唔想供養廢老老豆...但真係諗唔到辦法...

其實唔洗太focus係我個家庭背景到只係用來解釋點解唔想同佢住
而離婚、家暴呢d問題我只能講已經平靜左好多年 話我垃圾又好乜都好 但我地已經接受左無視佢去相處 因為而家真係似同陌生人夾租住
其實我只係想睇下抽居屋個邊有無得處理得好d 所以先開係房屋台 而唔係感情台
結果個個教離婚分居打鳩返佢...
算啦由個post沉啦

巴打，其實抽到居屋既機會真係唔高

我同你個情況好似。我地都係一家四口，同老豆關系好差。發生過家暴，有社工跟開我地，老母飲過天拿水自殺(救得番)。

大約10年前我地3個偷偷地搬左出去租屋住，之後搞離婚。最後法庭俾左間公屋我地。而家我地一家三口搬番入3房公屋

我好明白有個仆街老豆既心情，每晚聽到開門聲都好驚

希望我既例子幫到你。

好好彩未去到你呢個情況 而家幾年都平靜
所以我都避免再有衝突 靠自己諗辦法計畫下將來only

你地密謀一夜間搬走啦，呢d廢老無撚得夠，買唔起都可以平平地租住先嫁姐，白表居屋你抽唔到嫁啦

交緊倍半定雙倍租？

要錢冇錢，要人冇人
既冇首期亦過唔到壓測，白表又抽唔到
冇架啦

考督察拎宿舍住囉

鬧起交上嚟有人一拎刀應該報驚
跟住可以同房署要求分屋
咁第二間屋個戶主名就係老母

true

首先最好有報驚、社工 的家暴record
然後諗好安全緊急搬屋方案
之後再慢慢搞離婚啦 預幾年 甚至上court

最後最緊要拎番公屋quota, 居唔居屋之後的事啦

離婚，原因：家庭暴力，拎扶養權，原有公屋歸你地。

不過地址就不變，到時佢會唔會日日敲門就唔知啦

出去租樓算啦

開喺房屋台但又唔講有幾多首期、想住邊區呢啲基本嘢

首先嘅情況係你媽媽係唔會同你爸爸離婚，
另外所有 你諗到抽居屋嘅方法係唔work。
你可以做嘅係貼錢畀你爸爸返大陸住, 每個月畀生活費供養佢， 佢當然亦未必會信你，所以你新居屋要寫埋佢個名，當然梗係你哋供喇。
咁就可以達成你爸爸交返間公屋出嚟，你媽媽唔使同你爸爸離婚， 你哋又可以抽居屋，非常愉快

明明富戶夠交市值租金 又謀老豆間公屋lam著數。

睇呢個post 發現公屋仔好多人有家庭問題。

出工廈租個單位，一萬唔洗夠哂你地3個住啦
等居屋等十世都未得

3丁友搬唔到出去？
靜靜雞走做咩都得啦

想問點樣先拎到個張遷出通知書
我屋企又係一樣情況
老豆老母離左但仆街老豆講到明唔肯走
點樣先可以趕走佢

只要你簽名話跟老母，同房署講要求刪除老豆名
當然要你老母都肯先啦

呀媽已經刪左佢個名 佢仲係唔肯走
但冇見過有個張遷出通知書
唔知仲可以點做

刪左名就唔洗啦，直接叫房署趕佢走

其實咪姐係無能力囉，又要貪人間屋，又要逼人走，有冇咁無懶啊

同樓主經歷差唔多....

父子關係差到貼地，細個住埋同一間屋完全冇照顧過我，成長過程經歷佢玩女人同輸晒啲積蓄，三年前我出嚟做嘢加上佢再次輸到仙都唔仙下之後我就冇同佢講過嘢。

之後平靜咗三年，佢都肯去做嘢，但事實上係還畀佢老母姐係我阿嫲，因為佢輸埋佢嘅棺材本。

但呢排佢又唔做嘢，又對阿媽呼呼喝喝，最終開咗拖，報咗驚、搵咗社工，阿媽就住喺庇護中心，我就去咗朋友到住

依家阿媽想社工介入，睇下段婚姻仲有冇得挽救，但我其實根本唔想理條友，佢都拒絕咗同社工傾，最想係老母可以有返間公屋。

但我媽收入僅僅過咗單人公屋條線，資產更加over咗。就算搵份低人工，資產畀晒我，輪公屋要咁耐，可以點做先快啲，係咪一定要完成離婚先有公屋