[hea遊] [多圖] 來生要做北歐人

上年4月去左 Helsinki > Tallinn > Stockholm

本身冇打算寫遊記，所以係helsinki同tallinn都冇乜點影相，
但後來去到stockholm既民宿，同個host有好多唔錯嘅交流，先突然決定要影返多少少相，返香港寫遊記…
(跪求勿起底)
唔講咁多，即刻開始

試貼一張



利申：呢個遊記既相都幾傷眼，只係帶咗電話求奇影

我地話要去旅行好耐，到真係要請假果陣，都唔知去邊好，心入面淨係覺得「總之要離開一下香港」，
咁岩又見到去赫爾辛基+斯德哥爾摩機票只係6千，就拿拿臨訂左飛…
由決定請假到買機票都冇一日既時間，好隨性

機程辛苦程度有3粒星，有兩三個細路半夜輪流喊真係搞到我地崩潰，好想將佢地寄倉
落機係-2度，但係香港嘅濕凍先係全世界最凍

即刻去搵民宿個host，佢就係車站等我地，一見面就好高興見到你x2啦，
佢話自己岩岩瞓醒，著住條貼身leggings就落黎等我地， （無圖）
仲即刻話唔好意思間屋冇哂廁紙喇，係男朋友拎咗一卷俾我地（好快已經用哂）

佢帶咗我地買左四日車飛，可以搭電車，巴士，火車，包埋去芬蘭堡嗰程船，
我地太懶唔會Espoo-Kauniainen，Vantaa，Kerava-Sipoo，所以只係20歐一張
四日內搭夠6-7程就回本喇，幾抵玩

我多數唔執袋，返咗香港發現張飛仲係度

擺低行李就起行，係飛機上面瞓得唔好，我地唔係咁精神，所以都冇咩打算，打算行下食下野就算
不過，第一次去歐洲嘅我地, 係天陰陰之下見到啲建築物同啲景已經覺得好靚喇

到底住係入面有幾疏乎？好羨慕

等車個電車站對面

一路行去到等車果陣我都視姦咗好多靚女 （無圖）

時刻表對我地黎講都係新鮮事物


第一站係醫肚，所以去左old market hall，買左個Lingonberry批食…

其實有少少伏

個market hall其實幾細，有兩條通道咁比人行，左右兩旁咩都有啲咁
包點強糕蔬菜海鮮餐廳咁果汁店都有，行黎行去格下價咁，一路行都見到香港人


買左兩個撻，魚同蝦
食落覺得好fresh，尤其係個魚，嚟到呢啲地方一定係食魚

我覺得揀蝦嘅我又中伏喇

由於真係好餓又有啲凍，好想食熱野，於是走咗去飲湯

好似係雜菜湯，面頭會有一pat忌廉咁嘅野，但我飲咗先記得要影相
媽呀天冷飲湯真係好幸福呀

因為太近，食飽行去market square，見到啲人擺小攤檔賣野
我心諗一定係劏遊客，我係唔會中計的
點知友人竟然係呢個檔口買左條頸鏈！

呢個大叔話所有飾物都係自己手作
咁多檔攤中得佢有服裝加成…咁有誠意抵你做到生意嘅
我佢影完相之後有幾個講普話女仔拉住佢狂影


行行吓三，四點左右太攰，返咗去瞓覺
瞓醒已經七點，我地又充滿力量喇，要出去搵野食
發現七點個天都仲係好光 搞到我錯覺都唔係好夜，好似仲有好多時間咁
如果有機會都想體驗吓冇天黑嘅感覺


我個人都幾鍾意天光，
因為天黑實在太易令自己有負面情緒 所以夜晚一定要瞓覺


冇帶地圖出去，又唔記得左屋主推介過嘅餐廳 所以一直行到大路搵，睇下有咩想食
結果去左呢度（補返張google圖先）

好似係間同one piece 航海有關嘅餐廳



今次冇中伏
我叫左個鹿肉薯蓉，正正常常，不過我就覺得薯仔係世界第一嘅
朋友仔點左個唔知咩亂炒一通有啲魚呀薯仔咁， 佢好似話幾好食
由於覺得食唔哂好似好冇禮貌咁，所以飽到要用慢慢食或者狂轟入口嘅策略， 飽到勁辛苦
btw 我記得個待應仲幾靚仔㗎 （繼續冇圖）

原來擺圖之後要隔兩行
睇吓有冇人睇先，下篇搞返好d格式

去過stockholm留名

Btw，stockholm成日都有d黑人搞事 有次差d比佢地搶錢

去過stockholm留名

Btw，stockholm成日都有d黑人搞事 有次差d比佢地搶錢

係helsinki九成見到嘅都係金髮碧眼

去到stcokholm由機場搭車去民宿已經見到好多唔同種族嘅人
好多都木口木面咁 感覺真係比較緊張

巴打點扭轉乾坤？

留名

視姦好多靚女但冇圖
負評

視姦好多靚女但冇圖
負評

唔好咁啦
太毒唔夠膽影嘛

Day 2
主教座堂 > 西貝流士公園 > 岩石教堂 > 鹿肉餐

自然醒實在太好，早餐就係前一日market hall買嘅蕃茄仔(9歐兩串) 同返屋企前去超市買嘅乳酪
點埋啲蠟燭係咪好有情調先




話說呢次都係我第一次租airbnb嘅民宿，覺得睇下屋嘅設計，物件點擺，睇下host嘅喜好係咩都幾有趣… 而呢位host就成屋都擺左好多好多蠟燭台，真係幾有feel，但朋友鼻敏感太勁，點咗啲有香味嘅可佢黎講可能都幾折磨…
host其實仲準備咗當地嘅糖俾我地 但真！係！好！難！食！
嗚啊！係完全入唔到口，我諗大家對糖嘅概念都好唔同


前一日全日陰天，但今日真係好好天呀



又搭車去到碼頭，market hall附近…呢種天色真係鳩影都覺得靚



呢度可以上去芬蘭堡嘅船，早一日搵到點去個人都安心啲




話說我地都冇乜點plan過都去咩地方玩咩活動，好純粹咁前一晚話想聽日去邊，諗下個路線就瞓
有時可能出門口先再諗路線 咁樣hea吓其實真係最舒服嘅模式
本身都會有少少覺得冇去某啲地方好浪費，但多得同伴同我講「咁可以再黎多次㗎嘛！」又係喎！

前一日去market square見到啲搭帳蓬嘅舗頭，原來朋友已經下定決心話想試下
不過我地太早到所以等佢真係煮熟d野，開始做生意時先入去




呢個時候去隔離買左啲睇落好甜嘅生果，好似都要8歐(?) 唔太記得了，覺得還可以啦




繼續等開舗時，行行下見到有鴨
我見到有人追住啲鴨跑嚇鴨，但有個正義姨姨阻止咗 搞到我都唔敢行埋去廢事攞黎柒


過主啦冇野比你食呀～

-1度凍 定香港冬天凍

等到間舗真係煮好就做佢第一個客喇，揀咗三文魚湯同煎三文魚加薯菜做早餐，1x歐左右…其實去到呢個時候我都仲係覺得洗費好貴



個湯真係好飲

有得比你斟咖啡，不過我一飲咖啡就會痾，唔想俾錢去公廁就唯有唔飲
舗頭係由一位大姐姐負責哂，由開舗到收銀煮野serve餐收碟都係一腳踢 唔知間舗是咪屬於佢，但我好羨慕啲人有自己嘅一片天，每一日努力開工個感覺真係好積極 點解自己要返工心態辛苦過死咁樣


有陽光再食埋熱野真係會令人出汗，終於都搭電車去到主教座堂，有啲人會叫白色大教堂，可能時間尚早，真係冇乜人
無論如何，藍同白都係perfect match



仲入去坐左陣感受吓寧靜嘅氣氛 我就比較喜歡呢類室內簡單少少嘅教堂，感覺好似悠閑啲



仲有個風琴，腦入面已經自動播緊devil may cry系列打boss關嘅音樂


走果陣見到有一兩架旅遊巴係教堂前面嘅空地停低，有旅行團影大合照 我同朋友都急急腳跳上電車走
我地本來冇諗過要去西貝流士公園，但打開地圖發覺helsinki好似真係冇咩地方好去
定係我地太冇深度？
個人都鍾意花草樹木，所以即刻向地圖上呢個綠色區域進發，我覺得咁樣話去就去好有型

-1度凍 定香港冬天凍

我可以好肯定話俾你知，香港冬天果種凍無人能及！

北歐三國你點排

留名

北歐長住好易抑鬱
自殺率又高

北歐三國你點排

巴打是咪指丹麥 挪威同瑞典?

我未去過丹麥同挪威
同埋係點排係指邊方面？

但如果計本趟旅程，揀我最想居住嘅地方會係愛沙尼亞=芬蘭>瑞典
除非我係瑞典個host果家人啦，咁就瑞典排第一
（如果打到後面會講）

娛樂性就瑞典>愛沙尼亞>芬蘭

啲公仔好得意

北歐長住好易抑鬱
自殺率又高

去得幾日真係唔會知道生活係當地嘅問題，只係去吃喝玩樂0生產100消費 所以有錢真係邊度都好住



BTW 我淨係知自己連自殺都唔敢，因為要返工

個教堂我上次去有一邊裝修緊

我圍住行咗個圈, 佢好似每一個雕刻位都係一個片段/一個場景，
我懷疑係聖經故事



補張圖過你睇睇～

啲公仔好得意

我發現呢個世界所有野加兩點加個口就可以好得意
你都可以試試！

北歐長住好易抑鬱
自殺率又高

去得幾日真係唔會知道生活係當地嘅問題，只係去吃喝玩樂0生產100消費 所以有錢真係邊度都好住



BTW 我淨係知自己連自殺都唔敢，因為要返工

係環境影響個人
住大城市還好 住郊區嗰啲分分鐘最近個鄰居都隔十幾公里 可能一星期都講唔到廿句嘢