致剛玩2k mobile/想玩2k mobile嘅人:
以下係我玩咗nba 2k mobile 7個月嘅經驗,希望俾你哋知道隻game發生咩事。
係入主題前,有啲背景要同噉多位補充。
Nba 2k mobile 係一隻會重置嘅遊戲,由cat daddy games同2k共同負責營運。咩嘢係重置?佢係將你玩咗一季/一年嘅球員、道具、努力全部刪除,剩下石嘅過程。幾日前,佢宣佈有season 2,噉會唔會有season 3、4等球季呢?根據cat daddy games 同2k 其下WWE supercards 同 my nba 2k 系列 嘅經驗,相信未來只會有更多重置。
Nba 2k mobile 冇課變強只有打event。Event 有三種
The gauntlet: 可以攞最後獎勵,要俾石,要肝
Fantasy finals:可以攞最後奬勵,唔使俾石,要肝
Domination: 冇課接近冇可能攞最後獎勵,肝唔肝都冇分別
你會發現,冇課變強就要肝。我哋玩隻驚,其實只會投放錢同時間,咩感情都係哂呢兩樣嘢都表現出嚟。噉我哋其實要投放幾多錢落隻驚到?
呢個決定只有你先做到,但我可以俾少少建議。
先講錢呢方面,少課同冇課基本上冇分別。少課課落卡包,啲卡包中靚嘢機率低,用哂課翻嚟嘅石都未抽到好嘢,不如唔課;少課課event的話,冇課一樣做到嗰效果,一樣冇分別。噉大課呢?係呢到容許我講一個例子。
從前,有個叫人虛心向佢請教但嫌人煩,打機為曬命嘅前世界第一 Danny19851011。呢個小學雞,係開服頭10個月就係隻驚使咗幾萬美金。佢每次打event,一定會攞齊最終獎勵。重置消息一出,佢之後個event連最終獎都唔打
前後玩咗15個月,倒咗最少十幾萬港紙落隻驚,結果連最終獎都唔打,睇得出佢係非常傷心。假如你大課,你就要接受大課換翻嚟嘅最後會冇哂,伴隨而嚟係非常傷心嘅感受。課定唔課?自己揀。
再講下時間方面,究竟我哋應唔應該肝呢?首先,免費送嘅嘢係廢嘅,要變強就要肝event。但係,官方好撚狗。呢隻驚有一個問題,佢嘅最終獎係
一啖砂糖伴隨好撚大嘅屎
俾你係event打到隻瑪瑙,官方隨即開放更強瑪瑙
俾你係event攞到當時最勁鑽石球員,官方隨即推出更強嘅粉鑽
俾你係event打到人生第一隻粉鑽,官方隔幾日就同你講會重置,手上嘅嘢最多玩多3個月
假如你想變勁,不斷地肝,攞到嘅嘢不斷貶值,最後會乜都冇哂。但假如你放置play,志在玩不在變勁,其實會玩得仲開心。肝定唔肝?自己揀。
寫到呢度,我相信你已經決定好投放幾多時間同錢。希望你玩隻驚嗰陣,搵到你嘅樂趣。我好快就棄驚,係咁先。
一個好廢嘅玩家 上