個個話有心理準備坐十碌，入面係點，想唔想知？你問我答(2)

柳記逼條𡃁仔口交 最後條𡃁仔比柳記打死
沙咀old story

唔好意思 兩單野都係獨立發生先岩
更正番先。

好正呀喂 當左故咁睇
講得好details 打得好有心機
Thanks for sharing, Bro

咁可唔可以捐書入去裡面嘅圖書館？
雖然圖書仔唔做野 但考慮到萬一唔好彩，義士入左去想睇書都可以睇下

想問下入面d人點操大隻 監獄入面冇工具

咁大穫
我有朋友啱啱入咗去
又係少年犯嗰邊
探佢嗰時佢又唔可以講咁多入面嘅嘢
寫信又要俾人check
好擔心佢係入面點

邊個環頭先？

捐書我真係唔敢講，
但懲教院所內既圖書館，運作係由圖書期負責，
而圖書期負責不單止借書，
每日每個囚犯訂左既報紙，都係由圖書仔負責，
而監獄規定，為禁賭風，
所有有賠率既報紙都要抽起，
而呢啲全部由圖書仔負責，
而佢地既額外收入，亦由此而來。

例如一個有2500人既監獄，
有1000人左右訂報紙，
唔同期數唔同人訂唔同報紙，
仲要抽出波馬經，
工作量喺監獄黎講算大，
但亦因爲咁，
佢哋會收煙偷一兩張波馬經，
送出去俾出面期數既大老闆，
大老闆們就會再搵手下，
用過底紙（過底紙當然又係用煙去買）抄寫好，
再派俾賭客既，
有大量利益既一個崗位，
無咩時間心機去照顧義務既圖書借還工作
係可想而知既

好多院所直頭連圖書借閱冊都無攞出去俾期數
你問佢地可能要搵添呀

某啲期數可以自製到工具，
例如：打鍾，木工，纖維，同好多外圍期數都見到有自製健身器材，但當然精美就唔精美，但有工具，唔全面，但有。
但車衣期，圖書釘裝，指模仔，醫院仔，圖書仔，就唔會有了

見到你地睇得明我想表達咩，
我好安慰呀，
最初幾驚自己講到1999呀
多謝你支持

記得好似有打死細路，
然後由勞改中心，
改做勞教中心，
但內容一樣

大期數會有可能有，
打鐵纖維木工就咩都有，
打個鑊煎魚都得，
但細期數例如，留倉清潔，指模仔，醫院仔，圖書仔就只有徒手了

見過一面，無咩吹水，
大家喺飛髮仔度飛髮

跟住去到2017 因為同囚依套戲
真係改革左 因為真係比班議員釘住

祝福拍同囚既一眾工作人員，
亦祝福關注在囚人士福利既人同議員，
作為過來人，
我睇法係：無錯，我係一個罪犯，我犯左一啲好嚴重既錯，但法官已經因爲我既錯誤行為，懲罰緊我，懲教人員如果覺得我錯，可以檢控我，如果成立可以加我監，但唔可以打我侮辱我，法官判刑時，並無判決我需要失去尊嚴同自尊，所以所有該等侮辱性傷害性行為，都係非法既，做得出該等行為既人，根本應該入黎同我地一齊坐，因為你咪正正同我地一樣，係會用非法行為去傷害他人既人囉！

上述只係我個人感覺

關於制服
懲教處職員制服，一般都係綠色，
但亦有綠色制服外，再套上白色醫生袍既，
佢哋都係懲教職員，不過可能考到/考緊護士資格，
考到會易升珠粒（1粒花），考唔到醫院系統都會升得快啲。
同警犬唔同，懲教處基本上所有人都著綠色制服，
唔會好像警犬，官員著白衫，除非有典禮先會換，
所以睇佢係咪官，制服顏色分唔出。
懲教處最低級係二級懲教助理AO2，即係白板
高一級係一級懲教助理AO1，三柴
呢兩個職級既職員，一般會負責大部分日常工作，
係接觸犯人最多職員，佢哋係你坐監生涯是否好過關鍵，
一般上，無論你是否第一次見呢個柳記，望望佢名牌，
叫聲咩哥或咩sir，就可以直接講你想講既野，唔駛怕羞，
監獄裡面有時侯，三柴既能力會比好多高級過佢既官仲要大，即係老屎忽，佢哋識曬所有地下跌序既野，要跟程序玩，佢哋亦係老油條，佢哋無得再升，亦唔會炒得郁，唔高興起來連帶班都唔俾面，有啲「夠做」三柴真係可以喺細監房隻手遮天，所以對呢種老屎忽，千祈唔好硬碰，軟磨比硬碰容易成功得到佢地既幫忙，甚至乎係唔啱規矩既，只要有friend 到，咩都無問題。
到再高一級開始，由懲教主任到阿一，你千祈唔好叫乜哥喇，要叫乜sir，見到佢地所有違法行為都要收埋，否則就會燒焦。
再高一啲既官，總懲教主任，三粒或以上頂帽會有條金邊，呢種就叫做有邊，代表大官，見到所有有邊既人，要立即企好停止講野，唔係又燒焦
仲有另外一種，工藝導師，佢哋係懲教署職員，但只有兩級，直線師傅係高級，曲線師傅係低級，佢哋主要工作係，教授並督導囚犯進行日常期數工作，打鐵有打鐵師傅
纖維有纖維師傅，廚房有廚房師傅，師傅一般只管工作，其他紀律行為唔理，相處一般都可以既

想問下如果傳染病爆發點算？咪好大獲？？

唔好Skip咗我啊

8月5日，全民三罷！

遍地開花 九巴不合作運動最後召集！！
https://lih.kg/1406002
- 分享自 LIHKG 討論區

所有最新資訊會係TG Group到發放，有意發夢參加的朋友請加入

已有分區細group，group link係大group公怖咗

https://t.me/joinchat/AAAAAFehx0H-9ZMmNP0guA

見到最近盧建民外出想知：如果因家人重病有得外出 係咪24小時都有柳記跟住？場所有冇限制？最多可以出幾耐？

多謝樓主好詳細解析
追post到2，從你字裏行間感受到你好真誠地分享
感謝你俾我見到信仰的力量，也令我對更生人士有新的睇法
我相信每個犯罪的人都係心靈上有缺失先導致最後結果
希望自己可以關懷更多身邊人，愛係世界上最大的力量！
樓主加油！用你的經歷改變更多人的生命！

可唔可以話自己信回教要留鬚

入面多唔多南亞人? 平時同佢地點相處?

係咪個個一放監都去叫雞？

係，沙士時我人在赤柱（祠堂）
包括我在內，有好多人發高燒，
燒到104度連續繼禁囚喺監獄內醫院，
獄方安排醫院一層樓放發燒病人，
以隔離病人同其他人，
但無論你情況如何危險，
有人死左都好，
佢哋都唔會送你出急症，
因為唔可以俾外界知情有疫情在懲教院所內爆發，
佢哋都會有好多辦法掩藏事實，
出面唔會有人知，
最後我幸運康復，
有無手足因此病離開我就不得而知了，
只有柳記狗自己先知了