致正為公司賣命的你

大家好，今日有感而威，講自己少少背景先。我係八十後，畢業入了一間公司六年，之後無轉過工。事實上唔轉工係因為自己惰性同埋感情用事。

惰性唔係自己個人懶，而係自己怕轉變，怕適應新環境。加上本身份工時間彈性，又無王管。一個人係喱種自由既環境耐咗，同埋自己在公司有一定地位，真係會唔捨得走。

感情用事，講既係一間公司既文化，我做既係細公司，人少，同事，上司自然熟。年年可以入房同老細傾人工，亦年年都會加，加幅高過巿面。講既係一成以上，有時仲會半年加一次。但喱個加幅絕對唔夠轉工加得快。亦都因為喱個原因，令我留在一間公司六年。

大家可能覺得一份咁既工去邊度搵啊？

無錯，前兩年我都仲係咁諗，所以我做得好勤力，OT無補水唔緊要啦，有時自己早走咗當補數，幫公司捱埋去，但去到一個時候認為咁落去，只會令自己競爭力下降。加上做細公司，晉升機會一定少，公司擴展唔到，你個亞頭一日唔走，你都無位上，年年加一成，點加都好，總會有封頂既一日。

然後，上年年尾遞咗信。因為本身做得好，有其他公司挖角人工追返同期。舊公司都無話留你定咩，仲好快搵到人接手工作，只求我最後一個月盡量幫手清哂舊野，同埋順利交接。

睇到喱度既巴打，多謝你。

我亦為想為自己喱六年工作生涯總結一句：喱個世界無話少咗邊一個唔得，永遠放自己第一位，對自己好啲。

各位有責任感既巴打，在商業社會，就算幾有人情味都好，都要記得對自己好啲。共勉之。

大家好，今日有感而威，講自己少少背景先。我係八十後，畢業入了一間公司六年，之後無轉過工。事實上唔轉工係因為自己惰性同埋感情用事。

惰性唔係自己個人懶，而係自己怕轉變，怕適應新環境。加上本身份工時間彈性，又無王管。一個人係喱種自由既環境耐咗，同埋自己在公司有一定地位，真係會唔捨得走。

感情用事，講既係一間公司既文化，我做既係細公司，人少，同事，上司自然熟。年年可以入房同老細傾人工，亦年年都會加，加幅高過巿面。講既係一成以上，有時仲會半年加一次。但喱個加幅絕對唔夠轉工加得快。亦都因為喱個原因，令我留在一間公司六年。

大家可能覺得一份咁既工去邊度搵啊？

無錯，前兩年我都仲係咁諗，所以我做得好勤力，OT無補水唔緊要啦，有時自己早走咗當補數，幫公司捱埋去，但去到一個時候認為咁落去，只會令自己競爭力下降。加上做細公司，晉升機會一定少，公司擴展唔到，你個亞頭一日唔走，你都無位上，年年加一成，點加都好，總會有封頂既一日。

然後，上年年尾遞咗信。因為本身做得好，有其他公司挖角人工追返同期。舊公司都無話留你定咩，仲好快搵到人接手工作，只求我最後一個月盡量幫手清哂舊野，同埋順利交接。

睇到喱度既巴打，多謝你。

我亦為想為自己喱六年工作生涯總結一句：喱個世界無話少咗邊一個唔得，永遠放自己第一位，對自己好啲。

各位有責任感既巴打，在商業社會，就算幾有人情味都好，都要記得對自己好啲。共勉之。

份工hea同無皇管好易不知不覺留左係度

Sorry 巴打，我都知長得濟，所以分咗上班台嫁喇。唔啱你睇都無法

最未一段真係警世良言
打工最緊要係將自己擺係第一位
唔好上心落間公司到
人地只會當你係廉價勞工

如果有心，要襯早斬欖

你明就好

商業社會就係咁
好多打工仔成日覺得公司無左佢會死，放到自己好大

唔係鼓勵大家做「奴隸」而係睇清呢個社會真實一面就係,

人搵工多過工搵人

你唔做大把人爭黎做

你有好機遇就跳槽, 無需同公司講感情

公司唔留你就證明佢當你係隨時replaceable 的人

無錯，我本身都驚自己走咗，會影響公司。
但原來自己係可被取代。
當你決走離開，人未走，茶都已經涼。

同埋你份月薪，係包你上一個月既付出，唔係未來。

無錯，早啲明會更加好，所以先有感而發開post。

公司角度睇，留到人當然最好既。

當然我地作為員工係應該WFC

老老柒柒人人都要經歷呢個階段
就差在你會記一世定係轉個頭就唔記得
依然認為自己好撚重要

大部份人都係replaceable
只係可能本身人工低
公司要請返同一個人而家可能要加多五千
但你係公司做六年加人工慢慢妹
所以點解有d公司d人成日話新入職果個仲高人工過自己做幾年

同樣喺公司做左好耐，公司近排越黎越戇鳩，其實日日都諗住走

無奈人工太高，出到去搵唔返個數，變左焗住磨爛席

我今年FG 就係好驚自己慢慢會唔想轉工
而家做緊個份間公司好大 人工算average 但唔係成日都好忙 甚至有時無野做
但成個行業overall都好難發圍 而且工作性質比較悶
諗緊好唔好轉去其他相關而且搵到高d人工既行業
黎緊七月一年 希望今年12月前比到自己一個答案

不嬲員工對公司黎講只係condom黎，冇左岡本咪買杜記，你估得你一隻dom咩

講得好
從來返工都為自己，因為隨時都可被取代
有得跳就跳 一切錢途行先 保持競爭力
加油巴打

樓主有本事

x2
我出到去冇thisav睇冇連登玩怕唔慣

真
好多公司扮到好體諒你
講到自己幾慘幾慘 好感謝員工一齊奮鬥
其實都係想你乖乖地做 唔好扭計
但好多傻仔真係以為公司當自己一家人

真
我有同事調左team
隔離team嚴好多
以前佢都仲可以上下連登或者上網睇下新聞
而家就算無野做都好似坐監咁 乜都唔做得

人工太高 ，咁cover到忍受公司戇鳩又ok既，最怕人工又低，間公司又九唔搭八。

講到尾，打工都係為錢。

我都係咁上下
出到去要打7折
書又讀得少
唯有焗做