訓醒有感打左長文,唔好介意
由初出道喜歡佢,個時開始有唔同韓星黎香港開演唱會。好期待好希望佢黎!
終於終於等到佢黎第一次FM,老實講係好失望,失望的係玩d on9遊戲,問d on9 問題!我當時真係只係好想聽佢唱歌!想大聲爲佢應援!
第二日好認真打左一段野比主辦,表達希望再有機會的係一個演唱會。
結果到第二次,都係FM...真係好鐘意聽佢唱歌,無計照去!都係玩遊戲,唱幾首歌!不過佢今次準備左首囍帖街,宜家呢刻我都記得個下現場的震撼!佢的用心係100%溶化左我!亦都奠定左我佢嚟香港開show我一定會支持。
到第三次會展,終於係一個演唱會,好期待,好興奮!亦都無令我失望(唔計陳奐仁)!終於可以聽到一個完整的演唱會歌單!一首又一首好想聽的歌終於聽到佢的live!好記得完左場開曬燈,大家跟住音樂一齊唱,佢再出返黎,坐係場邊到唱!好感動!
會展呢次亦係我自己最喜歡的一次。
第四次,未入場之前的確係有d期待,佢會準備d咩驚喜!但佢真係唔會比你估到!一首廣東話的夜信,當時震撼到宜家都無法忘記!真心問有幾多韓星係會咁用心?(唔係要引起罵戰) 佢每次都講我地比到驚喜佢!其實佢比的驚喜犀利一萬倍!
今年,十年,最令我感受的係應援的聲音大左好多!整齊左好多!我相信佢都感受到同記得!當年會展個次,佢有d驚,問大家點解咁靜
D人話今年普通左,無驚喜。係因為大家都比佢寵慣左,期待佢有好震撼的準備!但我睇左咁多年可以講今年整體氣氛同佢的表現係最給力!
今年佢講多左好多野,睇得出佢好真心想同大家交流。另外首站的event今次真係應記一功。見到佢喊,我都想喊
以上係我多年黎的感受。
無睇過韓場,無得比較。但我的感受係佢每次黎都會出準200分的力表演,唔會揸流攤!寵粉絲到一過有點離譜的地步。住後的十年希望佢可以繼續唱,唔好咁快搵夠,退休