帶著腦魔去旅行－高山北陸5日pass 實戰

Day 4

依一日終於可以晏啲起身 不過都係10點幾左右
11點左右就出門口啦

依個時候就係諗係京都食好定係大阪食
不過我又想食大阪燒
而我家姐又推介左間蔥燒嘅大阪燒
話好多當地人去食 又冇咩遊客

Link在此：http://www.negiyaki-yamamoto.com/

佢話依間野有時要排隊 係梅田hep five 同est 側邊個條小街
依間野11點半開門 我行到去個邊都差唔多啦
佢又極力推介就去試下啦

蔥燒隔離就係三田沾麵鋪 身為沾麵fans嘅我見到沾麵就想食
不過依間野上次去日本食左
好食過香港銅鑼灣間分店好多

唔理啦 今日係食蔥燒
去到岩岩開鋪 唔洗排隊



入邊真係唔見有咩遊客都係日本人多



我就叫左兩個炒麵
一個就咩都有(海鮮，豬肉，牛肉)仲有隻蛋



一個就淨豬肉炒麵



仲有兩個大阪燒


右邊係海鮮蔥燒
左邊係咩都有(海鮮，豬肉，牛肉)嘅普通大阪燒

所謂嘅蔥燒同普通大阪燒嘅分別係
蔥燒會用蔥取代平時係大阪燒入邊嘅菜


腦魔見到啲野咁好味都忍唔住奶下佢地

蔥燒如果係鍾意食蔥嘅人就會覺得好好味
普通大阪燒都好好味又足料 諗返起都想再食
炒麵又係 睇佢唔係好深色 好多醬咁 但係都好夠味
成餐好好食 推介大家下次去大阪又想食大阪燒可以去依間

食埋飯就出埋有積雪嘅清水寺

上年去高山北陸玩左2個禮拜
D jr/巴士pass 真係太短日子完全唔夠用

上年去高山北陸玩左2個禮拜
D jr/巴士pass 真係太短日子完全唔夠用

正 我都想去咁耐

食飽就出發去京都啦
係大阪搭JR去京都半個鐘就到
同平時係荃灣搭去金鐘咁耐

依一程車張pass都係包埋

之後就出京都站門口搭巴士出發去清水寺

係五条坂落車 亦都沿住五条坂行去清水寺
一陣就由清水坂落返黎

清水寺我相信好多人都去過
我上年5月都去過一次
但係有積雪係屋頂嘅清水寺就未必個個人都去過啦
所以今次再去過
同埋今年2月左右開始清水寺舞台就會開始圍板全面復修
一整整3年
所以襯佢未開始復修去多次先

由五条坂上到清水寺啦
個日個天氣好好
係咁



望返落去



之後就沿住行上去啦











腦魔都同紅當當嘅建築影左張相





就繼續行啦





影出去





影下舞台對面個個位
5月去個陣仲圍晒板 今次拆左啦 不過仲整緊









望落去音羽之淹







個邊嘅屋頂仲有啲積雪係到

腦魔：喂，我都要奶下嘅水







周圍影下啲樹仲有少少雪係到





之後就行左去地主神社幫腦魔求下戀愛同姻緣運 希望佢可以奶多啲腳



[img]https://na.cx/i/Dh67yBL.jpg[/img
]




之後就個位比嘅人比錢留佢地個名係個神社隔離 祈福咁
當中都有3對香港人 希望佢地祝福啦







同時腦魔都企左係個舊姻緣石到 等啲女女過黎搵佢 比佢奶



就係地主神社影返去舞台



之後就出返去跟返條路行啦





係對面影返清水舞台





依張仲影到個棚 冇計佢仲未整好





不過有積雪嘅清水舞台真係好少見
依個都係佢復修翻新前嘅面貌
唔知2020年左右翻新完係咩樣呢
好期待









之後就落到底影返上去啦







之後就行返門口啦

影返落五条坂同清水坂





影返去清水寺門口







就一路行落去影下啲古街





行到街尾個陣見到有間賣日本酒味嘅雪糕
就買左個黎試啦





真係有酒味都幾得意
不過豆腐味好味啲

之後就行到龍貓專賣店
腦魔都同隻龍貓影左相



食完就行返去搭車
等車個間見到日本MK的士



跟住就返大阪啦

出住咁多先
聽日出埋最後一日就完啦

補返出唔到張相

搵返上次張飛
原來唔同季節清水寺張飛會唔同
左邊係今次 右邊係上年5月

訓前一推

訓醒再推

搵返上次張飛
原來唔同季節清水寺張飛會唔同
左邊係今次 右邊係上年5月

食飽推下先

今晚出埋大阪

5點幾左右就返到大阪啦
之後就係梅田行下
最緊要就係行因為第一日delay左而冇行到嘅pokemon center



腦魔都同比卡超影相

就買左幾隻pokemon 點知都係冇我想買個幾隻
冇眼珠嘅木木梟
（我因為冇普通版買 最後就買左冇眼珠pokemon doll版）
甲賀忍蛙
（都係因為冇小智忍蛙 所以先買依隻 ）
想買但係冇得買：謎擬q 白色六尾

最後買左：冇眼珠嘅木木梟，甲賀忍蛙，夢夢，瑪利露，樹枕尾熊



腦魔又企埋啲pokemon到做咩 睇你個樣都淨係識奶腳絕招
做唔到pokemon架啦

個日夜晚就食雞泡魚
冬天係雞泡魚最肥最好食
但係我不嬲都唔係好鍾意食海鮮個啲人
所以就唔係咁識食啦

佢做4個食法
第一個前菜就係雞泡魚皮 加豉油同檸檬汁


第二個就係雞泡魚刺身



依個就比一般刺身有咬口同有鮮味

第三個係打邊爐



依個就食得出佢嘅鮮味啦

最後就拎打邊爐個湯整雜坎
姐係加隻蛋同飯 再整黎食 好似泡飯咁
依個就好好味個湯好清甜

最後就有個甜品 硬硬地幾好味



如果你好鍾意食魚就可以去試下
唔係好鍾意食魚食唔食都冇所謂
唔係必食

食完就返去執野準備聽日返香港啦

今晚會完埋佢

Day 5：
最後一日啦
要香港啦

依日就執好晒野
10點半左右出門口
行去大阪站
11點前就到梅田啦
係大阪站啲coin locker放低個喼

就去車站入邊間coffee shop
食野
叫左個吉列豬扒三文治食



塊豬扒都好大塊
睇佢咁細份 其實都好飽

之後就去左心齋橋行下
行足一日就去機埸啦

不過黎到心齋橋點都要同固力果人影下相
腦魔都唔另外



之後行disney store
買左隻好似比人打腫左嘅毛毛



好得意

之後就食左個章魚燒



行多陣就返梅田拎返個喼出機場
為左將張pass用到盡我連出機場個程都係pass包埋
搭JR阪和線同關西空港線出機場



小提示：依架車頭4卡1－4先係去機場 尾4卡5－8係去和歌山
唔好上錯卡 搞到要係架車行黎行去就麻煩啦

同時依架車都會行大阪環狀線 返工時間會好逼
如果唔係為左用pass慳錢都係搭返機場巴士 南海電鐵啦

今次搭peach係T2
不過早到左機場 一陣係飛機又冇野食
就係T1個food court食野啦
食左個奄列炒麵同係M記買左個三角形朱古力批
好味

之後都去機場間pokemon center睇下有冇沉日買唔到嘅野
結果都係冇
但係買多左隻穿著熊



之後就去搭free shuttle 去 T2啦
而T2得peach用所以都冇咩人 好空好大下
去到就都去執下喼 就check in 啦

過埋關



就買左隻野飲諗住一陣上機飲



就開始上機啦






坐好就準備返香港啦



坐左半個鐘架飛機都未郁

我嘅唔好彩又黎料啦
又係係廉航身上展現

之後空姐就話security check 有問題

大家要落返機 拎返晒係機上嘅野 過多次security check

我心諗：唔係掛 唔同佢岩岩冇開部x光機呀 定收到咩恐嚇咁呀

之後就拎晒嘅野落返機



排隊過關出返去 過多次security check







同時我本passport都多左個印
我相信連登咁多巴打成日去日本 都唔係個個都有依個印



我就有啦

之後就真上機返香港啦



原本9點15分起飛 都變左11點幾差唔多12點先起飛
預計1點10分到香港 都變左3點先到



依個咁唔好運嘅旅程都隨住腦魔搵返大腦魔而完結



今次搭廉航真係唔好彩
由去個陣delay一日
到返都要因為要過多次security check而delay 兩個幾鐘

不過整個旅程都係開心 可以見到雪景同極大雪嘅白川鄉
再加上係溫泉酒店被升級
我會再帶腦魔去多次架 白川鄉等我呀
最後提提咁多位巴絲打一定要買旅遊保險
個百幾蚊換黎出事嘅時候有一好大嘅保障
我就係一個例子

希望咁多位巴絲打睇得開心
希望大家有咩意見可以比返第一次寫遊記嘅我
有問題都可以問我

腦魔愛大家




完

完啦
希望咁多位巴絲打鍾意

追哂
你堅黑

Bye bye

追哂
你堅黑

都唔明點解咁黑

Bye bye

忠實fans