[桌遊戰棋]惡夢鎮Malifaux 西部蒸氣龐克

Euripides / 歐里庇得斯
惡夢鎮第一個巨人，係暴君戰爭之前就已經存在係北邊嘅雪山
同泰坦利亞大戰幾日幾夜不分勝負，之後泰坦利亞用歐里庇得斯嘅右眼製成護符送返比佢本人
歐里庇得斯用護符同臟卜預知到未來之後，宣佈效忠於泰坦利亞
連佢嘅族人都唔知佢睇到咩未來同點解要效忠泰坦利亞，但係當泰坦利亞被封印時，佢仍然係雪山上隱居
直至最近泰坦利亞突破封印再次出現，佢先帶領住族人落山加入無誕者

歐里庇得斯係一名控制兼戰鬥型主人
攻擊能力同傷害都高於水平
而且同納絲蓓丁娜一樣，歐里庇斯得可以製造冰柱地形嚟限制敵人移動

歐里庇得斯嘅隊伍Savage / 野巨人一樣都係控制同戰鬥型嘅隊伍
所有單位都可以製造冰柱或者利用冰柱控場
但係最有特色嘅共通能力The Old Ways / 古途，當要揭牌判定時可以用棄牌區最上面嘅卡代替

Parker Barrows / 帕加．巴羅斯
帕加原本可以承繼一大筆遺產，但係比佢嘅兄弟用法律搶晒
佢唯有組成強盜團，以打劫為生
某次逃避公會嘅追捕時被困係北方嘅山脈
之後得到捷普船長同佢嘅飛船幫忙先得以離開

帕加係一名遠距離輔助主人
同其他輔助單位唔同，帕加主要係增加己方嘅資源
主要攻擊技Stick Up! / 打劫!可以搶走敵人嘅手牌，甚至靈魂石
其他能力都係以任務指示物為主

帕加嘅隊伍Bandit / 強盜係一支遠程攻擊型隊伍
共通能力Life of Crime / 犯罪生崖可以移除附近嘅任務指示物嚟得到加速狀態
增加行動次數嘅同時妨礙敵人進行任務

Hamasaki Youko / 浜崎陽子
陽子係十雷黨入面少數唔屬於家主家族嘅高層成員
佢表面上係喜．貢茶館嘅老闆娘
但背後其實係惡夢鎮入面「小王國」眾多茶館酒館、妓院、劇院嘅幕後主人
負責為十雷黨提供情報同浸透其他勢力

陽子係一名控制型主人
標誌性能力Unseen Manipulator / 幕後黑手可以減少對方嘅手牌上限
攻擊技能Blackmail / 勒索可以令對手捨棄手牌，或者控制對方單位行動等

陽子嘅隊伍Qi and Gong / 喜．貢同樣屬於控制型隊伍
共通能力Leverage / 槓桿作用係回合開始時，如果對手已經揭露咗任何副任務，我方就可以得到一個Pass Token / 行動代幣
除咗可以用作原來用途嚟跳過一次啟動外，仲可以用嚟強化判定

Captain Zipp / 捷普船長
捷普細個時執到一部人類用嘅收音機，而佢最鍾意嘅廣播係一套冒險故事
所以佢由好耐之前就想好似故事入面緊出去冒險
依個夢想就係佢同佢嘅伙伴偷走咗公會一艘飛船時實現
而係最近嘅冒險捷普遇上咗強盜帕加，佢嘅故事會變得更加精彩

捷普係一名高速嘅控制型主人
佢有全遊戲最高嘅移動力同飛行能力，可以輕易到達地圖上任何一點
技能Boring Conversation / 無聊對話令附近敵人無論進行咩行動都要通過一個簡單嘅判定，可以快速消耗對方手牌
招牌技能"Drop the Pianos!" / 空投鋼琴可以製造鋼琴地形阻礙敵人移動

捷普嘅隊伍Infamous / 惡名團係一隊高機動嘅隊伍
大部份單位都有加速嘅能力
加上共通技能Free Loot / 免費賊贓可以移除對手嘅任務指示物嚟抽牌
可以輕鬆阻止對手進行任務
配合能力Showboating / 浮誇演出可以係出千之後補充手牌，可以確保手牌數量


48個大佬介紹完畢