[不服來辯] 林夕同黃偉文始終都係唔同層次

講林夕點少得士多啤梨蘋果橙，直頭好似係搵痾屎個十幾分鐘求其填左去交貨咁

sorry 叻唔切 睇錯左 收返

認同樓主
但我覺得一個女人好聽d

呢隻真係不得了 但同碟我鐘意秋分多d

Google 完先知原來真係有燙秋葵呢個Term

林夕寫比王菲 首首都詩咁靚

服所以唔知講咩好

之前同某個學者傾過，我地覺得無優劣之分，但少年愛林夕，中年愛黃偉民，老年愛林夕。

一者高高在上，一者入心入肺。


BTW，睇詞應該睇顛峰，林夕既暗湧對黃偉民既漩渦，呢個時期真係好難講邊個比邊個好

覺唔覺林若寧青出於藍？

我覺得林夕似唐伯虎多啲

文字功力已經去到林黃既級數（《雙雙》玩文字應該係近年頭3既詞作），但係視野始終太窄，比多5年佢可能有機



PS. 唔好同我拎陳詠謙同佢比，陳詠謙係火火果級

林夕說過：「如果用三種東西比喻我們，我是一塊海綿，黃偉文是一個刺蝟， 周耀輝 是一個雕塑，而且是紫檀木的，小葉紫檀，最貴那種，現在已經滅絕了。」

其實林夕心入面都覺得自己最勁, 呢啲客套嘢嚟啫

呢個就係我講嘅林夕描寫背景嘅功力超強，黃偉文就拿手於借喻

淨係睇暗湧頭幾句嘅用詞 「天空深」 「裂痕」 「密雲」 「暗燈」 「我心」 已經幻想到故事入面嘅主角係間小屋入面，透過窗望緊出面嘅天空

漩渦頭幾句嘅用詞 「曲線」「樂園」「公轉」「沈澱」

黃偉文係詞感方面真係唔夠林夕黎

講真 黃偉文真心小器

當年側田既命硬係改左一次歌詞

原本首歌係講寫信，側田同雷頌德第一次拎咗歌詞返去錄歌，發覺唔對路，叫黃偉文寫多次，之後先有命硬，但之後我冇見過黃偉文再幫佢哋寫歌詞

本身第一句係*他整晚在寫信*
我聽完都覺得好on9
仲要話覺得好好先比佢哋

依家係*他反對就反對*
成件事唔同晒 仲好好聽



https://youtu.be/VFJ5liQqEIM
3:00開始

他整晚在寫信
即刻變咗陳詠謙level

應該吔些秋葵

兩個都好正 無話邊個好啲囉
以前比較鐘意林夕 唔知近排鐘意黃偉文

林夕係個一種對感情細膩 看透世事 遠離塵埃 嘅詩人

黃偉文反而係一個天馬行風 充滿想像力 敢愛敢恨嘅頑童

無得咁比既

歌詞唔係純文學，而且只用語感來講，四六駢文先係最好語感既野

林夕寫唔到黃偉文既靡爛，黃偉文寫唔到林夕既情意，但佢地2個又寫唔到周耀輝既瑰麗。但佢地3個又寫唔到林若寧既「宅愛情」。

而且睇返詞作既受歡迎程度，80年代至90年代中，最中佢地既係林夕，90年代至千禧年中就係黃偉文，2010打後其實係林若寧。

如果要我講，我更加覺得係時代改變，一代一聲音，有燈就有人。

不過香港詞壇能夠有佢地2個，的確係一個盛世。

是 令我諗起wyman首土星環 居然將小王子寫左入首歌入面 正到