[長文]感情價值觀

我一味就諗住佢會遷就我，變咗成日expect佢要點，完全冇諗翻起當初一齊就係要大家一齊進步

但已經比佢block 晒聯絡方式，每日都相見但冇交流

btw可以點挽回翻一段感情我知道佢仲係鐘意我，只係佢對我對到攰，覺得大家夾唔到係唔係只要我比佢睇到我好有決心要改，想同佢係翻埋一齊，佢就會回心轉意？

就算因為你改過而可以喺返埋一齊
段感情都已經變咗質
同當初唔一樣...

我真係唔明，點解會變質？
兩個人鐘意的話，段關係會有咩改變？

咁嘅年紀大家都應識定情喇喎...不過你地之前都鬧過幾次條裂縫會大啲, 機會唔係冇但難..

SAME

咁你準備下自己先, 到你自己覺得OKAY 先再搵佢. 唔好因為一時衝動信口開河話準備好 你重新同佢接觸嘅時候要慢慢證明到你真係改變左, 加油

佢有冇話係因為咩原因攰? E.G. 成日無理取鬧, 失蹤, 同異性行好埋咁
如果有就改變下確定自己改好左先搵佢 呢個係你自己做到最好嘅事

呢個我都唔明...一段關係點都會有問題, 只係大同小 兩個相愛嘅人應該視為一種了解同進步...

其實時間唔等人，可能最後我改咗，而佢已經move on 咗，何況佢之前講過，一係一齊一係move on...

所有情侶都有講過一齊進步, 但有幾多真係做得到?
因為會攰令大家新鮮感降低 步伐不一致 所以應該提點對方而唔係放棄...
而家關係已經得返自己一個嘅時間你要追返落後左嘅步伐 希望會係條平行線上再相遇, 加油

佢冇exactly講過佢攰，只係我諗佢唔想再行落去係應該佢覺得攰，因為我自己一有壓力，就會將啲情緒發係佢身上，加上佢覺得佢幾次同我傾過，我都無改過，所以對我灰心掛
所以我唔應該咁急搵翻佢？但係我驚我改翻自己既問題，佢已經move on咗，唔再care

有時都唔知可以點追，連溝通都冇埋，冇溝通可以點樣重新聯繫？就好似話你知已經再冇機會

透過common friend幫手有冇得諗？

commom friend: 精神折磨自己冇意思，當冇識過佢啦，都要move on，咁先係對大家好

全部BLOCK 哂我諗點都會有一日解返? 或者其實打到比佢 但比少少時間冷靜下先? 一下子唔可以突然由熱轉凍再轉返熱, 人都會感冒嘅...

我連一日都等唔到，好辛苦，諗緊佢會唔會同我一樣，定還是佢已經可以正常生活翻

我都唔知分手嗰位人生活會點, 因為我都係被分手...
可能佢會好忙漸漸唔記得, 可能會有唔捨得, 可能已經拋諸腦後忘記得一乾二淨...
我都唔想諗, 因為好痛苦

講分手對佢黎講或者係一種解脫，但係對於我黎講唔係，我反而被分手既事箍住左，走唔到出黎

其實行到講分手尼一步好多野都已經冇得番轉頭 系有好多遺憾,後悔 但當一方已經放手嘅時候 唯有喺下一段感情提自己唔好再俾自己後悔
系好傷都冇辦法

人係自私, 佢呢刻分手係一種解脫 因為佢覺得自己一身輕左
被分身只會一直係個LOOP 入面...
有部份人之後會一齊返, 因為大家仲中意大家 但呢一切都只能由提出分手嗰位做決定...

或者佢會後悔呢