成日打個女，好想報警拉鳩左我男朋友細佬

弟婦幫住都唔係大晒嘅
你都見過發生咩事
你同你男朋友都可以做證人
屋企鄰居都聽到聲
咩生活支柱再諗喇 香港地又有綜援又盛
餓唔死人嘅 弟婦都可以出去打工
而家係驚再咁落去對個小朋友有咩影響
先唔講會唔會俾人打死 童年陰影都一世㗎
何況個小朋友都搵埋你地求救 都唔拖得喇

咁幾時先會帶佢去睇醫生？如果發現佢真係因為情緒病又有暴力傾向又會唔會隔離下佢先？
治療情緒病可能要好多時間，唔係話一睇完醫生叫佢唔好有暴力行為就停到。

夠啦,追撚完post個結論咪就係你兩條廢柴乜柒都做唔到囉
上黎開post人地俾意見你又唔尼仲串返人

*又唔聽

有冇人話唔會報警呀到底
捉佢去睇醫生叫乜柒都做唔到？

咁其實樓主都有晒主意，仲有咩要討論？

我同我男朋友死口話有見過佢打 冇其他證據一定入唔到佢
報完警 又拉唔到 同個細路同一屋簷下 仲危險

幾多新聞係報左n次警都冇用
就係怕佢細佬唔比我地再見個細路 到時咩事都冇人知
捉佢去睇醫生 如果佢再黎料
有medical report 有曬前科先有用

點解你覺得捉佢去睇醫生會做到嘢？

話明叫捉，即係佢非自願，咁佢唔情願去睇醫生，即係覺得自己冇問題喇，咁你覺得佢會聽醫生講嘢咩？

呢啲情況應該要將佢隔離，唔理係醫生捉佢入精神病院定警察拉佢，總之唔可以俾佢再接觸到個小朋友，小朋友唔應該係呢個家庭環境長大。而最有效達到隔離嘅效果就係報警啦

樓主擔心其他屋企人，但其實佢哋係成年人，識得照顧自己，反而小朋友先應該係top priority！

所以麻煩嗱嗱臨蒐集好證據就快啲報警，唔好拖到小朋友被打到入醫院或者自己跳樓，到時後悔都冇用

個問題係 以而家有既證據
報警係冇可能有隔離既效果
反而我地之後唔會再接觸到個小朋友

捉佢係睇醫生先係第一步

有冇睇下防止虐待兒童會,佢寫住有危機介入
http://www.aca.org.hk/index.php#.XPQYVhYzaUk
叫左你偷拍又唔做,買d偷拍工具唔係好貴姐
仲有咪撚信你條仔
男人除左好似我呢d人之外冇乜人做到大義滅親
冇人會想自己兄弟坐監除非受害果個係佢自己
兄弟呃你幾百萬就破產都告到佢坐監
再唔係最後一步收集哂個痴線佬既資料
終極手段上網爆哂佢出黎
個小朋友身邊咁多大人冇一個打算幫手
你係佢唯一既希望
早排先有個絲打開post話自己老母唔係親生
長年經常虐待搞到佢精神都有問題
成班親戚係度照打冇人幫冇人理

可唔可以係屋企裝針孔
或者錄音嗰類

或者小朋友一俾人打 一有痕 就即刻影低佢
總之用盡所有方法 將佢繩之於法

見唔到咪見唔到羅，有咩問題？
反正佢父母都未ready做人父母

你覺得個細路俾你地屋企湊，長遠計會好幸福咁成長？

一個老豆狂燥成日打佢
一個老母完全無能力保護佢/帶佢走，搞到佢要搵親戚幫手
一個老人家自身都難保，冷眼旁觀
然後個親戚（即係樓主你）又話唔報警唔想搵社工，幫佢唔到

其實佢真係被社署接走去寄養家庭可能幸福過留係度
正如大陸d孤兒俾鬼佬領養之後都二次投胎
而家你連胎都唔俾佢投丫

幾時有話唔肯偷拍 岩岩先發生呢件事
我又唔係現場 去邊偷拍
可唔可以實際少少

希望樓主可以趁個細路未有任何影響一世既情緒病之前救佢出苦海

不過唔知針孔係唔係有效嘅呈堂證供

各位巴打一齊brainstorm下d方法 幫下樓主同小朋友

我係話以後我都唔會見到個細路，幫佢唔到

我誤會了
以為你講緊怕佢地見唔到個細路

童年陰影 性格扭曲 影響一生
- 分享自 LIHKG 討論區
https://lih.kg/1183184

我由始至終 都係想幫個細路
唔報警住 係而家根本唔夠證據 到時入佢唔到 但係又打草驚蛇
佢又唔比個細路再搵我地 我地永遠都幫唔到個小朋友

我同男朋友都好錫個小朋友
個小朋友既開支都係我男朋友比
如果佢打到個細路有傷痕 就報左警啦
就係而家冇
先諗住帶佢去睇醫生
有改善 就最好
冇都叫做有份medical report prove到佢有問題

出post係想大家brainstorm下我點gather evidence 或者介紹好既醫生 或者有冇啲更加全面既方法

我一路都唔係唔想報警 只係唔想報完警 又入唔到 到時個小朋友仲慘

係連登開post真係好攰

其實而家一校一社工
我認為如果樓主自己唔方便立刻出手
應該要私下接觸佢既學校

等佢班主任+社工了解情況先+問下佢地意見
但壞處係，如果咁岩果個係教畜同hea底社工，就怕佢地會hea你

表面傷痕唔係唯一指標
好多野都無表面傷痕，非禮都未必有傷痕

以前讀書返intern成日同黑警接觸 好清楚而家既情況黑警一定做唔到野先唔報警住
法律概念係會替好多環境證據 個係實際情況好多時都係下面咁

//市民凌小姐在集會分享她舉報虐兒的經歷，指2016年於村屋居住時，曾聽到樓上有以粗口大罵小孩及拍打身體的聲音，形容屋中兩名就讀幼稚園的男童哭得十分淒厲，並不尋常。

凌小姐曾嘗試報警，惟警方到場後表示「無親眼見到我哋做唔到嘢」。故凌小姐向社署舉報，但兩位職員到場拍門後，屋內突變得鴉雀無聲，亦拒絕開門。社署曾向凌小姐表示，如由學校或親人舉報，會較易處理。凌遂通知兩位男童就讀的幼稚園，校內主任卻指如未能肯定事件真實性，學校難以轉介。//
https://m.mingpao.com/ins/港聞/article/20180113/s00001/1515847330449/【女童疑受虐亡】政總外悼臨臨-曾舉報虐兒市民指警稱「無見到做唔到嘢」

香港真係好撚落後西方國家有人報案已經即克捉哂去查一輪先

其實社工真係廢嫁