係答呢個問題之前,首先要搞清楚一樣野先,就係呢條例本身係focus緊乜野?
而我個人認為
"中央"同"林鄭"係呢條例上既focus出現左分歧 而導致事件既發生。
首先係
中央
係我眼中,中央立呢條例其實主要係針對走資既財閥,並唔係諗住捉外國人或香港政治犯,損害一國兩際。
理由其實就係正如reddit個位手足所講,大陸依然係想透過香港作為人民幣出口中心。如果香港廢左,大陸沒左資金進出中心,好易過度通漲或出現通縮,行深滬港通都真係想要香港做金融中介。
而且中美以家打緊trade war﹐係關稅既影響同部份核心半導體被禁既情況下,香港既關係法就變得更加重要。中國有乜野唔買得既就經香港買再偷運返大陸,所以美國話修改或取消關係法時,大陸都緊張。 呢個亦係中央同林鄭割蓆,話呢個係"非中央主意"既原因 (係呢到"非中央主意"我會解說為「因逃犯條例損害香港地位非中央主意,中央主意係想透過逃犯條例去軟禁班財閥」)。
之後講
林鄭
中央既睇法係咪真係完全傳到比林鄭?
可能林鄭同中央溝通時出現問題。或者林鄭係國際層面既視野不足,認為中央係想加强政治上既管治,去捉平民,所以係推呢條例時好急。
不過要快其實都理解,因為你推得慢會比富豪有時間走佬。大劉當時馬上提司法覆核就係想拖住你,比時間自己走,而佢既行動亦都係顯示佢走緊。當中包括辭任多間公司既董事,同埋賣内地資產。當然最後應該傾掂數所以撤司法覆核。
可惜既係你推得喇快咁硬,而且對市民既保護網不足,所有人都覺得你咁硬係想拉政治犯。
呢一個分歧點就係建制成日所講既解釋不足,我認為建制其實明中央想要乜。但林鄭唔明,所以推呢條例時出現咁多問題 建制自己都係咁鬧林鄭。
其實中央針對既係走資既財閥,詳細點樣針對同點解針對之後有機會再講。
大概就係前期大陸經濟發展時 香港富豪用左好多潛規則係上面發展(所以誠哥走佬) 如果逃犯條例一過,前期settle好既投名狀就會生效,佢地就唔敢走資。一走就拎你之前既黑材料,鎖你返去。只於點解要防走資,主因係同美國收水有關。
成單野就係基於呢條例出現一體兩面,
推呢條捉"財閥條例"係中央主意,
但林鄭推緊出黎既係捉"政治犯條例"。
解說同對市民保護不足會令人會錯意。