香港地，生得醜既女仔仲慘過毒撚

香港地真係好扭曲....

個外表係點，同佢是否值得你／妳去認識或接觸有咩關係....？

人與人之間嘅交流最重要嘅元素就係「靈魂」，而唔係一副會老會爛嘅皮囊。

難怪宜家啲人嘅感情會咁快就變／破裂，皆因將焦點放咗喺隨時都會變嘅嘢上面，就好似對住一個玩具咁。

大佬呀 你外表唔吸引人 人地點解要主動接觸你？
靈魂既野人人都有 如果玩眾生平等 個個唔睇樣 玩隨機配對 你仲慘啦 幾時隨中你？
反而係呢個睇外表既年代你努力執下 起碼機會贏一堆人先

外表決定一個人會唔會同你係埋一齊 性格決定同你一齊得耐唔耐 呢個先係世界真理 唔好再話睇樣係膚淺果d離地野

Sor，我真係無呢種傾向，睇嚟我真係唔適合做一個香港人。

喺我身邊每一個朋友都係我無啦啦走去撩偈傾果陣識番嚟，完全唔係因為個樣我先去主動去搵佢傾偈，而係我想儘可咁了解身邊嘅人同埋佢哋嘅故事，同每一種人交下手，咪話唔過癮。

況且，我嘅邏輯話俾我聽：外表好同唔好嘅人，都係一個會有病痛、抵抗唔到衰老、無法逃避死亡嘅人，又有啲咩咁高等啊？咪又係脆弱不堪嘅人！憑啲咩有特權啊！？你估你係上帝啊！

最後，我真係喺睇外表識人呢一點上「見識」過唔少。所以「外表」呢樣嘢，其實好弔詭，奉勸你唔好信得太認真。