做少少review 分享下
連運費五十幾蚊港紙 舊野本來三十幾 我用直運所以貴啲
有埋包裝
呢個牌子仲有出幾款類似既joystick 自己上天貓搵啦 唔幫佢賣廣告
有個袋比你裝住 個袋都幾厚 放入背囊都仲可以 褲袋就唔得 
入面 舊野同一個扣 個扣其實可以掉左佢
仔細啲睇 放手指個位有凸凹紋 無咁易跣手
重點 佢係膠黎 唔怕整花個mon 同機身 有得打開方便睇mon
都幾易裝 幾秒就裝到 舊野唔大 可以放褲袋 搭車時想快手玩鋪過下隱都ok
但對於個細mon機黎講可能有啲大
如果係用全mon 無邊機既巴打可以拉出小小用 咁就無咁阻住
我用iphone xs 試玩咗兩鋪 其實幾硬 要用啲力黎控制
呢點我都理解 硬啲無咁易爛
可能唔太慣 要用多啲 但控制感比起用mon個joystick好
基本上轉圈 急轉 左右左右移動就無問題既 輕鬆做到
最大問題係睇唔到左下角
平時用手指 都已經難睇 用佢係睇唔到 所以上面話用全mon機既人推出啲用就係咁解
Mon細既就唔好用啦
同埋我發現推到最入用會令到個人唔識停定
應該同mon個joystick 有關
推出啲就無事
總結：買唔買黎用我就覺得唔係必要
你覺得mon內joystick 好難走位/控制先買啦
50幾蚊 唔貴 而家食餐m記都40幾