致正為公司賣命的你

好彩我第一份工(而家都仲係)就知道公司點樣起我身上搵著數
我簽左某d training contract，公司可以claim一d機構錢黎出糧比我
本身我人工已經underpay緊，一直都係靠ot追番有市價
之後而家掉左我起office之外既地方做野，又有另一筆consultation fee落袋
但係冇比番個差價我
姐係公司而家係零成本咁請我番黎同佢做野同幫佢做project。

到左我學有所成攞到個牌之後我一撚定即刻離開呢個鬼地方。
咁樣呃d fresh grad真係好on9，仲要每年都一車車呢d fg入呢行咁比人搵笨。
所以我好認同所有野都要對自己好d，而家d野過到人就得，唔洗過到自己。

其實現實D講 細公司既人情味一定比大公司係濃D因為少人
同事見親都係個D
可以增強溝通同埋歸屬感
加上彈性會多D 而且少D行政野 自由度較大公司高
呢個都係細公司既賣點
所以人工係少D但係靠其他野搭救

問題係細公司如果想要KEEP到人 再發展落去
就一定係人工加幅同出面唔可以差太遠
打人情牌之餘 錢都唔可以少 數還數路還路
重要俾到個希望員工睇係有我發展(當然唔係假希望)
咁員工先會肯留低幫你

留得到做到野既員工 即避左員工走之後對公司既損失
呢D數做老細一定要識計 如果唔係留咩春人
識代入員工角度諗野既老細就會計埋呢筆數
從而去降低員工走既風險 以避免因此而帶黎既損失

有個前輩同我講過
公司或者上司睇好你
好多時唔係你好有才能
而係暫時未搵到個比你更多既

做咗16個鐘 啱啱返到屋企就見到呢個post

年年加10%好很多喎 巴

公司細一樣是非多,好撚仆街,講到尾都係睇際遇睇你遇到咩人

比人炒過幾次已經明白呢個道理
返工唔再比感情,反而touch wood好地地
問返自己起呢份工對將來得到啲咩,有咩幫助最重要
工作上啲人對你點好點差都冇乜感覺,所有野睇輕啲自己都會舒服好多

其實我成個post都講過一句舊公司壞話話佢虧待毛，你上面講既野我全部認同，舊公司確實對我不薄同埋俾好多機會我。所以我先會感情用事留足六年先會走。

但當走一刻，你以前覺得自己對公司好重要原來只係自己一相情願。學其他巴打咁講，頓時醒覺自己都只係一粒replacable既螺絲。

不過，舊老闆都祝我一帆風順，學你咁講，佢唔阻我發展，我都係好感激既。

巴打，你係咪老闆黎
學你咁講，細公司要發展一定要留人。所以變相咁講，佢無留我，可能自己都覺得喱一刻公司暫時發展夠。我走仲可以慳返公司支出

所以話「睇好你」，其實都係打溫情牌，自問初入行聽到人咁講係開心既，可以呃到FG既。

你唔好咁鍾意返工啦

所以FG係要學識睇輕自己，再謙虛啲。同時間咁先學到野。

巴打分析好中肯，我成份工最唔捨得就係同上司，同事既合作關係。

呢d經歷真係會好深

我當年fg做野 跟左個好上司 因為我係佢唯一下屬 好關照我
到後來公司地震同鬥爭 佢比人炒左 仲要一班大比人清算 全炒
我硬食自己部門哂野 加左人工同title
我而家都係為左浸夠個title 就等走


請左下屬比我，我連過野比下屬 同教佢地野都唔願
妹多幾個月就走了 成日提自己唔可以有感情

好同意，
細公司 人人負責野多 （我果間唔夠30人）
有d野 真係得一兩個人識做
自自然然我都唔願教人

你話我自私都係咁話 雖然我上司成日叫我過野比人
但我一直一直都唔過

即係走的核心原因係人工比市價低？定係workload 太重？

做細公司，上面巴打都有講，打溫情牌，都要錢撘夠，就算計返上年，我人工都比同期同業低兩成。我都已經年年1x%咁加。

去到今年，俾佢加多我10%，巿價個差距已經係10k。真係忍受唔到。

Workload我覺得合理既。

我都fg左一年
同事好環境hea
但腦細度縮而且我個位係for fg
我走左佢都係用返個價請返個fg
所以過多三個月都走人

本身你公司文化係咁，你會咁做都好正常。間公司好都盡責幫手帶下手交接。間公司唔好，做哂自己野準時收工最實際。

好多fg位都有同樣糟遇
你個環境咁清晰都好，人工唔加，無晉升前景，要走都啱。