帶著腦魔去旅行－高山北陸5日pass 實戰

等ing

等ing

upload緊啲圖

Day 3
酒店朝早有shuttle 出返下呂站
班次係 8點半 9點10分
而下呂去白川鄉嘅濃飛巴士一日只有一班
時間係9點半
錯過左就要返高山站搭
由於我驚搭9點10分個班shuttle未必趕得切
所以就諗住搭8點半個班車 再係下呂站等一陣啦

前一晚係酒店一早book左7點鐘食早餐
所以一早6點45分就起左身啦
食早餐嘅地方同沉日食夜晚嘅一樣
早餐好似唔記得影相
有個煎三文魚 溫泉蛋 再加飯
食完野就返房執埋d野

返房執好野啲野 再拎個喼出lobby check out埋都已經係8點25分
就快快手上shuttle出下呂站
架車都有4,5個人坐係到 跟住就開車啦
出到下呂站都只係8點45分左右



張相係巴士站個到影出去 巴士站就係車站對面

個車站隔離有部野飲機 就買左罐粟米湯 同買左罐咖啡飲
行左去對面tourist centre 睇下買 有postcard



(tourist centre個個位就係上邊張圖 「下呂溫泉」個到啦)

入邊就有個印仔 係隻青蛙係到浸溫泉加下呂溫泉4個字
都幾得意下

等車個個位有暖氣好爽



9點20分左右就有個職員黎賣飛

因為我有高山北陸pass
但係張pass淨係包高山－白川鄉



所以要補返下呂－高山嘅錢 1000yen左右
而成程車就3000 yen左右

9點27分左右架車就到啦
係平時跟旅行團個啲旅遊巴咁 下邊可以放喼
成架車得我係下呂上





之後就搭上去白川鄉嘅路程車
成程車經過嘅路都好大雪












真係好佩服啲司機 揸住咁大架巴士 係咁大雪都行到



比我就唔敢啦

架車都delay左20分鐘左右先到高山
到左高山同個司機講比幾分鐘去個廁所
跟住就上返車
係高山都上多左幾個遊客
搭多一個鐘多啲就到白川鄉啦
成程都係高速公路不過都好大雪



行行下對面線好似出左交通意外 有條車龍





影唔到


條路都有好多時間都係行隧道 有幾條幾公里長嘅隧道



12點左右就到白川鄉比原定11點40分到遲左20分鐘到
成條路都白雪雪又落大雪 幾驚又去唔到

出住咁多先
一陣就展開腦魔白川鄉之旅

留名

去到白川鄉啦

就係tourist centre 個coin locker放低個喼
再入去去個廁所

之後就見到去觀景台嘅穿梭巴士唔開
同時因為積雪都上唔到觀景台
難得黎到白川鄉居然冇得上觀景台影靚相
不過安全最緊要唯有下次再去過啦
我個陣將依個消息同我家姐講
佢嘅回覆係
上次去綠綠地幾得意


都唔知攞景定贈慶

唔理啦
就由tourist centre沿住大街一路行
就行到尾個陣就轉右 向吊橋方向右邊 民家園個個位睇下

落吊橋前個個位好冼 我都獻出我嘅第一次
一野冼左落地

係吊橋上邊就可以見到右手邊 民家園個邊幾間合掌屋嘅景啦
個陣個天氣仲好好仲未開始暴雪架













一落橋就有個地圖啦 可以比大家睇返



民家園就係地圖嘅上方 要靠條吊橋過河先過到去
中間個條就係大街

跟住就到民家園門口啦 我就冇入去 係門口影張相就算啦





搭左咁耐車 同都行左一陣就係民家園附近嘅餐廳食飯

間餐廳咁岩有一團香港人10幾個係到好大咁講野
傾緊咩 一陣去邊呀 去咩最靚嘅starbucks
（依個最靚嘅starbucks係富山環水公園 我就冇去啦）

佢地又分開坐 搞到成間餐廳都好嘈
個一刻我都唔好意思 覺得香港人依個身分好差
唔敢出聲廢事比其他人聽到以為我同佢地都係同類人
好彩佢地就食完 坐左陣佢地就走啦

我就叫左個飛驒牛定食 有個飯同烏冬





再叫多左雞翼同類似燒飯糰咁嘅野



都幾好味
食飽就再行返去大街再過東大街個邊行啦
食完野一出餐廳就變左暴雪了

食完飯出埋暴雪白川鄉之旅

腦魔好可愛
雪景好靚

推多次
一陣就出腦魔係白川鄉野外露出嘅圖

推多頁就出新文
廢事堆埋晒係同一頁

腦魔

十連冇難度

推多頁就出啦

就到下一頁啦

一齊推