個個話有心理準備坐十碌，入面係點，想唔想知？你問我答(2)

原來係真黑警, 仲以為係9 UP
不過依場運動真係揭露左好多公眾一般情況下唔知既黑幕

推

好好嘅分享
好多更新人士出黎都係做下難野，髮型屋洗頭，車房學師等等。
後生行差踏錯，影響真係一世，尤其係讀書唔多，又無父幹

入面多唔多靚仔架

靚仔多數係咪都比較Cool

巴打，
靚仔嘅嘢好主觀個喎，
Cool都係好主觀嘅嘢，
佢對我黎講好靚仔，
但對你黎講未必，
對我好cool，
對你又未必。
但係入面係一個封閉嘅小社會，
咩人都會有

巴打 想問唔食煙扮食煙入煙得唔得 會唔會畀人識穿，有咩壞處？

得，
絕對可以。
唔食煙都要報食煙，
因為煙係貨幣，
唔食煙都可以攞嚟換嘢食。

唔會俾人識穿，
識穿都吹你唔漲。

最大壞處應該係，
編倉會編入吸煙倉，
會食二手煙。
不過你就算報非吸煙者，
但返倉有人食煙你都吹佢唔漲，
所以其實無分別。

咁想問當我還柙 係咪要報食煙 咁拋緊我又唔食會唔會好奇怪，(冇理由報左食煙但屋企人又唔入煙始終有機會會拋成一年)，同埋糧單係咪all in煙仔最好？唔該巴打

你如果還押，
就算唔食煙都要叫屋企人入爆你煙倉，
你記住佢係貨幣，
唔係真係煙仔，
記憶中當你拋完，上最後一庭，狗官宣布你罪名成立，判處監禁幾多幾多，然後返到荔枝角，正式轉身份會轉啡色衫。
轉左啡色衫，第二日就會見監頭等過界，
之後幾日睇你去咩環頭，
水路定陸路，視車船期而定，
但就已經唔可以再入煙。
好似最多手携40包煙過界，而呢一刻，
你身上嘅物資就係要捱到你過左固定監房，
過埋新人期，
正式入固定期數，入到期數會有一個新人打雜位，
係除咗某啲大哥之外，人人都要經過，
唔係恰你無黑社會背景，所以唔駛敏感。
而呢啲位擔任時間，就視乎你之後幾耐有新人，
有新人黎你期數，就會將你退出打雜（B仔，係監房叫法）。
而到你退出B仔，直至你期數有位俾你埋（即係有負責工作崗位，先至會上人工，人工視乎位置辛苦程度同困難程度而定，由AA至FS，一共有12級。
最低只能買三包煙，最多可以買20包煙，我唔記得實際數目，大概最多每月可以有500-600一個月，而由你轉啡色衫開始，直至你上到Es或以上人工（我認為喺監房，唔賭錢，淨係食嘢同消費，最少要有es人工先可以自立不求人），但呢段時間可以長至半年。
所以你必須要趁你人喺荔枝角仲可以接收物資時，儘你任何能力都要全數打爆，唔止煙，所有零食朱古力毛巾牙膏牙刷洗頭水番梘等，全部都要打爆佢，因為你可能需要呢啲物資用幾年。
特別牙刷，裡面賣嘅牙刷垃圾非常，你可以喺荔枝角帶到幾多支過界就帶幾多支，總之，啲嘢你無用，都可以去換其他你有用嘅嘢，千祈唔好唔入，
特別係煙。

至於糧單買咩，你到時會有好多需要，
唔會淨係買煙，例如零食，到時你會發現好多零食會整到好似餸咁，攞黎餸飯餸粥。
忘記提你，bb油好重要，喺荔枝角要儘量入，
唔係俾你做肥妹仔或者打J，
當然你都可以，
但最重要係冬天乾燥時候，
監房無其他嘢可以保濕護膚，
然後又無鞋著，得對拖鞋，
無BB油可以令人非常痛苦，
唔好忘記

就算拋嗰陣時，
煙都可以令你好過啲，
例如有啲老童，死火山吊煙癮，
而且典癮完全食唔落飯嘅，
會賣隻雞翼，牛肉球，魚，橙，蛋俾人，
你唔入煙，有得賣你都無貨幣去買，
唔食煙唔緊再要，最緊要有好多煙喺身。

知道 唔該巴打～

議員幫唔幫到手，
我唔敢講，因為無見過咁嘅例子。
我哋可以試試縮小搜尋範圍，
例如佢係拋緊，夠21歲定未夠？
夠21歲，只有兩個可能，
荔枝角收押所、赤柱監獄。
未夠21歲就喺壁屋監獄，
記憶中，還押期間，
只要有全名都可以探到，你可以直接去試。
如果已定罪，就真係搵唔到了

三寶係咩？

唔係好明，
無咩印象有咩監房術語，
或者黑幫背語有關三寶，
如果有提示或有關連嘅嘢講我知，
可能有肋勾起記憶。

[red助[/red]

暴動至少坐 3年 點樣可以hea時間

上面有講過
附近士多話拜山佢會執比你
睇完你講執多好過執少
問士多應該都熟

寫信唔得。
你要直接去荔枝角收押所問。
荔枝角還押犯人探監係喺朝早，
你搵日八點去荔枝角收押所，
直接去拜山房問，
荔枝角喺市區好近，唔好懶。
你條仔喺入面好掛住你，
請你儘快去試試搵唔搵到佢。
你去問，最少會攞到還押編號，
可以寫信俾佢，入物資俾佢，
最緊要係心靈上嘅支持。
唔好等，儘快啦

長沙灣地鐵站附近，
行去荔枝角收押所路上，
青山道油站，
都會有鋪仔寫住賣犯人物品，
唔好自己去買，
好易買錯，會咩都入唔到