一人一件影響你好深既事

由細湊大我ge婆婆過身
雖然過左好多年
但周不時都會諗起自己因為好小事而錯過左同佢最後的晚餐，就好內疚，從此好珍惜同屋企人相處

生命真係好脆弱好多意外.. 但我相信你同你婆婆都彼此keep住好多美好既回憶

發現對朋友真心 其實佢地都唔會係真心咁對你 仲會無視你
而加對人都唔會再咁真心

係好close既朋友嗎? 有冇例子分享下

1. 細細個就由姨媽湊大，同佢同啲表姐嘅感情仲好過自己爸媽，姨丈係個好好先生 好熱心幫人 幫到就幫 唔會同人計 。那年....姨丈突然失蹤，最後搵得返，但點解唔見咗人，問返緣由，聽說係唔知係精神錯亂定關靈異野事，我傾向相信後者。就係咁開始有前科
隨後某年夏天....當我趕緊返學校傾PJ嘅時候，我仲好記得係星期六，我係特登返去。就到地鐵終點站嘅前數秒，我電話震咗震，我望一望個電話-我媽嘅wtsapp: 你姨丈跳樓死了... 我心入面即刻涼一涼 我即係打電話俾我媽問佢 咁我姨媽呢？ 佢俾姨丈扑到個頭 送咗入醫院搶救緊。 聽完喊哂口繼續衝返學校做野 因為我都幫唔到啲咩 太細個。但完全唔撚明點解同佢地一齊住嘅工人聽唔到任何嘅聲，佢係朝早先發現我姨媽成攤血昏迷咗係房入面，超好彩 福大命大救得返，但從此失去自理能力同溝通能力...警察同我地講話應該係我姨丈打傷我姨媽 之後跳樓畏罪自殺，但佢地兩個係我心入面係超級完美夫婦典範，到而加我都唔相信我姨丈會狠心傷害我姨媽 一定有其他原因但從此唔再相信有完美愛情

2. 報exchange 報完先知自己超想去。迷信去求籤睇下成唔成功 佢又話成功。結果期望過大，中途發生好多少事，不斷有希望又再失望 個人都幾辛苦。最後收到個負擔唔起嘅offer，但佢再次俾希望我，我知呢個係最後機會，於是係咁迫自己諗辦法可以成事，加上功課壓力，最後迫得自己太緊同俾offer我個老師太仆街，我患上了抑鬱，影響到而加都未好返 但好影響我生活 從此我人生提前開寫新嘅一頁

細過老豆老母從來對我無寄望 覺得平平無奇就算
俾老豆覺得我係垃圾 似舅父 我舅父有精神病

好愛ex 但比佢打過 最後明白到要搵一個愛自己既人 自己幾愛都無用

岩呀，幾愛做幾多野都好，最後都係浪費心機，分手個刻覺得成個人被掏空了
我都不想再愛了