[hea遊] [多圖] 來生要做北歐人

去完歐洲之後個人嘅金錢觀會改變

同意呀，我以前係香港每個月置裝費起碼二三千，嚟咗年幾，一件衫都無買過。 以前係會買埋啲無謂嘢，到咁上下就丟，依家買一樣嘢都諗過度過，實用先買。

歐洲生活簡單，唔會晚晚要搵節目，可能無乜壓力，無乜病痛。簡單嘅生活真係好寫意。

點先去到芬蘭住 好羨慕巴打你

同問

得幾個可能性:-

1. 工作
2. 結婚
3. 黑市
4. 歐盟公民

巴打有無tg，有野想請教你

我old fashioned，唔識tg

來生唔求啲咩
但求做返我老母個仔

來生唔求啲咩
但求做返我老母個仔

咁感動嘅

Day 8
今日真係痴線嫁!
朝早起身，屋主個女竟然著住條白色睡裙 加埋少少陽光照住好似女神咁走黎問我地食唔食早餐 老虎都食啦！
佢話準備埋比我地，於是我見佢頻頻撲撲，件睡裙個領又大 真係唔知對眼望邊先冇咁尷尬 ！
又係屋主嘅包，磨啲芝士，預備啲莓同乳酪比我地，當然仲有茶 連個牛油碟都靚過人…呢個真係個Good Morning



可惜落街又陰天，我地樓下賣花嘅檔口



因為仲有少少肚餓，所以搵野食，搭車去咗Östermalms Saluhall



睇到食物都好新鮮，不過好似比較貴 最後留影一張就算



最後我地黎咗呢度！屋主女女推介，叫Nybrogatan 38，上午花左少少時間，而家都夠鐘lunch，門口已經好多人聚集，應該好食



一黎到就有麵包任食



以為自己點肉就冇死，點知到上菜先發現我地叫咗兩個充滿北歐風情嘅肉餅



又幾鮮味

雖然Stockholm我停留咗唔係好耐，但我真心覺得Stockholm舊城靚過Helsinki（只限舊城，講海景、森林、湖泊都係芬蘭正啲）





樓主，歐洲有航班(飛機）航程少過一粒鐘，例如：
Helsinki - Tallinn (35min)
Vilnius - Minsk (35min)

張櫈未坐暖，機長又宣佈飛機準備降落

35mins仲快過入天水圍啊真係！
我都覺得stockholm古城係靚，所以想知多少少，就參加埋free walking tour，好抵玩

呢位巴打次次都貼相補完我啲iphone圖 真係好

真係食飽，就起程去斯德哥爾摩皇宮參觀喇。地鐵是咁的


然後行去往宮嘅路上經過古城Gamla Stan，兜咗一陣，心諗陣間一定要返黎慢慢行
又有花店

影比屋企人睇



其實一路落住雨行去諗會唔會有伏，見到皇宮行去入口都有段距離，希望唔會太失望 入到去是咁的。

呢度好似係lobby咁嘅野，有一邊比人行上去睇畫之類咁～

我地去左買飛，諗住入多幾個地方睇睇，一個地方唔記得 另外兩個地方分別係The Treasury，擺寶物嘅地方，同埋Royal Apartments，以前啲皇室人員住嘅地方（好似係）
其中一條走廊


我感覺係：幾堂皇，覺得牆身+天花版畫哂畫真係好難保養，不過住嘅地方太大行得我好攰 我真係賤民思想
仲有個Treasury係唔影得相，仲處於好似地下密室咁嘅地方，好焗 但係就睇到以前國王皇后嘅皇冠、披風等等，都係鑲哂寶石，睇到我

睇完出返去皇宮附近，個天色是咁的

明明朝早個天好陰，剛剛仲落雨～呢度天氣變化得太快


行行吓，有個白色人望住我，佢個樣= 我望下佢，佢走埋黎 逼我同我朋友逐個合照…

影完仲想叫我比錢 我就耍手，佢都就咁走咗 明明我個pose都係「我乜鳩都冇」咁嘅狀態…

唔知影乜

繼續行，我話要去中世紀博物館睇下，其實係屋主阿女推介 都係歷史博物館，而且我都話我地行程好free
個館都介紹返果陣啲人嘅生活啊，社會風貌咁


好似巫師 想去摘佢啲菜做魔藥


我爭少少就係果度間紀念品店買咗件tee
仲有段小插曲，因為行行吓腳痛就坐低抖抖，起身行咗五至十分鐘臨出展館時先發現漏低部電話係長櫈！ > 心諗：molamola 仲好急沿路返返去搵，電話冇事冇幹仲係張櫈度 真係險過剃頭…好在呢度係北歐咋～我心諗。

返出去就梗係要行Gamla Stan啦，呢度出哂名嘅古城。
好想慢慢行哂佢，因為真係好靚（多謝9394+689巴打之前嘅補圖先 ）
不過我想講重點，
呀！呢度有毒撚福音呀！


我入到去真係失心瘋，佢叫Science Fiction Bokhandeln，有好多書、電玩有關嘅產品！ 我同朋友入去睇咗超耐，果種興奮真係令我好想碌卡買野！ 結果買咗四本已經好重

呢間鋪仲有好多Legend of Zelda嘅野，我諗如果今時今日去嘅話亦都會買好多《荒野之息》嘅產品，真係好痴線 我有少少明白鍾意shopping嘅人係咩感覺…

呢日嘅最後，太攰了要返去坐低慢慢食，要同大家介紹埋唔錯嘅微波爐食品…


正常味道嘅薯片


同埋乳酪


以我記憶，呢晚屋主唔係屋企，佢話自己會去自己嘅summer house三溫暖 因為有個湖，好舒服咁話喎 其實應該大膽少少問佢可唔可以去參觀吓～不過我太毒唔夠膽。
呀但佢又咁大膽咁放心擺低成間屋比我地住喎

結果間屋咁大又係得我地兩個…又係有少少驚
終於等到佢女女11、12點返黎啲開關門聲，又好安心咁瞓著咗…咁呢日又完結喇

唔駛多謝，我都係幫吓北歐兄弟賣吓免費廣告，我以後份退休金靠你地