個個話有心理準備坐十碌，入面係點，想唔想知？你問我答(2)

大王，我想問點解施君龍班人咁特別同埋多唔多人會死係入邊

樓主唔好咁謙虛，生命影響生命
多謝分享，等大家了解多咗係好事

都祝你平安
唔好客氣

追哂，多謝你既分享
希望呢度無人會用到呢啲知識同經驗

有，相當多。
但我唔會話你知用咩方法，
但其實裡面要自殺，並不是簡單事，
係高難度動作黎，
要好縝密周詳設計先會成功。


請不要悲觀，首先就算暴動，判到最重十年，
實坐6年8個月，點會出黎六七十呢？
就算仆街如我，坐到個個環頭都係老友既，
坐咁多次，要重新開始新生活，
都未嫌遲，仲可以食多幾年安樂茶飯，
千祈唔好諗埋啲衰野，
千千萬萬既女/仔等住你，
何況，
記住每次行動首先最重要係睇撤退路線，
無論有幾大引誘，前面有幾有利益都好，
只要撤退路線不穩，就唔應該做，
撤退時既換裝，唔同色衣服，唔同長短顏色既褲，帽頭巾，鞋，最好係要快換，例如長褲內著條短褲，拖鞋，
儘快棄置換出衣物，但絕不要在換裝現場棄置。
多啲諗點樣會安全啲，少啲諗消極野，
巴打加油

點解連小食都有嚴格規定嘅？

對我黎講佢只係一個殺人犯
點解陳樞機咁關心呢？
我唔知道
死喺入面既人我見過六七個啦
有沖沖下涼暈左，跟住出急症，跟住無返黎
有踢波俾人炒起左後腦落地，出急症又無返黎
有啲半夜心臟病發，
由call職員，到職員call NO返黎攞大匙開閘，
再擔架床擔出監獄門口，最快最快都一個鐘，
心臟病或中風，拖一個鐘先上到白車，
唔駛死都變死
跟住有啲自殺既，
就無咩好講啦，各人對自己既生命有自主權，
唔開心，但發生左唯有祝福佢

監獄保安問題
如果人人都可以買唔同既小食，
唔同既包裝，唔同既大小，
要檢查咪好麻煩？
依家人人都係入同款既野，
第一，可以肯定呢啲嘢包裝容易檢查
第二，可以撈亂俾唔同既犯人，因為所有人入既小食都係一樣既，所以唔會分開，呢包係宇宙大王阿媽入俾佢既，一定就係呢包俾返宇宙大王，咁樣外面想運毒入去都唔會有成功機會。
例如，宇宙大王打算叫外面人運毒入去，方法係喺舊肥皂上面挖洞，藏入去，再用肥皂塞住，諗辦法令表面平滑，可能會騙過懲教人員，但好不幸，因為所有野會撈亂派，宇宙大王攞得返呢舊有料肥皂既機會有幾大呢？
可能舊肥皂俾左泡泡龍呢？
咁宇宙大王咪做左傻仔囉！？
據我所知，原因就是這樣。

做咩啲柳記開閘要咁耐？

巴打好勵志

好奇一問
女囚犯如果大肚會點處理？
生咗個b係咪可以搵家人接走？

巴打，請問你出嚟後社交生活如何？
最唔開心係咩事？
結婚嗰陣太太家人有無反對啊？

樓主 出本監獄風雲

每一晚，所有人返倉，除左倉職員有條匙，
每個鎖都要加一條由督察級以上既職員去負責雙重上鎖，double lock，而double lock 之後，要開亦都要兩條鎖匙輪流開，先開得返個鎖。
但督察條鎖匙，鎖完會再鎖去值夜官房，
而值夜官呢，喺大數點核正確之後，
就可以閃返出宿舍打餅stand by
有事先call佢返黎，
職員員15分鐘先經過你房一次，等佢黎到講完，到佢堅信環call 值夜官，但首先又要搵oic，到oic堅信要call NO，然後NO由宿舍碌返值日官房，開鎖攞匙，再碌去病患房開門，再搵人手用擔架床，徒步由倉出發去大閘
一個鐘，係好快好快架啦

我記得講話係 媽咪生左後 係監獄陪細路到3歲 然後交比社署

有用，推

可以接走，
亦可以帶住BB坐監，
睇各人本身情況，事實係有女囚犯帶B一齊受，
因為出面無人照顧個B
但當然有歲數限制，
詳情我去問問話你知

push

前輩，多謝你分享
好開心你搵到人生意義
祝你一生平安。
想問入去如果俾人搞
係咪一定要企硬還手，如果唔係注定俾人蝦？
冇背景嘅人為求生存，入到去係咪一定要搵社團歸邊？
你遇過最危險嘅經歷係啲咩？
God bless you, sir.

兩個post都有睇曬 我無野講
巴打我敬重你 支持你 祝你可以重過新生活順順利利！

聽人地講點解收音機叫做貓係因為入面每逢朝早同臨瞓之前都會播電台，好似貓朝早夜晚叫春咁
而家好多都用X光機，未聽過仲要人手通櫃

巴打你描述故仔真係好生動好正

最初幾年，基本上完全無朋友，
跟住有抑鬱症添，
然後養左貓好啲，
去讀書識到朋友，而分散注意力又好啲，
養成運動習慣，又好啲，
返教會，更好啲，
但其實一直都仲要食抗抑鬱藥
返教會令我有信仰支持，有信仰感動，呢方面正面既。
但同時，我返教會聽道多左，明白野多左，
令到我回頭檢視自己過去所作所為，
知道自己有幾壞，傷害過既人有幾多，
That’s hurt
我當然無可能去搵得返呢啲人去彌補返佢地，
我只能夠小心翼翼以後不再傷害其他人，
呢樣係我最唔開心既。

我太太其實係好強大既一個人，
佢意志力頑強，即係好硬頸，
佢家人都知道，所以都無聽到反對聲音，
可能反對都唔講啩，哈

每人係指探個個定係坐個個