都幾長 唔想睇就可以走
話說阿哥個女朋友有左 屋企好快多一對龍鳳胎 依加搞結婚啲野 無論係公屋仔定私樓咁樣多兩個細路都一定迫到hihi 仲要加多個女人 (小弟係公屋仔) 正當我同我阿哥仲有家姐一齊煩惱緊間屋點先放到兩張BB床嘅問題.
我阿哥竟然話:最好就你搬出去住
唉 佢講呢句個時個死人樣 我真係記一世 都唔知有無當我係佢屋企人
識左咁多年 我就知不嬲都佢係自私啲 同 斤斤計較 但點都估唔到大家一齊幫佢解決佢嘅問題嘅時候 佢會埋啲咁無人性嘅說話. 屌佢個制 我差小小叫佢同佢條女死左去咪解決晒啲問題
為左佢未婚妻 同 兩個BB 大家一齊翻新間屋 拆晒啲舊傢私, 買傢私 ,油牆 ,貼牆紙 佢條仆街同條女住 佢就成日話自己番工好辛苦 照顧老婆 上育嬰課程.
真係心諗:屌 你自己做左咩 咪有咩後果囉
又話我番學,學樂器 有幾辛苦啫.仲同人講我本結他書係佢出錢買 屌 本書咪又係一百蚊 一野就扼殺晒我自己番part-time賺錢 自問洗唔多錢 阿媽唯一只係出飯錢($50) 其他樂器學費 買衫都係自己錢 呢啲野只係都留係日用品同必須品嘅層次 啲野夠用我都唔敢買多
仲有個老豆都係 年紀都大退左休
以前唔知佢做咩鳩 爭落卡數 又係阿媽幫佢 之後又比啲女人講幾句 就買左幾千銀保健產品 已經搵唔到錢 仲要咁叻洗錢 仲要自己係到發火反枱 屌佢真係廢人黎
成間屋啲男人個個都不負責任 無咩腦 搞出問題成家一齊拆 屌 我都係男人黎喎 睇黎我都好快變到咁
阿嫂預產期8月尾 我9月就開學 我都唔知係唔係真係要搬出去住先可以好好地咁生活 老實講見到我阿哥同老豆 就已經好撚想死
阿媽個户口幾年前有10萬左右 最近幫佢禁錢 見到得番3萬9 我個刻真係好想喊 覺得自己老母同家姐真係好辛苦 得佢地先會企出黎面對問題
sorry for 1999 如果我有咩唔啱 歡迎屌醒我