【已婚人士】分享快樂、分擔壓力post ....................

保重下啦，長命功夫

呢個情況通常唔食就會好返

男人養女人
同 女人支持頭家
喺中國人社會唔會係同一樣嘢

想問一問
想知道各位對於805罷工有咩睇法？
我仲讀緊書 返緊summer intern，罷工我當然義無反顧支持同參與
但係有家庭/事業有一定地位成就嘅人會點諗？
會唔會驚失業/失去升職機會而唔罷？

非批鬥，純粹想知不同人嘅睇法。

我會考慮自己職系同負責崗位之後再決定是否罷工

如果我既位置連同同事係行開行埋一兩日都無乜影響既，咁我就會精神上支持罷工，但行動上就未必會罷，原因係帶唔到 impact 俾公司/上層

對於罷工呢一樣野，對於大公司既前線，同 labor intensive 既工種先有效果同衝擊

用IT行業來講，系統大量自動化情況下，罷工係精神上既支持係大於實際唔返工，因為server 唔識罷工

我覺得home office同冇罷冇分別
只可以話間公司體諒同事交通方面嘅問題

另外講到職系同崗位問題
我只係一個intern妹，可能對公司impact不大
但係個個都因為咁樣而唔罷 就會少咗好多人
正所謂積沙成塔 至少show到俾其他在職人士睇 "You never walk alone" 可能會令多啲人敢罷
不過有啲職業的確係唔適合罷工 例如係醫護人員 從心底感激佢哋(唔計話要打死入院嘅示威者嗰位醫生)

明白聚沙成塔既意思

的確當日唔返工，繼而仲會出去集會既話，就有 impact 俾到整個社會

我其實好希望大家805會罷工
不過都體諒每個人有自己嘅憂慮 唔會逼唔會批鬥，如果真係罷唔到 精神上支持都好

屋企人政治冷感，認為冇可能贏到中共，所以覺得我哋做嘅嘢係冇用多餘，仲有就係返工好重要

另外就係現時同男朋友半同居
feel到屋企人覺得佢帶壞我，帶我出去發夢
可以點解決

堅持自己覺得正確嘅事
你唔會取悅到全世界

睇到呢句好感觸
我都係咁同屋企人講：我只係做緊自己認為正確，正義嘅事，唔關任何人事。

可惜佢哋唔會明

如果屋企人唔理解就由得佢地啦
都係一句你冇可能取悅全世界
亦唔需要因為屋企人而做或者唔做一啲你覺得應該做嘅事

我同男朋友都好重家庭觀念
對方屋企人=自己屋企人
再加上我同佢其實有計劃結婚
我當然認為自己做嘅嘢係啱 都明白一個人冇可能取悅所有人
只係唔想令到我男朋友俾我屋企人誤解 搞到關係好差
我媽咪同佢奶奶就係因為某啲事 搞到老死不相往來，呀爸夾喺中間好尷尬
好大陰影

唔係叫你地唔孝順
但係重視同俾佢地情感勒索係2件事嚟
你控制唔到人地點睇點講
今日因為政見而誤會佢
他日都可以因為其他事對佢有偏見
做好自己就夠
婆媳同女婿呢啲關係唔好強求好好
唔打交大家交下戲已經萬幸

我明白啦Thank you

“婆媳同女婿呢啲關係唔好強求好好
唔打交大家交下戲已經萬幸”
睇嚟我入世未深 都仲係太天真

打飛機講句
成日出黎攬炒 示威罷工 唔消費 搞到死城咁係好有用,但要持續
睇返公佈6月零售數據 已經係好差

我屋企人都政治冷感 搵錢至上,都覺得冇可能贏到中共
不過respect 示威者燃燒自己去示威
而我地的確係阻到條例通過
但面對刑事檢控代價好大