[7月新番] 魔禁外傳「科學一方通行」

神裂for sure

啲作畫崩到....

果舊野經已冇左, 鑽到碎晒, 得返徒手, 然後徒手頂鑽頭90秒, 傷都唔傷下, 但期間每隔1陣就會爆血畫面+擠血聲

魔法嘅嘢我哋識條鐵咩？

聖人+刀(鋼絲)+天草式(混合)魔法+強運
是但1樣都冇得輸..

屌 人地手上面攞住支茄汁又要同你講咩

梗係神裂啦，出墜天使即贏

炮姐都係靠裝靠主角光環先有匹敵聖人既實力
神裂係聖人入面起碼上位
所以冇得打

炮姐aaa +(巨乳星星眼)雙人炮擊

試下拍返套<魔法禁書目錄 天草式教皇日常>
神裂做女1, 內容主要講神裂點樣用部洗衣機洗衫洗到壞機
+點樣剪爛自己d衫褲+把2米長既刀點保養+十字淒教事務
+與唔同人戰鬥(eg.上太空斬導彈+單體突入大氣層落返地球)
+英國清教事務+點樣幫5和溝仔+補返墮天女僕d鏡頭, etc..

收視實好過超炮(大概)

點解成日見有人問依個問題既
唔計後期用AAA或者同女王既合體技既話
常態美琴一定唔及神裂強

最簡單既方式係用女武神做比較點
因為佢基本上係唯一一個分別有同神裂同美琴單挑過(唔計當麻, 佢太難用黎比較戰力)

首先係新約6, 美琴同女武神接近打和(最後冇分勝負)
不過依場戰鬥有一個考慮因素: 美琴喺一邊同女武神戰鬥, 另一邊暗中操縱鐵砂保護當麻
但係個人黎講我都唔認為女武神有用全力應戰, 一來佢基本上冇咩點用到魔法攻擊, 而且依個時期既女武神既主神之槍已經比神裂毁咗
所以充其量只可以話常態女武神(指冇主神之槍既佢)同美琴實力相若

而神裂外傳入面, 神裂對上有七成完成度主神之槍既女武神, 都可以抵擋到佢製造既神雷(其實連神雷都擋到, 我都唔認為美琴啲電傷到神裂), 而最後就連有主神之槍既女武神都贏到, 更何況常態既佢

所以常態情況下, 美琴~女武神<神裂

至於美琴既額外buff, 基本上就係AAA同女王合體
前者要有亞雷斯塔既魔法輔助, 後者擺明係2打1, 所以邊個都好都唔可以話係單靠美琴既力量

其實呢個唔係科方post咩
點解去咗講神裂

可以啊..

我之前都有問過點解1方唔自己幫電極頸圈叉電
1/ 有人答矢量操作, 只係包矢量方向, 唔包能量大小...
但明顯唔係咁回事..
1方求其踏下塊地, 就炸出幾條石柱出黎,
是但擺下手, 又會有爆炸既效果, 明顯係d動能/能量倍大左
根本唔單只控緊d方向, 就算淨係控制方向, 動磁生電經已搞掂

2/ 有人答控制電能/叉電唔係咁簡單..例如炮姐都唔係咁易做得好
咁係有幾難先..叉電係得正負極ja, 複雜既根本唔係叉電果part
而且大把替換方法, 帶移動電源/尿袋去叉又得
甚至無線叉電果種又得
(今集直接帶左充電座去人地設施, 咁即係有埋正宗轉換器)
另外以1方既運算能力, 根本冇可能難到佢

再者佢後期入某組織果時, 佢經已拎左頸圈設計圖
人地連魔法d不可知法則都破解到, d咩機體構造根本小事
何況只係處理其中既叉電部分就得

再唔係叫冥土追魂再改良下舊野囉, 差冇開口叫佢咁做渣嘛
佢又實唔會say no, 始終舊頸圈只係試作

仲有當麻右手果套...咩風斬冰華唔掂得
...簡單d戴手套咪得
仲有當麻想阻止d能力者/魔法師..
如果你係有心既, 咪用右手捉實人地再用左手鎚經已ko
咁經已慳返成個魔禁系列5成既嘴遁/對白時間
但硬係要右手鎚完1拳, 再自動企開俾人反擊,
再右手鎚完1拳, 再自動企開俾人反擊, 係咁無意義loop

同當麻對打果d對手又係,
明明物質剋當麻(實體武器, 物理現象果d),
但硬係要出純魔法/純能力
明明除左右手之外咁地方有得攻擊,
但硬係要瞄佢右手/or單1攻擊俾佢右手接

炮姐同當麻打果時,

最標誌既招牌攻擊railgun, 冇用黎打當麻, 原因好簡單
呢招當麻擋唔到, 銀仔係實體, 電磁軌道加速+銀仔係物理攻擊
明顯又係俾作者寫死要炮姐輸, 1味用d純能力(電擊, 電磁鐵)黎單向攻擊
而且係明知冇用仲會1直loop住黎出

同1方果場又係, 明明知道亦理解情況,
非埋身戰=有效, 近身接觸=冇效,
但1方仲係會去近身接觸,
咁1方中伏第1次, 由佢, 當唔知..
咁1方中伏第2次, 由佢, 當大意..
咁1方中伏第3次, 第4次..仲要無意義loop近身接觸..
明顯又係作者安排

呢一個都算係魔禁系列未解之謎
而且都係有好多人討論過依個問題
但始終河馬未有正式解釋過, 所以唯有靠讀者腦補, 又因為咁有好多講法

第一點個到, 一方確實只能操縱方向, 唔能夠操縱大小
踏地個到小說既解釋係一方能夠集中身邊所有既力作用到地下上, 例如重力, 空氣阻力等
但係唔能夠憑空製造力
至於用電磁感應依一點或者可行, 不過依個方法既發電量可唔可以cover到電極既用電量就可能要計一計喇(不過其實電極要用幾多電根本無人知, 再者一方佢又唔可能憑空產生力, 我覺得呢點真係好難講)

至於尿袋, 作者寫個陣尿袋都未普及既, 我諗佢都冇預過有啲咁既野(雖然話就話學都領先2-30年科技)

第二點既話, 新約13確實明確講明美琴無辦法準確用能力為電器充電, 至於一方既話, 相信問題唔係依到

上面一段只可以話劇情需要喇

至於話用實體去打當麻既話, 始終前兆感知係個大bug, 前期用魔法無能力秒當麻既對手一樣無辦法秒, 後期用魔法就秒到當麻既對手當然唔會搞咁多野

美琴同當麻到個到, 首先當麻同美琴唔止打過1次, 而且動畫第1集美琴已經有用超電磁炮打當麻, 而當時當麻確實係有用右手擋到
原因有二
1) 超電磁炮製造既電漿體被河馬視作超能力既本體而唔係能力所產生既二次物理現象(至於點解係咁, 其實純粹作者一人說了算)
2) 硬幣係發射途中已經因為摩擦產生既極高溫融咗, 所以唔存在實體攻擊
其次, 你話作者寫死美琴輸其實係錯, 事實上美琴係打贏過當麻, 而且都唔係靠超電磁炮而係零距離電擊

一方同當麻打過3場, 當中只有第一場同第三場係用近戰
第一場係學都, 一方除咗一開始近戰發現當麻右手既能力之後, 都刻意拉開距離用塵爆同遠距離拋貨櫃箱, 至於由一方用電漿體個一刻開始, 相比起贏佢更加想當麻阻止佢, 所以最後果拳用返近戰
第二場係俄羅斯, 一方其實係全程黑翼遠攻當麻, 最後比當麻逐漸收窄距離收皮, 而且同第一場一樣本來一方就唔打算打贏當麻 (btw依到動畫魔改做一開波就近戰)
第三場就明顯刻意放水喇

所以一方三次全輸比當麻, 確實係作者安排, 因為三場戰鬥一方既心態都唔係要贏佢, 第一次係渴望有個英雄出黎阻止佢殺御坂妹, 第二次純粹係放脾氣將救LO既責任抛比當麻, 最後一次係製造"就連第一位都輸比當麻"既訊息等其他level 5收手

railgun果度, 硬幣高熱熔左都仲有質量係度
電磁軌道炮本身個原理就係用電磁加速發射質量子彈
炮姐個能力只係加速左粒幣, 粒幣飛出去熔晒or變等離子電漿
個質量+慣性本身經已係物理現象, 唔會毛啦啦因為冇左電磁加速而成件事消失左...

同埋大概係幾時正面接過railgun?
當麻失憶前河邊決鬥, 1方初敗之夜橋上決鬥 ←動畫好似得呢2場?
呢2場入面都係純能力攻擊

炮姐打贏果次你指1方初敗之夜橋上決鬥呢次?
當麻肚中電訓低回血, 之後起返身, 邊有輸..

不過炮姐根本冇打算落殺手, 冇認真
炮姐連子彈都避到, 體術max, 根本唔用能力都贏
河邊果次係呆左無意再戰+自動認輸, 好夾硬..

魔禁setting睇下就算啦，又魔術又科學，根本冇得比較。一方能力咁撚屌都可以比河馬寫成拐杖阿伯，認真打起上來，矢量操作邊有得輸，河馬個思維完全跟唔到個setting，或者咁講，佢開坑果時根本冇唸過自己筆下ge能力可以玩到幾屌，結果成班讀者認真就輸了。但係河馬依然故我，setting永遠行係劇情前面，戰鬥永遠發揮唔到setting ge 百分之一