Day 11 網走 札幌
番到網走行番去dormy Inn嘅時候
經過公園發現黎到北海道未做嘅野
就係大字型達落去雪地影相
影個陣都好爽下
上黎個下先發覺手指凍到僵左紅曬
唔醒起要拍走d雪
條褲最後濕左
結果最後要番酒店用風筒吹乾條褲
成朝做左咁多野 終於番酒店食早餐
呢個時候先8點
本身上網睇話呢到個爐端燒好正
平時唔好海鮮都諗住試下
但係結果剩番左上d番薯(唔好食嘅)同有d燒魚
之前上網睇話有大大隻帆立貝
有成個鐘食 食下食下就食左個好飽嘅早餐
好彩呢間野加早餐唔算貴
覺得dormy inn個早餐唔算好正
番酒店吹番乾條褲 執埋d野又要起行啦
今日個天好靚
出發去今日第二個行程!
雖然係搭空港線
但係唔係搭內陸機
係要去一個隱世景點
去開偏僻地方旅行嘅人都知
細機場嘅空港線係跟幾點有機depart 同land而決定巴士幾時開嘅
其實之前出發個陣嘗試上網搵回程嘅時刻表
但係搵極都搵唔到
上google search 左有車岩時間番就算數
黎到網走巴士總站
打算double check 下
好啦因為搵曬成個巴士站都唔見
就問人 然後佢話無回程嘅時刻表
最後唔知咩料 心口寫個勇字
唔知有無車番黎嘅情況下照上
我仲特登上官網search 究竟幾點有機會land
Suppose 我1010落車
然後1055班機land 應該架巴士1130-1145會經過我等車個站
沿途心諗應該無事嘅
影下靚景定下驚先
係架車都曬到要攞番副超出黎戴
呢個站落車 終於到 童話之丘女滿別-道路休息站(メルヘンの丘女満別)
姐係頭先我話個隱世景點
其實都係之前上網亂搵嘅景點
覺得佢幾靚
然後又(好似)夾到時間去到
呢d地方真係極隱世
搵交通砌時間同check 有無車來回都用左我唔知幾多時間
可能你心諗好9
不過真心覺得幾靚
現場睇成片雪地又係一番震撼
話明道之駅附近
其實我係企正係條公路隔離影
一條友拎住枝自拍棍 d車經過望過黎其實都有d尷尬
都有唔少人停低架車落黎影
影下望下冥想下又過左半個鐘
今次醒左 叉住尿袋黎影
到底最後會唔會有車番網走呢?
網走探險之旅 下回分解