Day 12 札幌
[年尾放假好得閒 快D埋埋個尾先]
行完北海道神宮就搭地鐵番市中心
其實都好凍下架wor
條女係咩料
尋晚食完飯去左round1 行左個圈 本身諗住黎打下機
但係太攰 所以決定今日先黎
目測好似幾好玩咁 但係玩左一舖覺得其實有D無聊
完全係毒撚模式 走去玩電車GO
雖然之前玩過一次 但係其實都係亂玩
屌 真係可以再垃圾D
之後再玩左一舖 距離係唔夠1米 但係delay 左20幾秒....
玩左成1000 yen 發覺好似太多
走左去薄野附近嘅7仔印postcard
點解日頭紅燈區都仲有人拉客架
未撚訓醒
明明呢張毒撚野只係想印比自己留念
點解我會印左咁多張出黎。。。。
印完都好肚餓啦已經 因為都1點幾
就行番去札幌站食飯
成日都以為2個地方好近
其實行成10個街口都未到 仲要係會sin腳嘅地面
不過都好嘅 食咁多都要做多D運動消化下
唔係番香港減10世都減唔番
之前其實bookmark 左札幌站JR plaza 嘅 2間餐廳
但係今日已經係係札幌最後一日
加上好懶又好肚餓嘅關係
我決定呢個下晝淨係食野 唔去小樽啦
諗住都成2點 又係平日 唔係好使等位啦
點知。。。
回转寿司根室花丸 話要等起碼1個鐘
我諗我應該會餓死。。。
咁我照拎左張飛先
個mon一大堆日文字唔知up mud 9
我估都係好似元氣個D問你留唔留電話 有位會打比你D FD
咁就算我有電話no. 打比我都聽唔明啦
所以我咩都無比到 淨係要左張飛
然後過同層嘅十勝豚丼睇睇
屌 又要排隊 不過係少好多人嘅
排左20分鐘到就入得去
係門口見到師傅燒嘅時候 係會用風筒一路燒一路吹
都幾得意
有得食啦 842 yen 平過又大碗過丼丼屋好多
因為實在太肚餓 一碗豚丼係唔會夠飽嘅
所以我就去番根室花丸睇下排到未
點知原來過左
又要再排過
不過當抖下消化下都好 應該無咁快又食得落第二餐
攞過張飛再等多45分鐘
日本唔似香港食譚仔 無得一個人優先入座
逐個逐個no. 叫 真係有排叫
終於有得食
望落都覺得好高質呀!
平時唔係好食蟹都好想試下
個蟹真係好鮮甜 不過都要成400幾yen...
環境幾好 令到你好想食多D
D師傅好有氣氛
係香港食回转寿司淨係會聯想到明將同爭鮮
但係其實係可以食得好高級!
食左幾碟壽司忽然想食D熱野
就拎左個炸薯角...
其實薯角都好高質 咁大份都係130yen。。。
莫非呢個就係根室名產 花咲蟹 (9 up mode)
最後埋單盛惠2200yen
即係2餐lunch 加埋食左3000 yen有多
食飽係個商場行左一個鐘
就出事啦 見咩都大減價 買下買下就買左成18000 yen
但係買左一對鞋 一條片帶 一個clutch 一條tie 其實真心抵玩
番酒店攞gip (又行左幾個街口)
又番番黎札幌站啦
電視台直播拍野
前後5日嘅北海道之旅咁就完左
由函館坐車上札幌再上稚內
落去旭川再去網走
網走再番札幌
好充實好好玩 雖然真係好攰
又係搭到懷疑人生嘅特急北斗
今晚會搭到落函館再轉北海道新幹線落青森訓一晚
聽日就會再落東京
頭先嘅戰利品
走之前點都要買多盒奶飲 好平又好飲
仲有2晚就走 趁搭車無野做就開始寫postcard
又係新函館北斗站
架車delay左少少
d職員叫我地快D上車
全日最後一班新幹線
成卡得我同另一個男人
想講東北 北海道新幹線真係最舒服!
番到黎本州 有D落寞嘅感覺
已經11點鐘
仲要轉奧羽本線去青森站
點解青森無行程都要黎青森?
就係因為佢呀!
係青森先有機會見到佢地所有款嘅蘋果汁
太攰 聽日走之前先大手購入
全車加埋都無10個人