 歲
酒家生還者

Mandy (希婷母親)
32 歲
海典居住客
過肩曲長髮，中等偏瘦身形，目測C級

希婷 (Mandy 女兒)
5 歳
海典居住客

輝哥
40 歳
屋苑管理員
中等胖身材，外貌略帶猥瑣

間接含咗石Q條撚，畀我都嬲啦

間接含咗石Q條撚，畀我都嬲啦

即刻縮都鳩埋

間接含咗石Q條撚，畀我都嬲啦

呢個係我個人意見 不喜勿插

其實我覺得個故事已經變左 新女出場＞扑野＞之後條女好快又死 一直循環緊咁既模式

呢個係我個人意見 不喜勿插

其實我覺得個故事已經變左 新女出場＞扑野＞之後條女好快又死 一直循環緊咁既模式

有同感
好似係到loop緊

追左兩整日 終於live咗

少左d有關人性嘅內容,建議寫多d兩難嘅局面,同詳細寫多d人性醜惡一面

少左d有關人性嘅內容,建議寫多d兩難嘅局面,同詳細寫多d人性醜惡一面

公道D講其實有進步
前果排真係重甜得過份, E家有返D人性既爭扎, 慢慢黎啦

已經唔記得Karen係邊個 Vicky個friend？？係咪之前俾韓仔捉咗？

個Karen 係咪比人調較ntr左啦 ？

文呢？

Chapter 127 - 相熟的人

「斷... 斷喇！」輝哥痛極叫著，「我都唔知你講乜！」

「你唔好再扮嘢喇！頭先喺閉路電視嘅人，係咪嚟過保安室？」我再用力扭著他的手，「你諗清楚先好答，如果唔係我就即刻扭斷你隻手！」

「呀大佬，其實你已經估倒曬啦，做乜仲要為難我呢？」輝哥無奈地説著。

「你又唔好講到咁委屈咁，如果你肯乖乖哋講曬啲嘢比我知，我唔會為難你嘅...」我説著把他的手放開。

「你扭斷咗我兩隻手指，仲講呢啲？」他怒目相向，「好～我就完完全全講曬比你知，唔啱聽嘅話，唔該你一野打死我！」

「嘿... 只要你唔呃我，我就唔會再攪你...」我冷冷地回應道。

「好... 其實由星期一晚你班同伴返嚟呢度開始，我已經發現咗佢哋。到再夜啲你帶多兩條女返去，我簡直全情 mon 住你哋... 三王四后，齋諗都 J 死人...」輝哥的表情變得猥瑣。

我怒視他一眼，他便收歛臉上表情説道，「之後就有兩條女入嚟，其中一個就係你頭先喺閉路電視見倒嗰個女人，另外嗰個就唔知喇，成身包到冚一冚咁，仲帶埋帽同口罩，驚死人認得佢咁... 不過，我聽聲應該係個廿𡃁歲嘅少女嚟嘅...」

「佢哋話冇地方住，問我可唔可以嚟借宿幾日... 頂，我緊係冇問題啦，有女相伴，都唔知幾盞！不過之後先發現我冇乜著數，個𡃁妹惡死能登，又唔係好睬人，我都冇機會同佢講嘢...」輝哥續説。

「不過好在個女人都主動同我講嘢，有時仲借啲意挨身挨勢，送吓秋波咁，我先冇咁悶... 不過到咗第二日下晝，佢哋見你哋出咗去，就即刻跟住走，等過咗大概一個鐘之後，又見淨係個女人搭𨋢上廿八樓，然後就同兩個女嘅落返地下... 之後就見你同個裸女一拖三咁返嚟喇...」輝哥説罷看著我，「講完喇，都唔知點解你有咁好艷遇...」

「咁你知唔知佢哋去咗邊呀？」我問道。

「我淨係見佢哋落咗地下大堂，之後就唔知喇...」輝哥答道。

我努力把剛才得到的資訊過濾，Karen 為什麼會突然出現？她又用了甚麼方法，令 Vicky 她們會乖乖的跟她走？而與 Karen 同行的又是什麼人？最後，她們究竟去了哪裡，而帶她們走的目的又是什麼？

「喂，你冇嘢問就好出番去喇！呢度唔歡迎你！」輝哥嚷著要我離開。

「咪住，我之前見你攞袋肉返嚟，啲肉係邊度嚟㗎？」我問道。

「你可唔可以唔好咁多管閒事？總之嗰啲唔會係人肉嚟，你滿意啦？」輝哥怒道。

「我都冇話係人肉，你做乜自爆呀？」我質疑著。

「妖... 你係咪覺得你好型呀，大偵探？你問我都淨係想知係咪人肉啫！你有時間不如快啲搵返你啲 friend 好過啦，係度多管閒事... 兩個女仔，如果比著係我捉咗，我實玩到佢哋欲仙欲死啦！等你仲喺度嘆慢板...」輝哥答道。

雖然我覺得他有所隱瞞，但他説的也是事實，我真的無需在無關痛癢的事情糾纏。他真的吃人又如何？這些是好像四周都在發生，在食物缺乏的環境下，人們都沒有選擇。根本問題沒有被解決，我又能救得多少個？

我毅然離開保安室，然後返回自己的住所。

此時 Mandy 亦已經起床，與希婷一起吃著早餐。

「你... 肚唔肚餓？我煮個麵比你食吖...」Mandy 説著已經起身往廚房走去。

「嗯... 唔該...」在我回答的同時，Mandy 在我面前走過，並報以微笑。

我好像仍欠她一句道謝。

我走入廚房，看到正細心烹調著的她，不由得從後把她牢牢抱住。

「喂！你做咩呀？我個女喺出面㗎！」她輕聲地叫道。

「我想講對唔住同多謝你，你幫咗我，我唔多謝都算，仲...」我還沒有把話説完，她已經別個頭與我吻起來。

持續十多秒後，Mandy 終於把我推開。

「道歉就唔洗喇，男人都係咁㗎啦，想要就要... 不過你爭我個人情，我就 keep 住先，等第日有需要先要你還...」Mandy 説著已經重新埋首於面前的食物。

雖然我心裡面有著"中伏"的感覺，但男人大丈夫，有些事必須承擔，有些人情亦必須還...

「你出返去先啦！好快就有得食㗎喇...」Mandy 説著。

「唔喇... 比我攬多妳一陣...」因為我知道，今後未必再有機會。

擁抱了一會，我還不安份的把下身貼近她背後，慢慢移動著。

Mandy 看來亦不抗拒，微微的扭動臀部迎合著。

「媽咪、媽咪...」外面傳來希婷的聲音，我們立刻用千分之一秒的速度分開，然後看見希婷捧著碗筷走了進來。

「媽咪，我食完喇，啲碗放喺邊呀？」希婷問道。

「比我得喇！」我説著已經伸手把碗筷接住。

「唔該哥哥...」希婷説著。

真是乖巧的小朋友。我把碗筷放低後，便先與希婷返回廳中...

走之前仲想黎多炮

通常老母同女一定其中一個又死，今次睇係Mandy

唔好每日一篇得唔得

通常老母同女一定其中一個又死，今次睇係Mandy

人情就係照顧個女

唔好每日一篇得唔得

佢準時出文算係咁啦

已經記唔起前面組織班人

好睇

通常老母同女一定其中一個又死，今次睇係Mandy

人情就係照顧個女

跟住又掉低個女唔理再去搵其他人妻屌