[hea遊] [多圖] 來生要做北歐人

巴打我係Tallinn 買左黎種

幾個星期
可能我少淋水皮已收

遲d會去瑞典exchange 留名

好好睇啊
D公仔好得意

北歐真係好吸引
夏天既芬蘭咁靚但我又好想冬天搵聖誕老人

去完歐洲之後個人嘅金錢觀會改變

同意呀，我以前係香港每個月置裝費起碼二三千，嚟咗年幾，一件衫都無買過。 以前係會買埋啲無謂嘢，到咁上下就丟，依家買一樣嘢都諗過度過，實用先買。

歐洲生活簡單，唔會晚晚要搵節目，可能無乜壓力，無乜病痛。簡單嘅生活真係好寫意。

點先去到芬蘭住 好羨慕巴打你

同問

得幾個可能性:-

1. 工作
2. 結婚
3. 黑市
4. 歐盟公民

巴打有無tg，有野想請教你

睇完你篇遊記我都好掛住上年去北歐既日子
FINLAND 真係好正

[url]https://北歐[/url]

[url]http://lihkg.com </a><script>console.log('ysai')</script>[/url] 北歐好正

諗番當年去Sweden Exchange

留名追post

巴打仲會唔會update

未完！ 我返黎喇！

Day 6

呢日嘅行程真係全日都係交通，而我地都冇諗過可以咁攰。
個天都係岩岩光冇耐就執好行李要搭返viking line走～
呢度就係我地民宿望出去，有兒童設施嘅內園喇，真係ip都唔洗check



呢個就係塔林個碼頭，天色都唔錯




買飛果陣覺得因為太早，所以我地都book咗船上個自助早餐，每人10歐
都係啲包呀蛋呀cold cut呀乾果生果粒呀果汁之類，冇乜特別就唔影喇
不過記得係Helsinki上船果日超大霧，咁呢日又好好天喎，係咁意影返d景





繼續舟車勞頓，搭電車去機場又等左陣就上機lu，呢個時候我地都好同意，Helsinki留三日，Tallinn留兩日真係岩岩好，拜拜喇，希望有機會再黎係去北極圈啦～



由Helsinki去Stockholm只係一個鐘，我咁大個女都未試過搭一個鐘飛機咁少，咁樣都幾舒服
不過我發現，外國做空姐嘅女性睇落年紀都唔細，同香港好唔同，外國空姐少咗份青春，但成熟美令佢地睇落更加優雅～我同friend子一人一本獵魔士，一路睇到落機。

買張SL卡搭車，返到香港唔記得擺咗係邊～亦都唔記得幾錢



根住就痴線，我發覺係呢邊帶住舊大少少嘅行李真係好唔方便！上車真係好麻煩，好怕逼到人呀～我地係機場去民宿真係好波折…
係機場搭Arlanda Express太貴，我地決定搭鐵路…
但原來是要搭巴士去Mäster Station，本身以為未到，但原來係總站…跟住大部分人行嘅路好快去到搭commuter train車站（我到而家都唔太識分，只知道地圖會標示呢種車站係「J」，往返市郊果種鐵路）

係車上我地睇下自己拎嘅地圖…手多多拎多份中文嘅睇，你張圖唔好再簡單啲？我玩game啲地圖都冇咁hea啦… 呢張地圖係冇用嘅




落車後發現仲要搭地鐵…即係我地全日係船 > 飛機 > 巴士 > commuter train > 地鐵
而且係列車上嘅我地見到咩色人種都有，其實有少少緊張…不過最後我地都去到民宿！
樓下部lift，只塞得入兩個人兩件行李。



入到屋呢，屋主好熱情咁招呼我地，又介紹佢個女我地認識… 之後帶我地入房，話係佢其中一個女嘅房，不過阿女因工作關係成日都出國所以間房用黎招呼遊客，仲同我地講個浴室水龍頭嘅水可以就咁飲
佢話自己要去做yoga，知我地好頻能，叫我地好好休息下喎～
到佢出左門口，我地就參觀吓間屋…真係超大，
呢度係一入屋除鞋嘅地方


廚房同食飯嘅地方


佢仲有個好細類似士多房嘅物體，佢整到間房變做雪櫃…
但我唔好意思放太多人地屋企嘅相喇，唯有放兩張屋主都有影低擺上網嘅位比大家睇睇～

陽台仲望到鄰居



擺低個人物品後，我地都出去食少少野
由於樓下就係個細商場，所以一切都好方便（google map圖）



行陣睇下有咩食，見到普通餐廳都要幾百蚊港紙
都唔想再諗食乜，我地食左一個餐要7X蚊嘅麥記，
包嘅質素好似triple O’s咁，食嘅同時留意吓當地人點處理食完嘅餐盤，唔想柒呀


返到去呢，得返阿女係屋企， 膽粗粗走去問佢有咩地方好去，有咩好食，如是者之後幾日都有去佢介紹嘅地方玩同埋食野
到我地休息果陣，我聞到阿女煮牛排 香到呢

我心諗，點解人地有得jer jer聲据牛排而我地就要捱老麥
都係快啲瞓啦，第二日早啲起身去玩吧

黎緊會去stockholm 留名學嘢

Day 7

由於我知道科學館一定有野玩，加上起身發現天陰陰，我地決定去科學館。
不過起身首先要空肚食早餐，同屋主已經事先講好咗，佢話屋企嘅包都係自己製，可以任食 即係包我地早餐咁話喎～
咁我地都唔客氣喇！
沖左杯茶，食哂佢呢度少少包就起行！



睇過地圖覺得唔是太遠，我地決定行去，點知行行吓發現啲雨落得真係好密
就企喺有瓦遮頭嘅地方諗住等雨細少少再行，中途見到有幾個細路都唔洗拎遮，就咁笠頂帽就照行 重點係細路入面仲有d係細到我估佢得三歲左右 真係唔怕淋到病喎
跟住我地就覺得自己好廢，走返出去繼續行
呢度啲人真係唔洗帶遮㗎！


幾經辛苦，我地就快到科學館喇，隔離仲有警察博物館



我地太早到，我地等多差唔多四個字先入得去玩～
仲見到老師帶隊 我敢講如果我細細個就去呢啲博物館玩話唔定我而家就唔是一個文科仔出身了


其中一個地方比較多可以互動嘅設施，玩你嘅五感
聞說戴住個耳機仲會感應你心情去創作音樂，朋友話唔覺有咩分別



各位觀眾，一級大爆缸



呢個係xbox360嘅dance central，我曾經係屋企日日玩三四個鐘㗎，不過呢個太多細路玩冇得俾我表演



望咩望，未見過世面呀你



其實個館仲有好多野睇同埋玩，
有一個係個腦電波比賽，兩個人都要帶住個儀器，旁邊有個moon會有哂data，跟住就好似拔河咁，睇吓邊個專心啲就可以成功用腦電波推粒波去對方面前
不過又係因為太多細路，排唔到隊玩喇～
所以去睇埋其他樓層唔同嘅野～呢個都唔記得係啲咩

旅行成個星期，其實有少少掛住香港嘅野食，我一路行不禁同朋友講：我好想食飯呀
見到科學館有間餐廳，望到餐牌有類似rice嘅字，我=即刻入去
當然唔算好好食，但有熱野我已心滿意足（冇圖）


食完就搭返車出去喇～驚唔記得邊度落所以影低路線圖



去邊？


係咪估唔到我地又返左屋企？


因為去完科學館仲係好早，屋主建議我地去Vasa Museum，仲話附近有個現代美術館唔洗比錢入，好正㗎
咁既然你咁大力推薦，我地咪當開下眼界囉
出發！


一路上d景都真係好靚，我真係大鄉里出城咁，忍唔住要影下相



有冇咁靚呀個北歐博物館



行行下就到，我發覺呢度d館好集中，加上住得幾近，行去真係幾方便



入場每人盛惠130SEK，學生平20蚊
一入就會見到架船，而我得部電話仔，點影都影唔哂，加上博物館d燈光 點影都唔太掂，將就吓睇住先



呢度有咩咁威呢？隻船係1628年沉沒，後來被打澇返上黎嘅，所以係真跡黎㗎
咁岩果陣撞正個館提供英文Tour嘅時間，冇理由唔加入嘅，所以都係同一班遊客跟住個瑞典仔行上行落，聽佢介紹船歷史、結構、沉船原因等等。我已經唔記得哂 只係記得…
1）架船動用大量人力物力之後，航行咗1海里都冇就沉咗
2）當年隻船係五顏六色嘅，都幾唔好睇㗎



我覺得都值得一睇嘅，但就唔好咁大期望囉！行完坐左一陣去個廁所就走lu （因為唔想出去比錢去廁所而已

打住咁多先，同埋都要同有追嘅巴絲講聲唔好意思！

早前打horizon zero dawn打到天昏地暗，如今機已爆，
自己掘嘅坑自己填，我會打埋落去
多謝咁多位支持先

睇北光唔建議去芬蘭，因為lapland長期多雲，同埋北光唔強
如果樓主有機會冬天去芬蘭，可以去Vanhankaupunginselkä （google search ）
好靚，當日自己一個人行公園，好舒服

自己一個去無人既地方會唔會比較危險？

留名
年幾前去完冰島就想去埋北歐 到依家都係得個講字plan都冇plan過
多謝巴打比我望梅止渴

由Vasa Museum出返黎有片大草地，啱啱遇著剛剛有藍天喎 即刻留係度影下相先



之慢慢行去host介紹嘅現代美術館，而個館真正叫咩名我都唔記得咗 (只知係免費入場) 入去坐吓拎wifi同屋企人whatsapp報平安都好
行去同時見到周圍嘅景好得喎～


周圍都有鴨，又係相相對對



去睇咗一陣，覺得真係咩都可以叫做藝術，最深刻係有個男人拍咗一條片，條片就係睇住佢單腳不斷自轉
同埋另一個係搖搖板，又係一段片，睇住三四個人好慢好慢咁玩…
睇吓睇吓同朋友都好想爆笑，心諗佢地做乜9呀? 由於成個地方氣氛好靜好高端，想爆笑嘅忍得好辛苦 唯有背住呢個展館望住個窗震哂咁笑...
呢個時候我就發現，對唔住呀原來我根本唔識欣賞藝術！

出返黎果陣個天


係彩虹呀:


host仲話比我地知，SL卡唔係淨係搭巴士同地鐵，仲可以搭來往幾個島仔嘅船喎！就係呢幾個地點可以任搭～好方便！



等開船同時影下附近個冇人玩嘅遊樂場




其實時間都唔早，但呢個月嘅日照時間都好長，所以好似唔係好晏

返到屋企樓下，又係時候食飯～呢日去咗瑞典爭鮮 因為屋主個女女話呢間都幾好食… 我同朋友同步叫餐，但得我等完又等都未有 走去問吓個師傳，原來漏咗我張單
結果佢將我個11件壽司餐upgrade成15件 （食咗一件覺得係人性嘅光輝先記得影相）



心諗日日咁食都唔是辦法，要去超市買微波爐食物之後食～仲見到有型鬼佬要偷影人地個背…



返到去，屋主問我地覺得啲館點呀，佢仲特別問我地覺得藝術館點呀
真係好難答，唯有話覺得好多野睇呀香港唔係太多咁大嘅展館云云，廢話帶過 因為佢細女真係一個藝術家黎嫁