ive hd幼教都唔收 我係咪真係咁廢？

我嗰陣時都係冇幼教offer

呢啲野全部都有做過 但想要多啲知識上既野

其實唔淨止對小朋友，小朋友只係佔一部分。
返工時不斷嘅開會，共同討論同設計活潑，都不斷同唔同嘅同事開會，向校長交代。如果身邊嘅同事係性格較差，或者不斷到處散播你嘅壞話。你都一定至少同佢協作一年，一年時間幾乎每日都對住，真係會好漫長。
另一方面，而家嘅家長已經唔再係以前啲家長，佢地送個仔入黎讀，好容易會從唔同方面挑剔你，一唔滿意就搵校長/社工介入事件，又或者攞報警要脅學校，再唔係就同校長講上網唱衰學校，逼學校就範。
再從小朋友方面，依家啲家長會當小朋友仲係一個bb，喺屋企不斷baby佢，幫小朋友做功課/幫佢換衫/每餐餵食飯，甚至未戒片、用奶樽飲奶以致喺學校唔識用杯飲水，自理方面完全靠老師幫，甚至高班畢業禮都仲著住條片，老師每次都咁照顧30個法，真係會嚴重影響上堂進度。
對住西客係好煩，但煩極都只係嗰一刻/嗰一單生意，完咗大家各不相干，但老師一開始咗，係會持續煩住你至少一整年。

有牌既科都唔會太易收
加油

努力我相信sen都可以好乖好得意

我明白您點出嚟嘅野 但其實做咩工都好我一定會同其他人一齊工作 係我眼中小朋友就係我嘅工作動力 但其實係餐廳做bartender/ barista 都不用對客 兩者之間我中意小朋友多啲 人際關係差度度都有機會發生 只係做幼教嘅話除左煩同事煩家長仲有可能煩小朋友 但我相信如果我有心嘅話 努力可以克服呢啲問題

乖起上嚟可以好乖、好可愛
但曳起上嚟可以好不受控制...
我朋友去特校實習，翻咗幾日身上面就有瘀傷...

教大？d人上年平均拎18分至入到喎⋯⋯

你諗多咗

啱啱個sem quit左U想讀幼教
5月30前網上申請左IVE 幼教HD
6月18話派唔到
7月10去統一收生報係咪都好大機會唔得
利申紅字巴 前幾年dse

呢行真係飽和 要讀真係諗清楚
出來只會愈來愈難搵工

講得好啱
如果你哋咁有心想做幼師/社工，咁咪拎少少誠意同時間去提升翻自己既學術水平，當為下d小朋友/ 受助人著想，考翻好嗰 dse 又好，ielts 又好... 拎翻張 ive 入場券或者叻d既大學入場卷囉。

而唔係喺度怨人哋唔收你，而實情係自己連入學嘅分數要求都滿足唔到...咁你要人哋點樣收你呢？

我都明白教sen會辛苦好多但佢地都唔想咁架嘛

hd炸喎

考慮清楚先好入行行

我都係18號話派唔到我等緊7月5號個取錄親生仔計劃 希望有得讀

我想知係咩原因唔收
你dse幾分

Yes 統一收生會俾咗啲有offer嘅人
然而有offer嘅都佔咗七八成

哈哈哈

點先會618收到

我都想知 我嗰陣時都冇
不如有嘅同我地講

係呀 佢哋係控制唔到自己，唔係特登想打、撞你
你要認真諗清楚你有冇咁嘅愛心、耐力、體力，日日咁去照顧佢哋
唔好因為嗰program 易入d而揀

我都好明白你嘅諗法，
老實講，如果ive 唔收嘅話，報埋ou,bu,cuhk 啦
如果講話報讀成功嘅難易度，我會咁形容：
教大=抽獎（因為爆多人爭，收生唔透明，好難知點收）
Ive=睇你有潛質成為幼稚園老師
其他會比較易收人（學費貴+要求較低少少）

我報咗2年教大，2年都冇收，自問表現唔差，成績正常，
有相關經驗，所以可能衰在成積唔高/小組討論答案唔岩佢地心水掛

所以今次報埋ive，就收咗，睇得出Ive in嘅問題係易d，比較貼實日常問題多d。

如果你係非eduhk，Ive 不可/有心入行，假如你年齡唔算好大，我建議不如你考慮做幼稚園ta 先，等你可以親身感受下做依行要面對咩問題（小朋友行為問題，照顧家長，做唔完嘅工作量，處理人際關係等等）需要好高eq同包容能力，覺得應付到先好入行。長時間做咁高壓力嘅工作量，就算好有心都好易變心。

家下依行真係飽和緊，少請人，除非你真係好想做幼稚園老師，又識多項技能（唔識嘅都需要不斷學習），唔係嘅話都好難會請你做合約老師⋯⋯

利申做緊大機構嘅Ta（年紀都好大，由另一行轉到幼教行業，去實踐另一個夢想)，9月會讀書，已經訓練到鐵人咁，但人際關係真係靠運氣

多數校長都比較鐘意eduhk,ive 畢業（通常請咗嘅人都係做到野），但其他都會考慮，偏好有degree （本身冇就要考慮讀完hd之後再補degree)

真
不過我覺得有一個好嘅視導都好緊要
個視導差嘅連問嘢都唔係好夠膽