成日打個女，好想報警拉鳩左我男朋友細佬

樓主=典型香港人
開POST食花生扮哂關心,搵解決方法
但當有實際方法提供到但要自己去行動時,要返工不了

想認真畀少少建議樓主，同埋想呼籲大家唔好屌樓主住，相信樓主有佢嘅難處，巴絲打都係心急想處理件事，所以不如大家矛頭指返去幫個小朋友先，大家最終目標都係想個小朋友唔好再受到傷害，請大家槍頭指返對外。

利申:做過相關行業成日處理呢啲case，發覺好多人唔識處理，希望喺到打少少嘢可以幫到大家同樓主

首先：我覺得最重要嘅係大家要釐清返呢件事，係一件不折不扣嘅家庭暴力事件，睇到樓主描述個情況已經足以構成家庭暴力嘅定義。雖然依家個標題係想幫個細路女，但其實我覺得件事嘅重點放喺佢細佬打佢老婆嗰part，因為打佢個女佢仲可以駁係體罰，係教緊個女，但打佢老婆絕對只係佢一種情緒發洩，完全係不必要，唔使再討論，一定係家暴。好多人好怕去定義究竟呢件事係咪暴力，其實好簡單：

打一下都係打
掂一下都係非禮（敏感部位）
偷一蚊都係偷

重點唔係數量，而係佢行為嘅性質，所以唔使再幫佢合理化，淡化佢嘅行為，佢依家嘅行為係一件不折不扣嘅家庭暴力。呢個觀念必須要搞清楚先。

第二：我想提出一個處理呢種事件一個極重要嘅觀念，就係你永永遠遠唔會改變到施害者嘅行為。因為佢打得人，就已經代表佢已經控制唔到佢自己，如果佢控制到自己同管理到自己嘅情緒，就唔會打人。唔好以為你同佢傾/勸/討論/威迫利誘會改變到佢。我想喺到同大家好肯定咁講，你係一定不可能改變到佢。因為佢都有精神問題，佢自己係控制唔到自己的，所以一定一定唔好自己解決，一定要搵專業人士幫手。亦唔好相信任何有暴力傾向嘅人可以喺短期之內可以改好，可以好肯定咁講，係一定無可能，唔好妄想可以改變到佢。

第三：所有牽涉有暴力成份嘅事件，只要出第一下手，打咗第一下就計係家暴。第一件事要做嘅一定係，隔離施害者同受害者先。你唔使理佢咩將來有無人照顧，有無咩經濟來源，仲有無咩完整家庭，所有嘢都已經唔重要，最重要係唔好再畀受害人身處喺嗰個環境多一秒。因為暴力從來都只會一路升級而唔會減少，無人知下一秒會發生咩事，臨臨呢件事就係不斷拖，所以發展到最惡劣嘅結局。所以遇到呢啲情況，請用盡你的一切辦法幫個小朋友/佢老婆隔離咗先，其餘嘅事之後再諗。呢個世界唔應該有人要擔心下一秒會唔會畀人打/任何形式嘅暴力。

第四：其實你唔一定需要有證據，報唔報警就我個人立場嚟講喺現階段唔係重點，我覺得最重要係個小朋友唔使再受到傷害先。香港制度係好多不足，但問心保護兒童呢方面算係做得唔錯的，只要個小朋友/佢老婆有畀佢打過就已經足夠，早幾年天水圍咁多單家庭悲劇已經提升咗相關部門處理對呢種事嘅意識同權力，唔使證據的，已經可以搵到好多機構可以幫佢，建議樓主可以帶佢哋去庇護中心暫住先，所有嘢之後再算。

第五：我想講，帶佢細佬睇醫生係好，但唔好諗住佢食完藥會即刻好，基本上佢一出手打人嗰刻，佢嘅誠信已經完全破產，學許志安講，佢係一個壞咗嘅人，所以千其千其喺短時間內唔好相信佢任何嘅承諾，佢一定做唔到的，所以我想返去個重點：短時間內唔好畀佢見個女，有其他人在場都唔好，等大家都feel到佢有明顯嘅改善先再考慮。

總結：

1. 認清呢件事係一件不折不扣嘅家庭暴力嘅事實
2. 認清你永永遠遠唔會改變到施害者嘅行為嘅事實
3. 第一件事要做嘅一定係，隔離施害者同受害者先
4. 唔使證據，只要佢有畀人打過就夠
5. 短期內唔好相信施害者所講嘅任何承諾

樓主第一步可以帶佢去屋企附近最近嘅綜合家庭服務中心，入到佢話想見當值社工，同佢講話想搵庇護中心隔離，唔使驚個社工會唔理，你報咗畀佢佢一定要理，同埋如果將來出咗咩事佢自己都要揹獲。
網址：
https://www.swd.gov.hk/tc/index/site_pubsvc/page_family/sub_listofserv/id_ifs/

地址：（一定要揀佢屋企最近嗰間）
https://www.swd.gov.hk/storage/asset/section/228/tc/IFSC_ISC_address_list_chi_Mar2019.pdf

我唔想再見到第二個臨臨出現，希望樓主真係要果斷啲行動，唔使驚佢，只要佢打過人，成件事就已經唔使再傾，唔好諗住佢哋成年人會解決得到，佢哋唔係成年人！（精神年齡），一定要成熟過佢哋，隔離佢地係當下最最最最重要嘅事。

搵大人幫手
點知個大人話同佢講左
下次再打你先拉佢

上面太長唔QUOTE
隔離佢地係當下最最最最重要嘅事。

點得呀 咁會影響婆媳關係
佢好想第時入門同D咁既奶奶做屋企人架

而家都話搵左社工同佢講
下一次再打先報警喇
細路女捱埋下一次先隔離喇
打多一兩次唔會死既

可能一個咁廢既男人會突然間轉死性唔會搵兩母女出氣呢

原來打小朋友就係教佢,打老婆就係家暴
華人社會兒童地位賤過畜牲

我地連登仔全部都喺局外人,
希望樓主先放低自己成見, 可以耐心睇下我嘅回覆
幫唔幫到個細路囡, 只喺你一念之差

呢個社會喺有黑警, 社畜, 但係唔好忘記係呢個社會體制下,
佢地依然喺專業人仕 (即使99%連登仔唔認同)
上到庭法官都喺依賴呢班人嘅證供/報告去做判決

另外, 唔好以為識得一、兩個社工就以為代表到成個社福界
因為你識得果個可能就喺社畜
我可以好負責任咁講, 社署入面負責處理家暴嘅社工權力可以好大
只要佢覺得個小朋友有生理/心理傷害, 佢已經可以入紙強制接收個小朋友
法庭基本上一定會接納社署要求, 因為呢方面社署先喺專業

唔好睇完連登或者報紙就以為社署全部人都喺廢, 都喺社畜
你睇到嘅, 永遠都唔會喺事實全部
無可否認, 社署未必可以跟得晒所有case,
但係其實而家社署每一日都有接收令/禁制令出緊, 只係你唔知

而家唔係睇電視劇, 唔係咩都要計劃好晒, 有晒證據
連條屍都有埋, 一舖煮死個仆街老豆先叫做贏
即使呢單case未嚴重到立即出到接收令/禁制令
但係而家, 最重要係搵社工接觸個小朋友,
評估下個細路囡心理去到咩程度創傷
再去搵合適嘅輔導, 而個先係真真正正幫緊個細路囡

最重要, 唔好以為連登就係代表緊香港,
呢個社會不繼行運作緊就係因為有不同範疇嘅專業人仕支撐緊
就算你認為自己最醒都好, 都唔代表只有你果套行得通
學識認同其他人嘅「專業」

最後, 希望你盡快搵社工, 唔係祝你仆街死

利申: 非社福界

還掂你同你男朋友都生唔到 不如拉左佢細佬 領養左個女返黎

樓主男朋友有行動未？
未行動得個想字咪又係零進度
都係廢柴男朋友

捱。。。。下一次。。。。會轉死性。。。

幫佢細佬含撚

報左先啦

咁其實樓豬你不如組織下你理過啲乜

巴打講得無錯
帶個小朋友去社署先啦

如果你男友覺得佢細佬冇問題， 分分鐘佢將來都會一樣咁打你地

報警啦

如果我有個咁嘅廢柴細佬我會代屋企人教佢

沉默如同幫凶

嘩 好精彩
你講完有冇笑

其實係 細路女慘
個個代入曬細路女 唔會諗下其他人
有抑鬱長者 如果冇左個仔 臨老個仔先入去坐 會點諗 唔通開開心心?
更加唔講社署夠唔夠資源照顧佢地一家四口

其他問題巴打提左 人人都淨係識報警呀格離呀 真係詳細分析既人少之又少
唔係身處其中 就好似上帝視角咁屌人
樓主都講左會搵社工 會錄音 又係弟嫂入手
急得黎咩呢D野
要打就打左好耐 都唔係第一日
萬一處理唔好 報警冇用 (冇明顯傷痕) 弟嫂唔敢話細佬打佢
引到條友情緒發作 仲大件事 萬一發火咪又係臨臨單野
到時邊個負責 講野之前好心都唔同角度分析左先啦
邊個見到細路女比人虐打唔心痛
一句唔埋屌柒樓主 犀利
咁簡單可以處理到 唔洗專責社工啦

啱呀
唔好激嬲共產黨

共產黨就冇激嬲，不過就激左隻低質會員出黎

重唔報？死咗先報？

唔好意思見到高質懦夫好難忍口

唔緊要，粗心武斷既人係多既，唔介意