[長文]感情價值觀

金鐘見

金鐘朋友一齊加油

推推推

首先有冇認真坐低傾先? 如果返工前講好多野佢同你打完招呼後都一路冇回應要檢討下, 正常都唔會冇一個啱話題掛...男仔係冇咁好記性, 但如果重要野應該唔洗點提都記得 (EG BOOK 旅行野, 搞證件ETC)...兩個人一定要打開心屝呀, 認真同佢傾下唔想佢咁難捉摸/ 太神秘啦, 加油

push push

C打有心推

想更多人知道愛情要努力

推

一齊咗兩年，未出事之前一直以來都無鬧過交，大家對大家都好好
大家都二十中，諗住會同對方結婚
可能大家生活得太平淡，佢有段時間覺得我忽略咗佢，幾個月前佢有位好朋友同佢表白（以前佢都有鐘意過對方，但最終無一齊），表白完佢地有拖手有攬有錫
佢幾日之後決定離開呢個好朋友，因為諗清楚愛嘅係我，事後都無再同呢個人有來往，電話乜野都願意比我睇，想我信返佢
有嘗試分開一個月，最後都一齊返，但其實條刺一直係我心入面，唔會原諒到佢
兩三日就會拎出黎提，經常嗌交，又有提過分手，已經好多好多次，大家都好攰
唔係我唔再鐘意佢，但我心入面真係好難面對，對方做咗啲咁嘅事，過唔到自己果關，好似一直都只會被呢件事纏繞住，唔知再點同佢行過去，更加唔敢諗同佢結婚
想分手又唔捨得，但大家係呢個狀態已經差唔多半年，大家都好辛苦
唔知可以點算

大家如果對自己嘅男/ 女朋友有咩不滿其實不妨正正經經坐低傾下會更易解決問題比佢知道你好認真係呢個話題上面, 千祈唔好靠文字或者隔住電話!! 因為一個人嘅面部表情你睇得出佢諗緊咩, 文字只係冷冰冰 傾電話你永遠唔知佢會唔會睇緊劇做緊其他野而唔投入係呢個交流之中而且你傾計嘅時候捉住對方隻手, 望住對方對眼會令佢感覺到你份溫暖. 所以好重要!!!

呢點樓豬講得真係好啱 咁多位記住
如果有咩問題 一定要講出嚟 就算果排大家忙都好 一定要約出嚟講 唔好遲太耐先講 或者收埋收埋
利申：同ex各有不滿但無講 半年後一次過爆晒

睇下你到底接唔接受到佢曾經有咁嘅行為, 有攬同鍚已經可以算係肉體上出軌, 知道大家心有對方係精神出軌...
不過佢肯同你坦白你都默默地接受左一齊返 只係心入面條刺頂住, 如果你真係過唔到嘅先分啦, 呢啲野大家鬧交你唔提佢應該唔會無啦啦提?
每段關係都會有刺, 只會睇下大家肯接受幾多 相處嘅幸福又掩蓋到條刺幾多 要諗清楚自己可以接受到幾多呀, 加油

一世人咁長，始終會有受誘惑既時候。其實佢肯同你坦白，就係愛你既證明。

不過我都明唔係個個接受到，既然有條刺，我諗你要諗清楚，想繼續維持依段關係定分開。

維持，就要忘記條刺帶俾你既痛同不信任，但唔需要忘記條刺，可以係入面學識原諒。

我覺得係先有精神出軌，先會觸動到肉體出軌，叫雞除外，因為只係肉體上的發洩
但無論咩型式嘅出軌都唔可以原諒，帶俾對方嘅痛苦同陰影係一世，信任破壞咗唔係話補就補，可能點補都補唔返，或者只會補得八成，仲有兩成都係keep住鬧交同翻舊帳
每段關係有刺，但唔一定係出軌導致。
對我黎講，俾呢件事纏繞自己已經無幸福可言，最少呢幾個月我都再感受唔到所謂幸福，更加無將功補過呢回事，係一段關係入面亦都唔係用將功補過黎推持，我不嬲翻舊帳，佢一直氹，大家都好痛苦。
但實在接受唔到⋯

文字冷冰冰真係好易令一句句子講到聽都唔同意思
但見面好易太緊張唔識表達好自己

要學識原諒

信任係可以修補, 只係大家肯唔肯去一齊修補 自己去修補唔會補得哂, 兩個人一齊修補先會知對方需要啲咩
如果想行落去你仲愛佢嘅就唔好翻舊帳住 試下係佢行為表現睇下先, 當然前題係你要接受佢出過軌

坦白對大家真係好咩？我覺得只係佢想將心入面嘅內疚感減低先選擇講出黎，對大家關係都唔好，唔講嘅繼續扮好男朋友我又唔會知。講咗出黎就無得掹，對呢段關係嘅傷害係永遠。
有得揀，其實唔想知道呢件事，雖然佢地可能未去到上床果一步，但知道嘅時候就好似一大把刀插落黎身上一樣，亦都說服唔到自己去原諒。
無錯，人一世的確係有好多誘惑，如果面對誘惑時可以拒絕，唔係先係真正愛對方咩？
但依家只係證明咗佢抵受唔到，選擇出軌，咁樣並唔係愛，係我心入面，只係實在地證明咗佢唔夠愛我。

調返轉係你，唔講出黎其實無人知，點解仲要講出黎仲要俾人睇手機?

面對誘惑拒絕係愛，做錯野坦承都係一種負責任既態度。

人係一段關係度有所缺，就會想搵野填補，出軌都係因為你地間關係出現問題，雙方都有責任，事後討論返“因為。。。所以。。。”亦無意思。你地仲愛對方，佢亦搞清楚自己心意，係最寶貴既地方。

你最後兩段，我細啲時都會咁諗，到你大多幾年或經歷多啲就會明白我講既意思了。不過當然，你仍然可以選擇唔原諒，每人底線都唔同。