跟日本大師由磨刀,磨斬,磨錐,磨邊線器學起。
然後做最基本嘅裁皮,上膠,上線蠟,縫線,修邊,先可以自選想學嘅皮件。
皮件會先畫圖,再畫紙樣,最後一齊完成個作品。想做嘅皮件技術要求越高,學到嘅嘢越多,當然需時越長同學費越貴。平衡之下就諗左呢個包含幾種技術嘅手袋仔黎做:無皮芯滾邊方法,手抽塑型,上口金,圓角摺邊等等
成個過程完全體會到日本人對工具同手工嘅執著。
究竟學手縫皮係為左得到件成品定想深入認識成個過程,毎個人嘅要求都唔同。但香港就好似以開好晒皮料嘅皮革班為主,較為缺乏看重基本功嘅workshop,可能同以速食文化為主嘅香港地有關