點解馬勒當拿係球王??? (同比利同級 仲高於大哨施丹？）

講開又講
比利當時黎過香港踢過一兩場波
山度士香港邀請賽 1970
聽當時啲人講比利係可以用身體任何一個部位控波
當然佢心口控定再抽射好經典

比喻佢對手姐
地位技術差幾十皮

當時最出名係佢係中國城一晚洗100萬

肥馬踢小保加嗰陣都來過香港表演

比利踢紐約宇宙都再來過香港

唔好咁痴線啦ching

球王係一樣好主觀嘅嘢嚟

https://youtu.be/rHXtnAwH8Js
佢係嗰個年代做到d咁嘅嘢 好多人都會讚嘆
因為有d動作 過人 技術嘅流暢係之前未必有人做到

你依家睇返當然覺得平常 大把人都做到啦 但點解總係有人話小花未超越到老馬？

唔計世界盃 都會有人話老馬嘅觀賞性高過小花 更何況老馬係有盃嘅 做到球隊所謂嘅領袖 icon

小花退休後實比人公認球王 甚至有人話佢係GOAT
咁以你嘅point 佢冇世界盃唔通就唔係球王？

每個時代都有個icon球王 比利年代d人 體能 身體對抗 防守技術同意識都唔高 你揾個現役踢港隊嘅都隨時撚到嗰班人一棟都冇 唔同時代邊有得比較

牙朗夠冇乜球味啦 咪又有人叫佢球王

點指加分咁簡單
老馬加入後係幾乎一人之力將拿玻里變爭標份子
要知當時祖記係柏天尼年代
ac係巴里斯既意國防線，後期係荷蘭三劍俠
國米德三劍俠，羅馬，森多利亞一堆國腳

用今時今日既例子，
就好似英超修咸頓，上季僅僅護級成功
依家季中轉會，佢突然盡用球會資金買入麥巴比
於是今季後半季就靠麥皮入波排第10
下季佢地就壓過曼阿車
之後一季只係輸俾曼城同利
再一季輸利，但足總同聯賽杯冠軍，聯賽杯仲全勝冇輸冇和。
再一季輸曼城，但贏歐霸
跟住贏英超
咁你話呢個球員值唔值球王？

第九排名嗰球痴撚線
同埋第二嗰球就係當年老馬ko柏天尼同祖雲嗰球

算唔算上錯賊船
聽佢講
一來佢想離開巴塞 二來佢經理人爭人高債
但佢去到先知原來隊波係護級分子
而且走唔甩 好似之後ac/祖記想簽走佢
但拿玻里要佢幫球隊贏咗個盃先

但正正因為咁踢弱隊一己之力先成名球王
否則如果入班霸 祖記 ac國米之類只會係巨星級數？
上唔到神枱 做唔到意甲鋤強扶弱既威水史？

咁講似乎係 隻手+86個盃(個盃心服口服）+意甲鋤強扶弱
成就咗佢咋喎

https://youtu.be/Skt9pmgu684?t=2m9s

2:09嗰球

其實有d似，不過拿玻里有老馬時除左第一同最後一季外，好似好幾季未跌過落第3以下，季季都爭標份子喎

我愚見

比利 係 真球王

但老馬講真 唔會同施丹 大哨差好多

當然都係同柏天尼 薛高（同代人） 同級

而且高過細哨 費高 卡卡之類

只係冇上到比利咁高

（暫不討論依家壟斷十年果兩個人先）

咁又唔好吹咁誇講到肥馬度度都一己之力
再強嘅球員都要有好隊友配合先有獎盃

Even拿玻里喺肥馬加盟前兩季係護級隊
但佢地嗰陣係叫突然下滑 整個七十年代佢地都係意甲前列分子 81年拎過季軍 82年仲喺第四
爛船都有三斤釘

二來蛆柏天尼唔退休 肥馬都未有得搶意假
反而喺拿玻里之前已經有隊維羅納比佢地更加爆冷喺85年 即係肥馬來意第一年拎左一次意甲
嗰季仲係意甲唯一一年係用抽籤分派球證吹比賽
所以理論上係最公正嘅一季

又主要嗰幾年同拿玻里爭意甲嘅對手 其實係米蘭雙雄

講到尾佢再勁都要拿玻里入到好貨幫手
早期佢有Bertoni呢啲國家隊前輩意甲老屎忽拍住
Careca Alemao一前一中兩個巴西佬都係名將
好似Bagni 或是之後De Napoli 同Ferrara呢啲都係踢左幾廿場國家隊玩過大賽嘅意大利國腳

比利嗰啲片frame rate 咁低梗係步頻差啦

巴打就講得啱啦 你咁講費托除左聯賽咩都有 世三都有埋 但係你都唔會叫佢做球王啦 華拉尼仲勁 講carry佢保住成條法國防線 仲要咩盃都有啦

我諗冇人答到你，佢入強隊會唔會只係巨星級數，始終佢入巴塞成績表唔差，唔係傷患加斷腳之類，巴塞未必放人。

始終一個世青mvp, 仲keep住發光發熱，我唔信班霸會咁易放人。

果然歷史係不斷重覆，無經歷過既始終都係唔了解，只會不停問點點點解之後又駁駁駁
見親呢d po就覺得好快有新一代出黎屌話當年Messi C7 吹大左，blah blah blah

個關鍵係你用今日既觀念去測量幾個decade前既事
坦白講要事後孔明咁望翻轉頭，十個古人九個都吹大左
只能夠話球王呢d名，根本就無一個standard去解釋。好撚虛無縹緲。唔似會考30分就有得叫狀元，唔似打機咁符合條件就achievement unlock
就算真係有個條件，都只會係d好抽象既野。例如統治力、影響力、公信力、魅力諸如此類有講等於無講，聽完都唔知up咩既解釋。
講到尾都係大家主流同意/不同意。根本無得拗。
去到呢d位就只能話存在即合理，好似進化論適者生存咁，時間會自動淘汰同分高下。
你問我我會覺得老馬比利係史上唯二既球王，兩位都well deserved，係最頂級。
十個球員有九個夢想都係想做繼比利老馬後既第三人。
其他所謂球王，例如大帝呀大哨呀地中海呀，都係好撚勁既人，但唔係球王。

其實仲有
例如classic10 踢法已經失傳
慢節奏攻中唔合現代踢法之類

仲有 當年啲前鋒或者攻擊線係唔會成場都顯眼
唔會好似c朗/施丹/夏薩特/美斯咁成日帶住個波

反而好似大哨/柏天尼咁
成場可能唔起眼 一接即傳
但一唔留神俾佢一有機會有空位就食硬，結果就咁入粒波
或者你一唔覺意就佢拎波兼過你/爆你，跟住單刀入波
或者死球識捕位等等

總而言之當時啲前鋒係打到成隻獵豹咁
而依家係
逼搶逼搶逼搶
跑跑跑 傳傳傳
十一個都要係體系球員咁
唔俾時間你 都唔會俾空位你扭
你一接波就圍你搶你咁

唔知點解我咁多年都覺得卡拉卡只係好命水做到名將。
可能我主觀，但我覺得冇老馬帶起，卡拉卡同90年代馬些路之類冇乜分別，就係比較普通既巴西前鋒囉。
至於迪拿玻里同費拉拿，後者當時太後生唔叫得主力，前者就真係有幫助。
老老實實，除左bertoni, 迪拿玻里同另一個giordano外，我真係幾主觀覺得拿玻里隊波，係靠老馬先帶起班人入到選