個個話有心理準備坐十碌，入面係點，想唔想知？你問我答(2)

lm

可以入書，一個月六本
限制既野好難講，
全部由監獄保安組自由心證，
佢話咩唔得就咩唔得架喇。
一般來說三級露點唔得，
太暴露都未必得，水著寫真一時時，睇撞邊個職員，
甜故純文字可以
以前我地坐監，無政治犯，所以無呢方面審查，
依家咁多政治犯，真係唔知入書會唔會來查政治立場

成日聽聞話係監房打飛機會被人當係自殘身體, 係真定唔係?? 如果係真, 係會唔會加監又或者有其他懲罰?

大倉有掛牆風扇，
細倉，好似荔枝角把風扇會喺走廊，三間房分一把扇，
壞左就無架喇
赤柱單雙人房，係連風扇都無，
間房個窗係要企上厠所水箱先摸到既，
然後門係密封，只有上下兩小小窗俾職員睇下你有無吊頸既啫
係好悶熱架

可以嘗試問福利官，
如果唔駛你個人離開監獄既，
佢可能會幫你，
如果個人要離開監獄既，
你都可以免開尊口了，
無可能

唔好客氣
祝你生活愉快

多謝樓主，一生平安

陳日君樞機係真係經常會入監獄探人，
我見佢不下數十次，
而且佢係真係特別既，
佢唔會好似其他人咁，
會去懲教處指定一個地方，
然後神職人員喺嗰度等，由各期數帶人去見佢地，
陳樞機係，佢自己一個人，
由監獄巡遊，沿途同每一個人打招呼，
只要你開聲同佢講野，佢就會停低聽你講，
無懲教人員陪同既，佢自出自入，個個都要開門俾佢既，
雖然我當時無同佢講野，
但其實個心都有觸動既。
上個post我話佢成日探施君龍佢地，
係真既，親眼目睹，但再諗起其他見到佢既畫面，我記得返多少少，所以今日補充。
而基督教團體每個月都會有人入監獄，
去到通常有啲小食，或者小禮物，
然後就講道，最後唱歌，
散會。
但當時見過陳樞機，或者傳道人，
我心中無感覺既，我聽完道唱完歌，
都唔會有咩感覺，大家去，係因為無野做，
又好奇有無小食小禮物（人在監獄關注既就係呢啲小事）
最大部分人，係想去𥄫女既，
睇下有無啲年輕女教友入黎羞愧無地～
但係事實，一大班坐左咁耐監，就黎唔記得女人係咩樣既麻甩佬，會有咁諗法都係正常既......

啲人嚇你啫，我都聽好多，
但未見過有呢啲事發生。
我地用左職員厠所打J，
職員要去犯人厠所屙尿就周時有

入面有冇遇過咩人你會有「哇屌，條友真係喪心病狂」嘅感覺
佢係做過啲咩令你咁覺得?

書有冇得交換睇?

一般市民可以點樣幫到啲出咗冊又想改過嘅人?

見話唔會同啲柳記過唔去，但有無啲真係忍唔住，最後搞到柳記好煩？

或者揾啲新入職嘅老散玩佢地？

本書入左俾你就係你私人財物了，
喺荔枝角收押所，你要將財物隨身攜帶，
或者叫朋友幫忙𥄫住。
但如果定左罪去到監獄，就可以放喺倉既locker（無門無鎖既）
亦可以放期數個人儲物箱。
一般來說，書籍唔會有人偷，因為唔駛偷，
問你借黎睇，唔通你唔借咩
入面啲人其實唔難相處，
最緊要好聲好氣，笑面迎人，
見到人地有報紙，睇下佢睇唔睇，佢唔睇的話，
就算唔識都唔怕既，開聲問師兄可否借來一看，
唔得都唔會打一身既
其他財物如煙仔食物就要小心啲了

入面有無樂器玩？之前見過有人可以係入面夾band既

呢個問題⋯⋯
我諗咁樣講，古惑仔既道德觀念，係同正常人有好大差別既，喺古惑仔眼中，為錢所做既一切，都係合理既，係無可厚非既，不管包娼庇賭，呃女落火坑，賣白粉俾學生，追數逼人跳樓，為一萬幾千去斬一個唔識既人....呢一切喺古惑仔眼中都係合理既。
咁古惑仔有咩野係會覺得喪心病狂呢？孌童呀，搞自己個仔女呀，但呢啲人懲教署唔會俾我地見到佢，佢會喺特別保護組
喺男子成人監獄，交換咩都可以，褲都可以交換著
點樣可以幫到更生人士？
如果有更生人士黎求職，儘可能俾次機會佢。
我一世都會感激當日俾第一份工我既嗰個人，
無呢個機會，無今日既我。

柳記就咁樣既，
佢哋最想每日R袋至收工，
事實上佢地亦都大部分係咁。
每個期數主管大部分都係AO1即係三柴，
無得升，佢唔會想煩，除非你煩佢。

有冇諗過竟然坐監嘅經驗知識 今日可以用黎幫下人 起碼俾人有心理準備

有，有結他玩。
好似見過人有私人結他，但唔知點申請，
案例太少，唔敢講，但應該都不外乎係搵福利官查詢。
如果未申請到又想玩，每日出球場時可以向期數主管要求，佢會搵體育康樂組（即係波仔，波仔係一個崗位名稱，不是人名哦）
記住都係唔好怕醜，禮貌地不斷提問，
佢哋會為求你急彈，儘快滿足你既

無，無諗過。
好不幸竟然有咁既一日。
我真係傷心

其實被人通櫃痛唔痛
唔少電影都成日描寫依d部份係痛, 其實係唔係誇張失實?

雖然現實係好sad 不過都多謝你肯分享
希望你日後都平平安安咁過

聽樓主描述
咁係監獄入面 無論大倉細倉
如果要自殺 其實係咪唔太難
有無發生過
如果我要坐成世 或坐完都六七十
可能會選擇輕生