好容易就會開心，都好容易忘記啲唔開心野。
但自己識左呢個男朋友，
唔知係咪太驚冇左佢，
又因為而家已經肥到到左人生顛峰，
個人變到好自卑同敏感。
男朋友啲兄弟既女朋友個個又瘦又靚，
自己又柒又肥，於是又好自卑。
然後男朋友識我之前曾經係二百磅肥仔，
之後努力減肥，到我地一齊左，
佢持續操肌身型越黎越好，
對比起我就越黎越肥，於是我又自卑。
因為成日自卑，
所以又唔開心男朋友又要氹我。
前排有日自己勁癲。
咁而家都減緊肥，瘦返5磅左右，
但同男朋友食食下吉邊，
佢問我係咪淨係食一塊牛肉，
which其實係我自己去緊吉野家個時講既
跟住我話我唔知⋯
（心入面都幾想食，因為成個星期都食好清）
然後男朋友ha一聲笑左一下，
個下我真係覺得勁sad，直頭有俾人嘲笑既感覺，
但其實我既理性又知道佢其實唔係咁既意思，
跟住我又覺得自己唔開心係唔應該，
然後又因為自己咁都唔開心而覺得好sad，
無限輪迴，一路食粉絲一路眼濕濕
跟住我望左下男朋友，
佢係真係勁不解o左咀，
然後個下又好大打擊，好厭惡自己
其實佢已經好好，從來冇嫌過我任何野
唯一就係話我成日自己唔開心
覺得再落去條仔就會飛左我
到底點先可以有自信啲⋯⋯
女人話減肥根本就等於呼吸咁普通嘅事。
