個個話有心理準備坐十碌，入面係點，想唔想知？你問我答(2)

呢個做法其實好匪夷所思
係d咩人諗出黎

有錢會大啲，但唔會大曬
古惑仔個個都當自己係大哥，
特別係大監房，會有好多大哥，
好多有錢人，當然佢地每人自己有套班底，
所以，一人獨大係不可能，
懲教亦唔會將所有同社團既人編去同一度，
地下勢力平衡係懲教處管理囚犯方法之一，
例如：如果纖維期數，全部都放潮州幫，
可能會少人打交，因為裡面全部潮州幫，
但因為即使係潮州幫，裡面都分好多唔同社團，
就算同社團，大家都唔同環頭，
所以交都一定係有得打，但會少啲。
但帶來既麻煩，會遠比方便大。
如果潮州幫大哥一句話罷食，因為大家同社團，
好易協調到，但如果五大社團勢力平均，咁都係得1/5人罷食啫，咁就差很多了
所以懲教處一定會保持每個期數勢力平衡，
其實我地呢啲如果入去，
我一入去佢睇file就知我係咩單位，唔駛問我
佢都知。
不過唔會咁樣就告我三合會，因為呢個只係佢內部標籤，
無任何證據顯示，
同我個人，當然無論任何時候任何公職人員問我，我都係會，嚴正地話佢知，我唔知咩係黑社會，
我從來沒有參加黑社會，亦沒有目睹或聽聞任何有關黑社會既野
重要呀呢樣

無衛生程度可言。
「浪」腳，鋪地，鋪床，墊地，都會
然後出貨照出。
監房入面叫囚犯認真工作係同自己過唔去既行為，
多數懲教員都唔會

我坐監好忙，
我為食，所以選擇去做廚房，
食好啲，寧願辛苦啲。
因為所有囚犯膳食都係由囚犯煮既，
赤柱2500人，日日要煮2500人飯菜，
邊有時間讀書，但可以食得好好多，
自己鐘意點煮就點煮，
黑椒牛柳咕嚕肉都有得食

喺大監房，例如荔枝角，赤柱，會無咁明目張膽。
可能點著口煙，然後行左去，
可能跌支煙落地，行左去，咁你自己醒目執起佢，
係呀，人地食過架。
坐監好多時一支堂幾個人食，
所以囚犯唔介意既。
去左細監房，規矩無咁嚴，
一包一包帶返黎俾人都有，
畢竟長期帶一個期數，
用煙管理係最簡易方便低成本既方法，
個個都係咁做

醫院有冷氣，但不準吸煙
其他地方係無冷氣，
點過？
捱過囉，唔通因爲熱走去吊頸咩
坐監呀，哥仔，你估鬧著玩牙？

依家唔會了，衰老強唔會話你知
如果俾人知會立即轉去保護組

未定罪，每日15分鐘，可以兩人探
已定罪，一個月4次，可以兩人探

打大交點控制？大倉成百人得幾個柳記 有冇試過柳記”蚊”槍？

其實寫咩都可以，喺裡面對外面資訊非常渴求，
可能就咁平淡描述你去動漫展見到咩，同咩人傾偈，傾咩，講一啲無關痛癢既小事，閒話家常就可以。
等睇信既人，有好似平時喺出面傾偈既感覺，
只要有片刻幸福感，喺裡面已經好高興。
有人喺外面關心自己，重視自己係捱過去最大支持最大動力。
特別係一啲信，絮絮不休講一啲生活鎖事，一路講，如果你喺度，你就會點點點啦，咁樣既信最令我心碎但亦令我心醉。
心醉是縱使我不在身邊，你還是時刻想起我，
心碎卻是即使如此，我們也始終是隔離的。
請多多寫信俾天琦同其他義士，
佢哋捱既苦，我地無可能代替到，但至少給予少少支持

記憶中，懲教處有香港身分證通通食中餐
越南仔中餐
日本韓國可食西餐

多謝你

多謝你，也祝你快樂每一天

正評
你真係好好 上個post已經追晒
睇得出你真心為班後生好 多謝你

我出黎先去讀書既，
都讀左幾年先考到，
我都懷疑老師係同情我俾我畢業，
嘿嘿嘿

除左第一次坐監有喊過，
之後無試過了，
見到人喊都無咩好勸，
擰歪面當睇唔到算。
大家都在落難中，人人都難捱，
最緊要係，人人都知道，
人在裡面，出面既事管不著也理不到，
唯有等佢冷靜

傾計就咩都會傾，最先相識人人都係問同一樣野，
師兄，衰咩呀？
第二句，師兄，點會衰既
然後大家討論案情，有咩做錯互相指正，
有咩可以做得更好更精密，
大家互相討論，以增進大家犯罪經濟為目的，
切磋抵勵，改進犯案手法，
一般都係咁㗎

多謝你嘅分享呀!! 辛苦晒!!
好詳細!! 了解左更多真實嘅一面!!

樓主 好人一世平安
其實睇你文筆你都幾利害啊 詳細淺白易明
希望你人生之後既路繼續咁順利
努力啊！

我覺得樓主可以出本書 認真
其實都幾勵志啊！改過自身有決心有義氣 好正氣既一個人
樓主出書 我即買！

辛苦曬你追post，感謝你祝福。

我係受到太多連登仔感召，
見到人人都以自己識既野，去為今次件事出力，
仆心仆命，我好感動，亦開始思考我可以有咩貢獻。
說來慚愧，我可以貢獻既，竟然係呢啲不堪往事累積既經驗。
但唔緊要，一張厠紙都有佢既用處，雞鳴狗盜亦可為國出力，如果我既經驗可能會幫到手，我非常樂意分享

體弱唔係俾你沖熱水既理由。
每年4月，所有院所沖凍水涼，
11月，轉沖熱水，
呢個係大約既日子，未必年年一樣，
但大概係咁，
一轉就全世界轉，
體弱者要沖熱水請往醫院，要求留醫，
咁會有熱水，
唔係一轉季就沖凍水涼架啦

桂枝仔同馬交仔大圈仔一樣，
都係泛指來自該地方既人，
其詞無褒貶之意。
但留意大圈仔，好多人以為大圈就指支那人，
其實大圈係指定廣州人先叫大圈仔，
其他屬於「撈鬆」

屋企人去帶咩小食俾你地？