首先係講政府會點玩黑暗手段之前,容我講一講點解政府以家態度會改變咁大,態度由硬轉軟。(如果淨睇預防手段可以直接拉到尾)
係6月12 前,政府一直以莫視民意既高姿態去應付遊行市民,擺明同你硬推硬上 成件事都係沒考慮,亦沒預期過呢件事會演變成世界事件。林鄭政府,甚至係中聯辦完全低估左世界(尤其係台灣) 對呢件事有幾大反應。
係經濟不景氣情況下,錢係最容易收買人心,呢個就係中共想收回台灣既切入點,所以利用韓國瑜去打經濟牌,一切往錢看。呢種手段大得民心,而經濟效益係可以即刻見到,所以蔡英文以民主保護市民既利益成果,係短時間係無法展示。簡單d講,一個就先甜後苦,苦更苦。另一個就先甜後甜,甜更甜。無奈呢一刻台灣人係見唔到韓國瑜既苦 ﹐蔡英文既甜 。
但6月12日呢日係轉淚點。香港政府,警察,甚至係中央,呢一刻全部都做晒蔡英文既助選團。
將本來先苦後甜既甜,即刻甜比你睇,
話比全世界知8964 30年後,大陸係人權同承諾呢兩個重點原則,原來咁多年都無進步過。結果台灣人等同每人打左一枝腎上腺素。一句今日香港,明日台灣已經贏盡掌聲。
https://youtu.be/Sz4YWrsc2Yw
而另一方面,韓國瑜係呢個時候竟然爆政治災難,話唔知香港有遊行示威。你答暫時唔評論,都好過你用3歲細路都呃唔到既演技去講呢個大話。結果民望形象馬上插水。
https://youtu.be/ZWMAff9eZPw
而美國係13 號發表人權法同考慮取消關係法,嚇到一班係美國有資產既高官同建制賴屎,即時同林鄭割蓆。而且明年亦係立法會大選,高投票率對泛民係有極大優勢。呢下喚起咁多政治冷感同本來非同路人既商家支持,建制隨時凍過水。
呢一切既反效果係基於政府,中央,警察合力打造一個完全唔理民意同暴力既形象所造成既反效果。亦因為13號多國既聲名嚇到班共豬醒晒,你會開始見到對家打法會唔同晒。
而打法主要係由高姿態,高武力應對。
轉變為間地裡抹黑,分化,割蓆。
送中最令人反感主要係以下呢兩種,
而割蓆呢到會分兩大方向割。
一種係完全漠視民意去推惡法﹐而另一種就係使用過份武力。
新打法就係要逆轉呢兩件事
首先係所有撐修例既相關單位,全部同林鄭割蓆。形成一種乜野都係林鄭一個女魔頭既決定,由張建宗帶頭既政府高官,建制派,行會,而最需要割既就係中央,顯示比台灣睇(拿~我沒搞你一國兩制架,係林鄭跳制想邀功,唔關我事,最多之後要佢腳痛。可怕既係竟然有唔小人真係會認為中央無份,一切都係林鄭一個話事。)
而615 佢唔話撤回係暫緩。 我覺得有可能係佢想整幾個木頭人比自己打去逆轉中央唔理民意呢個事實。所以林鄭之後都真係有機會下台。而以家林鄭既角色定為係一隻棄子,係被遺棄前要食晒所有屎。
之後就係警隊,警隊係呢件事上面簡直就係反方向助攻。打記者打市民,粗口侮辱人地爭取自由既權利。令所有人都覺得佢地係中央既兵,而唔係服務市民既大眾。 所以警隊會開始同有份打人既黑警既割蓆, 即時多左好多慈母,成班都話大部份係支持反送中,分分鐘會捉幾個有使用高武力既警犬祭旗。不過為免影響士氣我諗最多都係内部處分。
台灣人見到應該心都寒埋,尤其係有義士前日自殺,中央已經係極驚。你見cctvb咁大單野,香港第一個政治死者,報都唔敢報,就可以想像到呢單野對佢地壓力有幾大。
所以之後對家未必會叫警犬使用更高武力
d速龍會收晒,推班前線去死,政府需要大量警察被打既相同片去證明香港出黎示威班人真係暴徒,警隊使用武力係出師有名。
可能會有d"黑底扮反送中" 會突然去燒車呀,扔磚,襲警(其實網上已經有人鼓吹緊) 或者去派錢比d遊行既人扮外國勢力等,總之要抹黑班後生。
或者係不斷上網分化其他人,例如又話泛民呃票,抽返d勇武同泛民以前不和既事出黎挑起鬥爭。
而對於以上既抹黑,分化,割蓆等手段
我有小小建議:
首先係抹黑:
呢一刻大家都知呢個事實(低武力比高武力係更有優勢,係爭取道德高地上)若然你見到有d隊友,做埋d有些小智慧都唔應該做既事,應該去主動制止,免得比老鼠屎搞歪成鍋粥。呢個操作要一定要政治智慧去區分人同鬼,悄有不慎會比對家利用黎做分化反送派既缺口。
之後係處理分化:
見到呢到既人都做得好好。即使有d泛民比較小露面都唔會去批鬥佢,見到有人想分化都即刻整熄佢,唯獨係使用高武力既人,我覺得佢就算唔係鬼都有制止既必要,但制止唔係要你篤灰,可以勸喻,或者制止左佢唔將佢送比黑警。但如果好難停佢,突然爆魔性呢d唔好理,無辦法下要當佢係鬼。
最後就係割蓆:
對於行會,建制,中央甚至係警隊既割蓆 全部都唔好信,唔好諗住佢地係小數人係壞人。對於呢班人,係一律全部都要反,下年建制全部都要踢走。
最後希望各位可以好好守住香港價值最後一條防線。