成日打個女，好想報警拉鳩左我男朋友細佬

咁個小朋友個老豆願唔願認睇醫生同想改善先?

唔願意既, 搵下家庭中心既社工啦

社署有絕對既權力介入

一係搵佢呀媽出黎, 如果佢呀媽肯講成件事出黎, 個情況會好唔同

小朋友個老豆仲會聽我男朋友講野 所以我地先決定由我男朋友勸佢去睇醫生

社署果度 都已經問左做社工既朋友 佢話良心說話 對比起其他case 嚴重性其實唔高。就算報上去，其實冇咩用，有時施虐者或者屋企人知道點應對社工既話，其實冇咩用。

所以我地會同弟婦傾左先，始終我地唔係同小朋友住，要個弟婦識得諗先有用

通知左學校先
無用既話先再去下一步
而唔係一開始就ban晒所有可能性唔行動

新聞都話由學校/親人開口會好d

我由始至終都冇ban 我只係話唔會一開始就報警打草驚蛇

係

#17 已經話會聯絡學校

打成點先？ 用手掌打下屎忽 ？ btw 發生依種事 唔應該諗咩啊婆 啊伯 乜乜柒柒 你要記住你依下有機會阻止一場小事變家暴再變悲劇 再咁落去 個細路女有咩事 你一世都唔安樂

我情感上係好想報警 但係理智咁諗下 發現現階段報警唔係最好有幾嘔心 我夠知最大快人心係唔理三七廿一告唔告得入都報警 再放條友上連登起底 但係對件事唔係最好呀嘛

仲有已經講左n次會星期六日接佢黎我地度 去乜9我娘家 關我老母咩事

個細路既開支係我男朋友出 英文都係我教同學野都係我揀 冇人唔care個小朋友 就係care先唔想有時意氣做錯決定

係連登講咩都係曬氣 最好就咩都狗衝 唔洗用腦諗

帶個細路走，我地唔係佢父母，點帶
真係痴撚線

虐兒搵社工有咩用你覺得班垃圾可以幫到你D咩
報警你預左番唔到轉頭 我就覺得班警犬一定做唔到D咩
又無證據 又麻煩 到時佢唔受理搞到D關係僵哂就玩完...
另外將心比己你牛高馬大有人叫你去睇精神科你都唔滯啦...

你講到個細佬咁人渣 咁仲邊有得救?
我係你就索性報警搞大佢算數啦...

順便仲可以斷絕埋D關係無眼屎乾淨盲
當然我係網上講咩都得...因為始終唔係我屋企人 你自己衝量下啦
皇帝唔急太監急 你可以幫佢湊女湊到幾時
到佢同住既屋企人頂唔順 搞離婚定點
成件事自自然然就解決到架喇...

有用腦唸就唔會俾個小朋友再多一秒係d咁既環境啦

你就痴撚線呢d情況其實你強行帶走報埋警
到時有人問話,個小朋友堅持唔肯返屋企已經開得file啦
最緊要俾信心個小朋友
唔洗驚,我地會幫你
唔洗怕講左真話有後果
查一查連打老婆都浮埋面
唔夠做搵埋記者
其實最有效就係你條仔打柒佢
問佢點呀?知痛未呀?咁佢就知痛嫁啦
講到尾都係唔夠決心,唔通你格硬帶走佢你會坐監咩
真係搞唔掂最多咪俾佢返屋企,唔會燒到上身嫁
同呀sir講個小朋友黎左我屋企唔肯走
因為返去會俾人虐待,咁咪得囉

你寧願怕面對你男朋友屋企人定唔理一個被虐待嘅4歲小妹妹

睇下你男友會唔會可以除咗星期六日外，都可以照顧個細路。然後帶佢細佬睇醫生。雖然你地唔係佢老豆老母，但唔代表你地唔可以成為佢地父母角色的替代。
4歲的細路以父母為自己的榜樣。如果你真係好想幫個細路，不論佢同唔同你有親，你地都可以代替佢父母做榜樣，更何況你男友係佢大伯。

但以上都要你男友說服一下佢細佬，令你地可以多接觸個細路。

另外，你自己試下可唔可以同個細路建立一下關係。如果成功，個細路至少知道自己有多一個人支持/幫到佢。而且，如果到時真係要收集証據報警都方便。

講到叫我條仔打柒佢就知你真係九唔搭八

樓主，你錄定啲video，錄音，我地幫你報警
再唔係你可以搵你既朋友幫手