[hea遊] [多圖] 來生要做北歐人

Day 3 芬蘭堡 > 烏斯佩斯特教堂


諗諗吓其實呢日都幾頹，相又影得少 我想快快寫完呢部分就寫塔林同斯德哥爾摩


芬蘭堡好近，係market square搭船大約15分鐘到（好似係）
有關嘅詳細資料就唔講喇，網上搵到好多，巴絲有興趣可以搵搵，呢個景點係起喺六個小島上面嘅



我地都係係咁意行左個圈，大部分情況都跟佢個路線咁行，睇左啲博物館同古蹟
不過最令我驚奇係，原來真係有人住係芬蘭堡 周圍都有啲標誌叫遊客唔好太嘈，我諗對於佢地會唔會好似長洲梅窩居民咁，覺得咁多遊客真係好唔方便呢？
但呢度活動空間都相對大好多喎

仲有少少積雪，果陣大鄉里未見過雪，去踩左幾下覺得跣



有啲唔記得係咩建築物，全日都天陰陰，我都只係求奇拎電話影少少就算



明明落船之後好多人一齊行呢邊但唔知點解影啲相冇乜人



呢個時候


係虎紋嘅貓仔呀 佢超得意，可能見得太多所以唔怕人，行左陣見到佢都順路，同佢一齊行 見佢輕鬆穿牆過壁，我心諗佢可以住係呢度真係好


祿山之爪



佢同我地行多陣就走喇 唔好意思呀咁多位，我諗我對芬蘭堡最深嘅記憶就係呢隻貓仔咋


真係行到最後，我話睇埋KING’S GATE就走，而我理想中的KING’S GATE是咁的



而我去到見到嘅KING’S GATE是咁的


我的媽呀！為何不是我想像的那樣.JPG
我都明白冬天唔會綠油油，但我都有幻想㗎嘛
所以我最主觀咁講得，要黎一定要揀夏天陽光明媚嘅日子呀

好靚

9394+689巴打啲相咁靚擺係度幫我呃正評

咁你自己影果d 呢

快d 放埋上黎

我果啲鳩影 盡量放比大家
helsinki影得少呀

helsinki最好feel 係夜晚有d 好矮身既電車(?) 係路面行

個樣好復古, 好靚

食完馴鹿果晚有咁做，真係唔錯幾好feel的

幫樓主補返兩張大教堂既interior

好大好宏偉架真係






呢個就係我講既電車

多謝巴打集思資益

講起電車，因為我真係未試過，都係今次先知要自己㩒制先開門 我真係好柒

睇相好正

用左幾多錢

巴打用咩電話同有冇用咩APPS影?
冇既話有冇用咩SETTING?
啲相好靚

pish
個藍色人仔好得意

睇相好正

多謝巴打

用左幾多錢

機票6k
計哂兩個人合共好似28k左右

巴打用咩電話同有冇用咩APPS影?
冇既話有冇用咩SETTING?
啲相好靚

放上呢度嘅相我九成都係直出冇執，用app執咗嘅都係facebook
費事俾咁多味精相大家

不過我成日用vsco cam同polarr 效果唔錯的

pish
個藍色人仔好得意

希望巴絲們鍾意睇啦

去過瑞典exchange留名

我比較喜歡冬天的芬蘭，有雪睇
睇北極一定要再搭內陸機上Lapland

搭船返去，因為同碼頭都幾近就去埋烏斯佩斯特教堂
（喺自己拍啲片度CAP圖 ）


呢座起得好高，好難從佢附近嘅空地影到成座教堂
原來佢係北歐最大嘅東正教教堂，入面冇影，比起呢個POST前面嘅教堂，呢間都算係真係金碧輝煌喇
搵返張GOOGLE圖比你地J吓~



由於都冇咩地方想再去，我都唔想詳寫無謂野了 咁樣太悶


準備Day4起行去搭林喇
我都幾期待,而事實上我去完真係幾鍾意塔林

我去old market可能係晏就D野開哂，我覺得幾好feel.
個湯我唔知係咪同你一樣，帶三文魚係入面。係既話個個湯真係好好飲 唔鍾意熟三文魚但都飲哂成碗食埋D魚。

另外sweden有個蝦醬又係好正⋯⋯好想買返黎HK但因為係有新鮮蝦驚變壞所以放棄左

我比較喜歡冬天的芬蘭，有雪睇
睇北極一定要再搭內陸機上Lapland

我後來去左北海道睇雪
不過將來會係冬天再去一次芬蘭，想去北極圈

塔林係愛沙尼亞首都，我本身對愛沙尼亞認識唔多。係大學讀某科認識到一位愛沙尼亞女仔，佢同我提及過佢地國家嘅Singing Revolution，係講愛沙尼亞獨立嘅故事…方法竟然就係用「今天我」 各位巴絲有興趣可以睇睇喎！


落船第一時間搵個host，搵屋果陣見到佢屋企隔離就係超市，心諗冇死喇今次 點知佢話超市前幾日開始要翻新所以唔開，我當堂
去到先知原來間民宿位於一個小鄰里，即係有四五幢圍埋形成一個內園。內園係公園比細路玩，咁大人就可以透過屋企個窗睇到自己細路喇 我覺得呢個設計幾warm，而且應該可以建立唔錯嘅鄰里關係，呢份親切真係好難係香港搵到了

我間屋


真係好佩服呢邊嘅人，好多傢俱嘅設計都好人性化，方便你用，亦都好簡潔 所以我真係好鍾意呢度！
係黎之前我都起過個host底（習慣但冇惡意，純好奇），原來佢都有同幾位唔同嘅人一齊搞個網，主要係塔林租屋比遊客住。 由於佢都係一位相當有經驗嘅host，所以都有好多travel guides比我地

一於就試下佢其中一間推介嘅麵包舖
出門口喇，個方向好似係同古城區相反嘅



我地都發現呢度人流非常少 當我寫呢篇遊記時，搵搵愛沙尼亞嘅統計資料果陣，先知道「On 1 January 2016, the population of Estonia was estimated at 1,315,944.」注意係成個愛沙尼亞得百三萬人口 (有錯求指正) 到底我地生活嘅城市係逼到一個點嘅程度!! 我地行左兩日發現呢邊無論住宅定商業大廈，都有好多空置嘅單位


間麵包店幾隱閉,叫Kalamaja Bakery



入到去有位中年嬸嬸看舗，而我地睇見個價錢真係開心死 感覺上同芬蘭啲物價差得遠喇 即刻想食咩就點咩，再一人一杯茶暖肚！


仲記得朋友點香腸卷時有一堆剛出爐嘅，個嬸嬸就比岩岩出爐嘅我地


我地坐低慢慢食，一邊plan吓陣間去邊…

我去old market可能係晏就D野開哂，我覺得幾好feel.
個湯我唔知係咪同你一樣，帶三文魚係入面。係既話個個湯真係好好飲 唔鍾意熟三文魚但都飲哂成碗食埋D魚。

另外sweden有個蝦醬又係好正⋯⋯好想買返黎HK但因為係有新鮮蝦驚變壞所以放棄左

我諗你係指market square ?
其實都幾多檔攤, 不過我覺得果度空間唔夠大
我本身都對熟三文魚冇咩興趣，但飲完個湯同食果餐覺得真係唔錯 （係香港食？不了）

我最後買左好幾支芝士醬翻香港，好似支牙膏咁，可以擺好耐 新鮮真係帶唔到，果陣返香港已經覺得好熱，就算帶返黎都好快壞

去完歐洲之後個人嘅金錢觀會改變