我覺得呢種先可以稱之為愛情一段愛情係由兩個人去維持同營運先會有將來, 要對住同一個人幾十年唔容易 有時行耐左都需要休息下回下氣, 可能大家一齊放低工作幾日去個旅行或者一齊出街Shopping, 郊遊放鬆下心情. 呢個時間點關係好易出現裂縫, 因為大家可能溝通少左, 矛盾好易係呢啲時候出現, 好容易令對方覺得熱情過左唔左鐘意自己而導致鬧交, 冷戰甚至分開. 呢一個情況我覺得每段關係都會經歷, 係睇大家點行過去
天上冇天造地設嘅一對, 只有大家互相遷就同磨合出黎適合嘅一對每段關係都一定有開心唔開心, 而且一齊得越耐越容易多不愉快. 因為大家習慣左對方嘅優點而忽略左 可能只係早晚一句招呼, 沖杯咖啡比你, 平常關心下, 落兩幫你擔下遮已經係一個優點, 我諗唔會有人咁有心對普通朋友掛? 反而缺點會因為睇唔順眼所以成日會留意到, 男嘅可能會同朋友飲野好夜返(正經吧唔係去CLUB), 打機, 睇通宵波引致女方不滿; 女嘅可能成日同姐妹出去Shopping, 買化妝品洗錢, 打機, 睇劇引致男方不滿. 但係一段認真嘅關係唔可以因為呢少少事就話唔合適, 分手搵過個 咁樣一世都唔會搵到一個岩嘅情人, 只會不斷有過客係你身邊經過.
大家如果對自己嘅男/ 女朋友有咩不滿其實不妨正正經經坐低傾下會更易解決問題比佢知道你好認真係呢個話題上面, 千祈唔好靠文字或者隔住電話!! 因為一個人嘅面部表情你睇得出佢諗緊咩, 文字只係冷冰冰 傾電話你永遠唔知佢會唔會睇緊劇做緊其他野而唔投入係呢個交流之中
而且你傾計嘅時候捉住對方隻手, 望住對方對眼會令佢感覺到你份溫暖. 所以好重要!!!要知道一段關係得來唔易, 大家都付出左唔少先會一齊到. 無論係金錢, 時間, 心思都好 你付出左嘅唔會收得返. 大家每日傾計都會一種維繫(一日得幾句例行野除外), 講下大家返工返學, 生活碎事都係會令對方知多啲你每日狀態, 呢種心靈上嘅慰藉朋友係比唔到嘅. 係你身邊嘅人應該係知道得你最清楚嘅人 大家無所不談先係一段好嘅關係.
除左咁, 仲有鬧交嘅時候大家都一定態度會好差. 不過千祈唔好覺得鬧交會傷感情, 其實鬧交係感情上必經之路, 鬧完氹返對方第日咪開開心心生活囉. 而且個個人都唔同, 有時男方會大男人啲, 有時女方會強硬啲, 千祈唔好覺得放低身段去道歉好難. 將來仲有大把事你要道歉, 就算鬧得幾僵或者冷戰, 只要你有心道歉 對方會感受得到嫁!! 大膽啲!! 諗下當日你點捉住對方隻手同佢結下山盟海誓 點用盡心思令佢開心, 開心嘅事係一種鼓勵 推動力, 唔開心嘅事係一種警惕
大家睇完呢篇野快啲比個電話, send 個message, 抱下你嘅另一半. 掛住嘅人, 無論係屋企人定情人, 可以行到咁近係一種綠分黎 要珍惜呀!!
