係一個同樣名為「地球(The Earth)」嘅星球，人民發展出魔法，用以運作整個世界。然而，佢哋開始發現自己嘅魔法能力愈嚟愈低。為避免失去魔法，地球上最出色嘅施法者聚首一堂，合力施法打開咗一個入口——大裂縫(The Breach)，通往另一邊充滿魔法能源嘅世界。
係裂縫嘅另一邊係一個大型城鎮，依個城鎮同地球上嘅城鎮好相似，除咗入面完全冇任何嘅文字同生物之外，冇戰鬥嘅痕跡、亦冇屍體或者被損毀嘅物品，就好似所有居民突然消失晒一樣。隨後，學者們發現當地嘅文字，經過一輪研究，終於知道依個神秘市鎮嘅名稱。
1787年，圍繞惡夢鎮(Malifaux)同靈魂石(Soulstones)嘅戰爭開始咗。
係咩戰棋？
戰棋係於桌面上用棋子模擬戰爭嘅桌上遊戲嘅統稱。兩個(或以上)玩家用自己模型組建嘅軍隊進行對戰，通常會用尺量度移動同攻擊距離；用骰仔模擬命中同傷害等等嘅隨機結果。除咗對戰之外，亦有玩家更加鍾意改造同上色，造出有自己特色嘅模型用嚟展示。
咁要準備啲咩先可以玩？成本高唔高
戰棋人口一直都唔高嘅原因係因為入門門檻成本太高，嚇嚫唔少人。而惡夢鎮作為一隻小規模嘅散兵戰棋遊戲，所需要嘅模型數量非常少，入門門檻比其他大型戰棋相比低好多。一場標準規模嘅遊戲需要嘅模型數量平均少於10個。一盒隊伍包(crew box)($280~$350)已經有5~7個模型，所以理論上$500左右就可以擁有一隊標準規模嘅隊伍。
而且係新版本入面官方將所有規則同能力卡放晒上網，玩家可以免費下載。如果唔介意用紙板公仔，咁頭幾場遊戲其實一蚊都唔使比
惡夢鎮有咩特別？
啱啱新改版
簡化同整合咗好多規則，新手容易咗入門
而且所有規則同模型能力都免費DL
所以依家好適合入坑
官網 : https://www.wyrd-games.net/malifaux
規則 : https://static1.squarespace.com/static/54fe412ce4b0c449f7369857/t/5d125c632d632a0001a73080/1561488955975/M3E_Rules_Manual.pdf
能力卡 : https://www.dropbox.com/sh/wicc6rs8kg46bt7/AACUSxdWhyaHQYaD1cGf0nzga?dl=0
