一路上都有遇到唔同嘅walking tour,大部分都係外國人。經過一間舗自稱係塔林oldest cafe,好易認因為佢櫥窗有個摩天輪,於是我地又食喇哈哈
(打呢個遊記時我發現自己真係好鍾意食野)又係一件酥同杯茶,同時計劃下點行。
而鏡頭一轉,我地就已經行到上舊城頂
原來路程我係一張相都冇影過,真係唔好意思
廢話唔講,比大家睇下個景
張相真係鳩影都不足形容
又話有唔同嘅viewing platform,點解會兩張圖都同一個位置影落去呢?
因為其他位置望落去係好多吊臂,有唔少地方都做緊工程
我自己睇到都好無癮
不過都岩嘅,古舊嘅建築真係要好花時間同心機去保留,尤其係呢啲世界遺産
經過呢四五日不斷咁行,我地基本上去到下午已經好攰,去超市買零食又返去休息
因為我地成日都會返一返去抖抖,所以租間好少少嘅airbnb好抵玩
好有屋企feel
睇吓搞笑片回復體力~改左ipad畫面唔想自爆
後來我地都係鳩行,見到更加多空置嘅大廈,其實感覺幾恐怖,條街又冷清
當我地行返去食琴晚果間餐廳時,遇到一男一女派野比我地,原來佢地想傳教
不過我地都好快就告辭甩身,佢地仲bless us
貼埋晚餐,同樣係sesoon、同樣係琴日嘅靚姐姐,點咗幾個冇牙都食到嘅菜
個湯係豆蓉,齋飲已經好頂肚
好似係蘿白蓉羊肚菌同煎三文魚,食完真係覺得前一日嘅燒牛肉最高質
真係飽到好滯,食得太多蓉狀物體
返到去繼續食啦咁先係享受
又幾得意呀呢個
咁樣好hea好hea咁遊塔林或者會miss好多所謂景點,但我地都幾享受呢種靜靜地,好平淡嘅模式
好似老人家咁
執埋啲野,準備聽日出發去瑞典嘞
發現仲淨返唔少錢,所以係瑞典都冇再話好慳住用,俾錢入博物館完全不是問題
咁我又寫左呢個TRIP嘅一半喇~